معاناة المدرسات

1. أولا/ ماأروح معاه للسوبرماركت

السلام عليكم ورحمة الله وبركاتة
أخواتي العزيزات صراحة لدي مشكلة ولكن قد تكون عند بعضكن ليست بمشكلة
ولكن أنا متأكدة أن أكثر من يعاني منها أخواتي المدرسات لأنه حالهن حالي مدرسة
والله ماني عارفة من وين أبدأ لو فكرتي بالموضوع لرأيته بسيط ولكن يسبب لي الشعور بالاحباط وأضطر أتزاعل أنا وأبو الشباب لمدة اسبوع وممكن إسبوعين لو تناقشت فية
ألا وهو كلنا يعرف وضع المدرسات وهو تحمل جزء من المسؤولية ولو نفسها كأبسط شئ زوجي الله يهدية لما أروح معاه أتقضى للبيت أو بمعنى أصح لو أساهم في أغراض البيت لوب 500 ريال الله أشتري كل اللي ناقص في البيت وإذا ماساهمت طبعا

أولا/ ماأروح معاه للسوبرماركت

ثانيا / أغراضة ناقصة ولايعترف بشئ أسمه ديتول .... فواكة وغيرها بحجة أن الفلوس يالله تكفي لآخر الشهر والصراحة يقدر لو كل شهر من شهرين يحضر كل ما نبي لكن المسألة مسألة انه اللي أبيه يشوف أنه خرابيط ويحضر الأشياء الاساسية مثل الرز والدجاج ( وخضار ولا بعد أبشركم تقلصت. وحليب وحفاضات وتايد والباقي أقساط خلال الشهر فتلقوني كل يوم أكتب له رسالة هات وهات وبعدين أنا ما أحب كذا وخصوصا عندي أطفال يحتاجون أغراض معينه وخرابيط على قولته فهم يلعبون ويجوعون وغيرة بالله كل ما جاع الطفل أطبخلة رز ..ألخ
ما أذكر أنه أتصل علي وقال ناقصكم شئ ( ياعمري يابوي قبل لايجي للبيت يتصل يسألنا وش نبي من أغراض )
لا وإذا اتصلت وقلت هات ... قال أنا عند الباب وصراحة هو يكون قريب من البيت بس موعند الباب
والله تعبت من الجدال في الموضوع معاه يمكن تقولون والله ماعندها سالفة لكن والله الموضوع متعب ليه يزعل ويطنش يعني لازم أشارك في الاغراض علما أني مشاركة معه بقرض ولايدري عن مصروفي وشغالتي وسواقي علي ولابعد أهلي محتاجين لي ( على فكرة هو غير معترض على أمي وابوي لانه مبلغ بسيط وهو يعطي أمه بعد )
أدري دوختكم معي اللي أبيه منكم تشورون علي من واقع خبراتكم هل أشاركة في مصروف البيت بعد ولا أريح راسي وأشتري أغراضي الناقصة لحالي آآآآه ( نفس الشئ ) أكون مساهمه بس مو قدامة والله وش هالرجال اللي الواحد مو قادر يسنع بيته لا واذا تشرط قال أبي أعرس ههه الحمد لله سنع بيتك الاول بعدين فكر بالعرس
خواتي أرجو منكن الرد بماهو موجود في الواقع بعيد عن المثاليات لأنه لو بفكر بمثالية كان تغير الوضع لكن شئ يقهر أنك تحسين الطرف الاخر غير مبالي بزعلك أو رضاك ولا همه تحتاجين شئ أولا
أرجومنكن لو كل وحده مكاني وش راح تسوي وخصوصا المدرسات المسكينات لا وبعض الحريم حاسداتنا على الوظيفة وما تدري عن المعاناه و ( رفعت الضغط)
أختكن في الله