معاناة معلمة الحاسب الآلي فهل من مجيب

السلام عليكم ورحمة الله وبركاته
اختي انا عندي اسلوب أن شاء الله ينفع ....... هم الطالبات بما ان هم غير مهتمين بالمادة لأن ماعليها درجات
جيبي لهم برنامج اول شي مشوق يحبونه مثل الفتشوب وعلميهم شلون مثلا يدمجون صور الطالبات يحبون هالشغلات
بس هذي الدروس ماتكون غلا في نهاية الدرس المقرر أن شاء الله يفيد ..... ( او الفلاش مثلا برنامج حلو )))
أن شاء الله اكون افتدتش أختي

لازم تعلمهم وتوعيهم ان الاميه الآن مش بالكتابه والقراءه ..
الآن الأمي يعتبرونه هو اللي مايعرف يستخدم الحاسب
وما ادري صراحه متى نصحى من غفوتنا
العالم وصلوا القمر واحنا مانبي نتعلم حتى كيف نتعامل مع الحاسب
الله يعينها والله من جد معاناه وتحطيم

السلام عليكم,,
بما أني طالبه وتعاملت مع هذي الماده بقولك تجربتي.انشالله تقدرين تفيدين صديقتك فيها
أول شي احنا بكل صراحه كل المناهج عندنا تدرس بطريقه ابعد ماتكون عن الفائده
يعني انا الصراحه يوم كنت في اولى ثانوي طبعاً كنت متشوقه مره أني ادرس الحاسب وأتمنى يجي اليوم اللي ادخل فيه معمل الحاسب والحمدالله دخلت المعمل بس للأسف شفت أن الحاسب ماده لزيادة الهم فقط لاغير!!
تخيلي يدرسونا مكونات الحاسب والأشياء اللي تفسد الجهاز وأنواع أجهزة الحاسب اللي هي مكتبي ومنزلي ومن هالخرابيط يعني أنا بسألك هذي الأشياء وش بتفيدنا فيه أنا بروح وبشتري جهاز الحاسب جاهز من المحل وماني في حاجه أعرف مكوناته لأني اذا خرب راح أوديه لمحل الصيانه والكتاب كله على بعضه يجيب الهم وصعب كأنك قاعده تدرسين طريقة صنع صاروخ!!!
هذا طبعاً أنا شفته في ثانوي ثانوي مع المدرسه الأساسيه الترم الأول
بس يوم جا الترم الثاني جونا بنات التطبيق وبكل صراحه استفدنا منهم فعلاً لأنهم ماتقيدو بالدروس الجامده الموجوده في الكتاب يعني علمونا اشياء تفيدنا فعلاً مثل الفوتوشوب والفلاش ....الخ
وهنا بس حسينا فعلاً بالفايده
وهذي السنه بعد تدرسنا (بنت جامعه ) بصراحه مره ممتعه حصتها لأ ن الدرس تعرضه بالبيور بيونت وبعدين تسويلنا بعد كل درس مسابقه وتقسمنا فريقين والفريق الفائز يكون له جائزه بحيث أن اللي اخذناه يرسخ في أذهانا بدون حتى مانرجع للكتاب والأختبار ماسوتلنا بس قالتلنا سوولي عرض بالبيور بيونت عن اي موضوع أنتم حابينه وعليه عشرين درجه يعني فعلاً استفدنا منها وحبينا الماده وصرنا ننتظر الحصه ومانستهر فيها زي ماكنا نسوي مع الاستاذه الاساسيه

أعاني نفس معاناتك أختي نانة ...................وما عندي الإمكانات اللازمة.والأدهى والأمر إن المادة محسوبة درجاتها وفيها نجاح ورسوب بعد..............
وطالباتي غير مهتمات بحجة عدم فائدة تدريس مادة الحاسب الآلي كمادة أساسية

انا كمدرسة للحاسب الآلي على تعاقد كنت أعاني من نفس هذي المشكلة بس حاولت احلها هذي السنة باني أحاول احضر الدرس بشكل قصة أو مسابقة وأحيانا اسمح للطالبات بشرح الدرس وأكيد المسابقات والتحفيز له دور كبير وبعدين الطالبات لو حبو المادة ومعلمتها راح يستجيبو بصورة أفضل و لو تحاول تسهل المعلومات وتلخصها و دايما تسوي مراجعة للمعلومات بيكون أفضل أتمنى انك تنصحيها بهذا الشي . لأنه بالفعل احساس قاتل انه الوحدة تعب وتحضر ومافي استجابة من الطالبات

الله يعين
بجد خوفتوني أنا إن شاء الله بطبق الفصل الثاني حاسب
وأصلاً طالبة الكليه يستهتر فيها لا وبعد حاسب
ما أدري وش بسوي

علميهم أهمية الحاسب الآلي في حياتهم وكيف أن الحاسب سيساعد في توفير الوقت والجهد لهن