مطلقات ومابعده

الماسه جوريه

12-10-2022 - 08:09 pm

حبايبي ابغى رايكم وبصراحه..
من الي منكم تطلقت وبعد الطلاق ندمت او حست انها تحطمت بعد الطلاق او ماتقدر تكمل حياتها بشكل طبيعي؟؟
وهل منكم الي كملت حياتها ومأثرت عليها التجربه الي مرت فيها وقدرت تكمل حياتها بكل سعاده؟؟
تكفون يالمطلقات عطوني اجوبتكم والي مو مطلقه تقول التجارب الي شافتها مع الي حولها..
والله اني خايف مادري الأيام وش تخبي لي..
الله يسترها عليكم وعلينا دنيا واخره..

التعليقات (9)

لمـسة حنــان

12-10-2022 - 11:11 pm

مساء الخير حبيبتي
انا عمري 20 وتطلقت بعد7 شهور
اكيد التجربه اثرت فيني ... بس ماخليتها توقف حاجز في حياتي
وتزوجت مره ثانيه الحين وصار لي 8 شهور والحمدلله عايشه حياه حلوه وسعيده...
الطلاق مو شي عيب وحرام
شي عادي جدا"
المفروض ماتخافين منه..خليه دافع لك..
كملي حياتك ادرسي وتوظفي واثبتي وجودك في المجتمع لاتقولين هذي نهاية حياتك,,,,,,
وإذاجاك نصيبك لاتخلين تجربتك السابقه تأثر في قرارك وتخوفك من الحياة

الماسه جوريه

13-10-2022 - 12:12 am

تسلمين اختي لمسة حنان
الله يخلي لك الغالي
انا اخذت على المكان الي انا فيه ومو متخيله شكلي اخليه بصراحه مو متخيله شكلي ارجع مطلقه
احس ماقدر اخلي الغالي واعيش من دونه او اعيش مع احد غيره
الله لايجيب ذاك اليوم
والله صعبه..

*معشوقةزوجها*

13-10-2022 - 01:13 am

بصراحة ماجربت
بس نظرتي عن الطلاق انه ارحم من الزواج من رجل حيوان مايستاهل
اجلس طول عمري مطلقة بس بكرامتي
واحترامي لذاتي وحريتي
الله لايجيب مشاكل

بنت الاصول000

13-10-2022 - 02:14 am

حبيبتي انا الحمد لله متزوجة
بس اعرف وحدة مطلقة وجلست قريب اربع سنوات وقبل سنة جاها واحد خطبها وتزوجت والحين ما شاء الله حامل وقريب تولد
يعني الدنيا ماتوقف

flower_81

13-10-2022 - 03:15 am

حبيبتي ما احد يعرف ايش الدنيا مخبية لنا لكن حتى لو المراة نطلقت فهذا شي عادي جدا وهو اكيد حتزعل وخاصة اذا كانت تحب زوجها بس اذا هو باعها هي لازم تبيعه كمان ويكون يوم ولادتها من جديد وتدرس اذا بدها او تتوظف وتتسلى مع اهلها واذا جاء نصيبها تتزوج مو عيب ولاحرام وبجوز الله يعطيها انسان يحبها ويحترمها وينسيها الماضي واهم شي انها تبقى مع رب العالمين وتحت مخافة الله وما بتضيع ابدا واذا زوجها ظلمها بالطلاق فرب العالمين موجود ولو ما تزوجت بعده فهي سعيدة ان الله خلصها من الظلم وكما قال تعالى : "عسى ان تكرهوا شييئا ويجعل الله فيه خيرا كثيرا"
واذا كانت واثقة من نفسها انها ما قصرت بحق زوجها فهذا يعني هو الي خسران لانه بجوز ييجي زوجة بعدها تطلع روحه ويصير يتحسر عليها بعد فوات الاوان لانها بجوز تكون صارت متزوجة وسعيدة مع زوجها وهو الي حيندم مو هي

كبريااااء آنثى

13-10-2022 - 04:16 am

انا مطلقة من ثمان سنوات وعندي بنت والحمدلله معلمة ومرتاحة جدا ..
وزواجي بعد العيد من رجل ان شااء الله يقدر يعوضني عن حيااتي السسابقة .. والله يسخره لي ياارب

نوته دلع

13-10-2022 - 05:18 am

وانا طالبه الطلاق وانا ماصار اي خمس شهور متزووجه
واعررف انه صعب بس احسن من اجلس مع انسان مدمن
الحمدلله على كل حال وقدر الله وماشاء فعل
انا متفائله خير ان شاء الله واذا عالزوج الله يعوضني باللي اخير منه
انا عجبني الموضوع وياليت جد لو نتناقش فيه الطلاق مااحس انه عيب اذا كنت انا واثقه من نفسي
وبالعكس راح ارتاح
احسن من اجلس بس اسم فلانه متزوجه وانا مو سعيده
والله اخر همي الناس وانا توكلت على ربي
واحتاج دعواتكم وخلوناا نشوف ردودكم يابنات مو تمررو وبس لاتحرمونا من ارائكم

الماسه جوريه

13-10-2022 - 06:19 am

السلام عليكم ورحمة الله وبركاته
معشوقة زوجها
ان شاء الله ماتجربينه..
تسلمين اختي على المرور
بنت الاصول
الدنيا اكيد ماتوقف بس تصير صعبه ومره بالحيل..
الله يعطيك العافيه
flower_81
كلامك صحيح بس ماهو سهل احس انه صعب
جزاك الله خير..
كبرياء انثاء
الله يوفقك يارب ويعوضك خير ان شاء الله..
نوته دلع
الله يرزقك الزوج الي يعوضك عن الي فات
انا احس اجلس عند رجلي وكل يوم مشاكل
ارحم من الطلاق
زود عاد انا ابغى قربه
والله اخاف اذا تفرقنا نندم
بس حبيبتي انتي مرتاحه عند اهلك كذا؟؟
اه يامصعب الطلاق ومره..
انا على الحفه الله يستر ما يجي اليوم الي اخذ فيه ورقتي
ومثل ماقلت
حبيبتي نوته دلع
بنات نبغى ردودكم جزاكم الله خير خلونا نستفيد..

نوته دلع

13-10-2022 - 07:20 am

الماسه الجوريه انتي مشاكلك من اي نوع؟؟
والحمدلله صارلي شهر عند اهلي والله مرتاحه احسن من الهم اللي كنت شايلته
صح توني ماصار لي خمس شهور بس عدت كلها خوف وقلق وكنت حاسه ان في في الرجال شي مو طبيعي لحد ماتاكدت من شكي وطلبت الطلاق
واهلي والله مو قصرين علي
وهاذا نصيبي احس الطلاق احيانا يكون هو الحل الوحيد وهاذا الحل اللي برايي

النظره الشرعيه ادخلوا←
شهادة شكر وتقدير إلى زوجي→