معلمات رياض الاطفال ممكن مساعده لو سمحتوا

ربنا يوفقك ان شاء الله , هو عمر الاطفال اد ايه ؟ ممكن تشتغلى فنى وقصصى على اى مفهوم , زى الحيوانات مثلا , ممكن تعملى الفنى صلصال على اشكال حيوانات , او توزعى عليهم رسومات عليها حيوانات واى مادة خام ولصق ليكونوا الرسومات مثل ورق الاعمال الملون يتم تقطيعه بطريقة غير منتظمة ولصقه (الفسيفساء ) , او قص الشفاطات ولصقها بالوان مختلفة , او استخدام قشر الفسدق او نوى البلح , او ورق الكوريشة (يتم قطعه وجعله كور صغيرة ويلصق ) .
او النشاط القصصى , ممكن تحكى كل يوم قصه باستخدام العرائس القفازية , وفى كتب فى المكتبات عن طريقة صنعها , او عمل مسرح خيال الظل ( اطار من الخشب ويوضع عليه قطعة قماش بيضاء خفيفة , والعرائس من الكرتون المقوى ويثبت به عصاة الايس كريم ) , او جعل الاطفال يمثلوا مسرحية بعد ارتداء اقنعة على اشكال حيوانات ,