مشكلتي

الله يعنك بس انتي اشتري احسن الكتب الطبخ مثل عالم حواء وغيرها من الكتب وطبقي نفس ماهو مكتوب وتفائلي ان شاء الله بيطلع حلو ولذيذ لانك عملتي بالأسباب وماسمعت ان وحده بعد التدريب والتعب على تعلم الطبخ ماصار طبخها حلو!؟!
وإذا عن القهوه أسالي البنات إنشاءالله مايقصرون معك يخلونك تتفنين فيها وتصير قهوتك مميزه
وبغيت اقولك انتي لازم تحبين طبخ وما طالعليه على ان هو فشل بالعكس حبيه واسمتعي فيه وبذات إنك بتلقين الثناء بعد ماتخلصين وأن شاءالله إذا صرتي طباخه وفنانه بالطبخ راح تصير وحده من الصفات الي تميزك عن غيرك
ومافي شي يجي من غير تعب اتعبي فتره وبعدها بتكونين حلتي مشكلتك وأزلتي همك ممكن تستعنين بوحده اكبر منك تساعدك مثل امك .....
موفقه

حبيبتي روحي المكتبة اشتري كتاب اطباق النخبة للمؤلفة أمل الجهني"أم عبدالعزيز" سعره 120 ريال لكن كل الأكلات اللي فيه روعة ومقاديرها مزبوطة وطريقتها سهلة وواضحة بالصور وكل يوم جربي طبخة وعلى ضمانتي تصيري طباخة محترفة...ترى انا ماكنت اعرف اطبخ وتعلمت ولله الحمد صرت اسوي عزومة وانا واثقة...
الله يوفقك بتتعبي بالبداية وبعدين يصير الوضع ايزي

زعيمة عتيبية
ترى كلنا في الهوى سوا
وانا اكبر منك بعد 22 بسم الله علي<<الله يخلف علي
بس علمتني امي طريقة الحليب
تعرفين كاس الجبن العادي؟
كاس ونص مويه لكل علبة حليب
والسكر حسب الرغبة انا احط ثلاث ارباع بيالة سكر
بلغيني اذا نجحت معك الطريقة

شوفي يا بنت عمي
اولا اتركي عنك الهلال
ثانيا اهتمي بالمطبخ تابعي براج اسامه السيد ومنال العالم وقناة فتافيت متابعه فقط مو لازم تطبيق
ثالتا حاولي عند البدء بالطبخ عمل سندوشات خفيفه ثم سلطات والحلويات ومقبلات
بعدها ادخلي بالعميق (طولتها صح) الي هو الجريش الرز المطازيز الصواني
حاولي كل يوم تصلحين شيء حتى لو فشل عيدي الكره سوي القهوه ومعها حلى
سوي مع الغداء السطه او مرق الخضار
اختاري مقاييس الطبخ بدقه لانك جديده ما راح تطبخين بالعين لابدمن مقياس دقيق واضح لتنجح طبختك

حبيبتي . . .
لازم كل يوم تجربين تطبخين في البداية اشياء بسيطة
و عادي حتى لو ما ضبطت المرة الثانية تضبط

هلا والله ببنت عمي
ابشري بسعدتس << الخلا
اشتري كتاب النخبه والله لتطلعين محترفه يا بت
بعدين القهوه الله يهداتس وقفي جنت اميمتس شوفيها وش تحط وش قد
جربي سوي لها قهوه العصر لين تضبط معك
ترى مهب صنع صواريخ
مكونات ضفيها على بعض هع هع

ههه
والله ضحكتيني وش رايك انا سمعت عن وحده كانت زيك وتزوجت
وفي يوم زاروها اهل زوجها وكانت بتتجنن طلبت من زوجها عشاء من برا لكن المشكله راح يجلسون عندها اسبوع
ومو معقول كل يوم يجبيب جاهز
زوجها جاب لها كتاب طبخ وبدت تجرب
تقول يوم شفتهم ناموا دخلت المطبخ اجرب واذا ما عجبني اكب إلى ان ضبطت صنف
وكل يوم اتعلم ,,,,,, الزبده اللحين هي من جيران خالتي وتقول فنانه في الطبخ وعمرها ما سوت شي شين ما شاء الله
وش رايك في القصه؟؟ ههه
طيب القهوه طريقتها سهله جدا جيبي براد القهوه وحطي فنجان قهوه ودقي قد الانمله ( راس الاصبع ) زنجبيل وحطي عليها كوبين ونص ماء مغلي وخليه ع النار لحد مايغلي وبعدين قصري عليه شوي وخليه يغلي نص ساعه او اكثر
وكلما نقص الماء زيديه ماء مغلي وبعدين طفي عليه
وحطي في ترمس القهوه البهار الخاص ملعقه ونص صغيره هيل وشوية مسمار وشوية (نخوه) <<<< إذا تعرفينها وصبي عليها القهوه بعد ما تركد شوي
ولا تنسيني من دعواتك

ههه
ههه
ههه
ابشرك اني متزوجه من سنتين ووالله وتالله
ان زوجي ماقد ذاق شي من يدي حتى البيض وهو اسهلها
بس الحمد لله اهله طيبين ومتغاظين
بس الحمد لله لييومين بديت احس على نفسي
بديت اسوي اشياء خفيه بين الوجبات
مثل فطورات حلوه و حاجات مره خفيفه
طلبتكم تكفون ادعولي معك
اني اصير سنعه
((((وربي حاسه فيك وبقوه بعد مع العلم ان عمري19)))