زوجك ومسجات الحب والغرام

والله ارسل له ويقراها نادرا يرد وغالبا مايرد علي بعدين امل واحرم اني ارسل له بس ما يطاوعني قلبي وارجع من جديد اراسله بعدين في النهايه يحس فيني ويرسل لي

ماعاد ارسله
وتصدقين اذا ما ارسلتي راح يقول ليه ماعاد ترسلين
الشكوى لله

ما ادري ...بس انا عن نفسي افضل اني استمر لسبب بسيط
ان هذا الشي طبع البنات اكثر من الرجال وبالتالي حلو انك تعودينة انك دايم ترسلين ودايم تبادرين حتى لو ما ارسلك ...عشان لو حصل حاجة بينكم وبطلتي ترسلين راح يفقدك بشكل كبير وراح يبدا هو يرسل ....<<<من واقع تجربة
دايم الرجال يحب انك انتي الي ترسلين وانتي الي تدلعين...ايش نقول ..اطفال
ارق تحية ...........ليال

والله انا ارسله بلهبل اذا صار راضى ارسل واذا جت الحاله
ولله مايرسل لو اخلص الحد الائتمانى حقى برسائل؟؟؟؟؟؟؟؟
الله يهديهم لنا بارب

ماارسله الا بالمناسبات

خواتي الفراشات * جوجو1111 * صوره من الماضي * ليال * دلوعه مره * meemee *
مشكورة علي الردود الأكثر من رائعه
والله يسعدكم مع ازواجكم ويهديهم يارب
وجزاكم الله ألف خير

والله انا اطرش بين فتره وفتره مب كل يوم يمكن كل اسبوع واكتب كلام من عندي احلى.. مثلا
احبك
اموت فيك
وهكذا ودايما يكون الرد وانا حفظته الحين انه يرد علي ويكتب لي me too
مستحيل يكتب لي شي غير مي تو !!
بس انا اضحك بيني وبين نفسي واكتب له انت مقلد وماتعرف تخترع كلام جديد خ واي شي اقولك تقولي انا بعد.. مثل الياهل لول وبس..عاد شنو عذره يقول انا جوالي انجليزي ماعندي وقت اغيره عربي كل دقيقه عشان اكتب لج شي واكون في الشغل ومستعجل فاكتب لج مي تو.. بعد شتبين !!
انا مايزعلني هالشي بالعكس اضحك والله..مافيها شي لو انتي تبادرين لانه مثل ماقالت ليال هالامور نسائيه اكثر صح!!
تحياتي
سويت536

انا ارسل لزوجي مسجات وايد
مكتوب فيها:
ابغي خبز، طماط ، بيض،.....................
او البنات يبغون: دفتر، اللوان، علبة هندسة،............
ههه

البحرينيه ردك موتني ضحك والله
انا ماارسل لزوجي مسجات الا نادرا
اشوف انه ماله داعي مدامه هو عندي وعايش معاي خلص ميحتاج
ليش المجاملات الزايده
الحب مو بالمسجات!!!
مشكوره ع الموضوع