مشكلتي مع زوجي

يوة ...يا عيوني
حبيبتي لا تضيقين صدرك ...طيب ايش سوى يوم راح اخوة وجلستي تبكين....
صراحة ما ادري بس انا احس بعض الازواج على طيبتهم وحبهم لزوجاتهم ...بس الزوجة تصير بالمرتبة الثانية ....يمكن يكون احساسي مو صحيح,, بس انا لسة صايرة لي مشكلة من هذا النوع واحس بشعورك ...
بس على العموم الشيطان شاطر ويقوي هالاحساس عندنا
طيب جربتي تحكين معاه في الموضوع ولا لا...؟؟
ياليت تردين ونرجع نتكلم في الموضوع
ارق تحية.............ليال

حبيبتي زوجك راجل طيب متحولي تزعلي منه واعرفي انك مش زي سليفك (زوجات اخوات زوجك) وهم مهماش زيك كل واحده ويها طبع واعرفي انكم مش زي بعض

حمدي ربج و شكريه ..
أنا مشكلتي مع خطيبي و هو يقرب لي ولد عمتي ..
ان امه و خواته يدققون في كل صغيرة و كبيرة فيني و ما يعجبهم العجب .. اذ شافوني ..
ممكن يتكلمون عن الاشياء اللي مب عاجبتهم بس الاشياء اللي تعجبهم فيني ما ممكن يتكلمون عنها ..
لا أظلمهم كلهم في وحدة من خواته حليوة و تتكلم بالزين ..
و ما يهمهم اخلاقي كثر ما يهمهم شكلي ..
مثلا اخته شافتني قالت له خطيبتك شعرها ناعم و البنات و اهلي كلهم يقولون هالكلام ( هذثي الاخت الوحيدة اللي تتكلم عني بشكل طيب و ما تكذب)
جات امه و شافتني بعدين راحت له و قالت له شعرها يابس ... قام هو صدقها .. و مشكلتي مع خطيبي انه اذا احد قال له كلام مب زين يصدقه و اذا احد قال له كلام زين .. ام يعني و يعني ..
و قام يقول لي اهتمي بشعرج و المشكلة انه يقارن بيني و بين شعر اخته مدري خواته .. د
انا احبه حيل و ما رديت عليه ..
بس يوم من الايام قلت له انا فكرت اصبغ شعري من الاطراف بس .. قام رجع للسالفة القديمة انتي ما تعنين بشعرج ..
قمت قلت له ابوي و اخواني و البنات في المدرسة و الكل يقول شعري ناعم .. عاد انا باخذها ان شعري خشن ( جذا يسميه )
على حساب شخصين من ألف شخص ... على حسابك انت و امك ؟؟ ؟
و انا بصراحة من داخلي تحطمت بقوة .. صرت دايما أقول ابي اروح المستشفى أعالج شعري اذا فيه شي ..
ابوي و اخوي اللي اصغر مني يقولون لي اش تعالجين فيه .. أحد قاص عليج .. شعرج اش زينة و ما في احسن منه ...
بس انا بصراحة تحطمت لاني ما توقعت انه يقول لي شعرج خشن و بهالاسلوب .. بعدين يقول لي بس انا راضي فيج لاني احبج ..
و مشكلتي اللي اعظم اني أحبه و صايرة معاه طيبة و سموحية زيادة عن الزوم ..
و ما أزعل اذا أخطأت علي ..
بس داخليا أتحطم ..

هلا حبيبتي ..لا تضايقين عمرج لانه هذا النوع من المشاكل يحدث كثيرا في اغلب العلاقات الزوجيه... والحياه الزوجيه اللي ماتمر فيها هذه الاحداث لاتكون طبيعيه.. وها انتي سمعتي بعض التعليقات من الزوجات على ازواجهن اي انتي لستي الوحيدة التي تعانين من هذه المشاكل
ثانيا ..انتي سكتي وماقلتي شي وما صرختي وعصبتي معناته انتي كبرتي كثير في عين زوجج لانه كنتي مطيعه وماتكلمتي صح والا لا؟؟
ثالثا المفروض انج ماتسكتين بهالطريقه وتكتمين الموضوع في نفسج عشان ما تتضايقين نفسيا انا افضل انج تحاورين زوجج بهدوء من غير عصبيه ((ليش قلت لج بهدوء لاني انا كنت اناقش زوجي بعصبيه وصراخ والحين صار يتحاشاني ومايحب يتناقش معي)) احذري من هذي النقطه..وتقولين له ياحبيبي انت وعدتي انك تطلعني نتفسح ذاك اليوم وماطلعنا وانا رضيت عشان خاطرك لانك ماتبي تزعل اخوك بس اليوم من حقي اطلع مثل ما اني اراعيك واريحك واسمع كلامك في المقابل انت ملزوم تريحني وتراعيني وتسوي اللي احب انك تسوي لي اياه
قولي له مثلا.. انت مقصر معي في كذ وكذا (اقصد الاشياء اللي تبينها منه))ا واذا مقصره معك في شي قول ولا تسكت..
عزيزتي الحوار مهم جدا بين الزوجين لانه يساعد انكم تفهمون بعض اكثر غير جذي ينبهج على نقاط ماكنتي تعرفينها عنه وينبهه هو بعد على نقاط ماكان يمكن يعرفها عنج او يمكن غافل عنهها ومحتاج تنبهينه..
لاتظلمينه وانتي ليحين ماناقشتيه..
يمكن زوجج يعتبر هذا الموضوع مش مهم وشي عادي حاله حال اغلب الأزواج ومايدري انه هالموضوع يؤثر فيج ويزعلج صح والا لا؟؟
تحياتي يالغاليه وطمنينا عليج
سويت536

الله يعينج يالغاليه اناافتكيت من ام زوجي وطلعت بيت بروحي والحين عندي مصيبه اكبر اولا اصدقائه طول الوقت معاهم وثانيا الانترنيت الافلام المقرفه الله يكون في عونج وعون كل اخت عندها نفس المصيبه

و الله هالايام الزواج صار مصيبة في زماننا
رغم اني احب خطيبي بقوة لكن تجيني صعقات منه و اسكت عليها و الا جان من زمان علاقتنا منهارة ..
دعواتكم لنا الله يوفق الجميع

حبيباتي الغاليات اشكركم من اعماق قلبي قسما بالله انكم فرحتوا قلبي بردودكم.وابشركم زال الخطر وتراضينا ولله الحمد