معهد الأبداع الكندي تكفون ردوا علي

افاوين ردودكم معقول مافي أحد يعرف !!!

ولايهمك ياعسل شوفي هذا آراء اللي درسوا فيه
بنات انا كلمتهم اليوم وعندهم عرض خاص وكثير يمدحونهم ان شاء الله بسجل فيه واشوفكم وكمان بيرلتز يمدحونه بس الكندي اقوى والله اعلم
الابداع الكندي سجلت فيه بعد الاستخاره وقلتلهم اسجل مستوى من دون العرض علشان اذا ماعجبني مااتوهق والحمدلله عجبني وكويس وسويت اختبار مستوى وكل مدرساتهم اجانب وخدي المتكامل الي هو بالجرمر مو المحادثه لانو بتتكلم معاكم وتتناقش معاكم عن حياتكم اليوميه وكل ويك اند تتكلم كل طالبه عن نفسها في الكلاس طبعا بالانجلش . انا كنت زيك متردده ودخلته وانبسطت منه بس فيه اتوكلي على الله وسجلي .
انا سجلت بمعهد الابداع الكندي و اعطوني استمارة اوقع فيها
وولقيت انه ممنوع الكلام بالعربي داخل الكلاس
سعر المستوى 1500 انا سجلت فيه قبل كم بس لسا ماداومت وعندهم فتره صباحيه ومسائيه الصباحيه مااعرف بس المسائيه قالتلي اللي سجلت عندها فيه من 3-5 وفيه من 5-7 وفيه من 7-9
وبالنسبه للمعهد انا درست فيه اربع مستويات استفدت لكن مب درجه كبيره الانجليزي يبي له مجهود منك
وافضل معهد الى الان هو برتش كنسل
اسفه ياعسل ع التأخير..هم ف جدة ف التحليه وراء بيتزا هت اللي مقابل "لو مول" الكروكي ف الموقع حقهم وابشركم الباص فيه معايه بنات وكمان وحده من البنات تمدح الحضانه لان بنتها فيها بس مايقبلوا اقل من سنه لذلك>>حلوه لذلك..اجلت المستوى ل3شهور عشان ابني يكمل سنه. والحلو فيها الرضع مفصولين عن الاطفال اللي اكبر منهم.ان شاء الله اكون افدتك وافتدت اللي يبغى يعرف عن الحضانه والباصات
ممتاز جدا مدرسين كنديين وإنضباط وإهتمام فلا تحتاري في الإلتحاق به ولكن بجهد منك حتى تتعلمي جيدا
المدرسات روعه ولكن
انتبهي لما تروحي وتقولك فيه عرض وتحاول تقنعك بالكلام ,,خليكي معاها ع الخط
وانتبهي انتبهي لاتدفعي الا لما تشوفي السند
يعني اذا حتدفعي دفعة اولى تأكدي كم باقي عليكي ؟؟؟
لانو صاحبتي لما راحت عندهم وجلست تتكلم معاها ع المعهد والشهادات و و و كلام كتير ومن ضمنوو انوو
اذا درست 4 مستويات الخامس حيكون مجانا وكمان اختبار توفل واتفقوا ع 4000 ريال بس
وصاحبتي مره عجبها العرض قامت ع طول دفعت دفعة اولى 2500,, وكان باقي ع المبلغ النهائي 1500 قالت لها
خلاص مافي مشكله الباقي تدفعيه بعد شهر ,, واعطتها السند , شافت صاحبتي السند مكتوب المبلغ النهائي 5500
قالت لها شوفي مكتوب 5500 مو 4000 قالت لا عادي حبيبتي هما غلطانين لما تجي تدفعي1500 انا امسح
الباقي ,,قالتلها اكيد قالت ايه اكيد
المهم وبعد مادرست شهر قبل ماتخلص المستوى الاول صارو يرسلو لها ع الجوال ويتصلو ع البيت وكل ماشافوها
يقولوا سددي باقي المبلغ ,,راحت تسدد الباقي حتى تفتك منهم ,, ودفعت 1500 واعطتها سند مكتوب المبلغ المسدد 4000ريال والمبلغ المتبقي 1500 وراحت كلمت نفس
اللي سجلت عندها وذكرتا بالكلام اللي قالته وانها هيه اللي حتمسح المبلغ الباقي تخيلي وش قالت :
قالت مين قالك هالكلام ؟؟؟!!!
اصلا ماكان فيه عندنا عروض 5 مستويات ب4000
صديقاتي يدرسون فيه ومرره يمدحونه
موفقه
اختي درست فيه
ممتاز جدا
وطريقة تدريسهم حلوة حتى مناهجهم حلوة
أنا حالياً بأدرس فيه وميزته عن باقي المعاهد الانظباط اللي يخليك تجتهدي
وتحافظي على الحضور وكمان اسعاره مناسبة مقارنة بباقي المعاهد
ومناهجهم ممتعه واختباراتهم حلوة ولو اخفقتي فأي مستوى تقدري تعيدي مجاناً بس لازم ماتكون غياباتك كثيرة عشان مايكون التقصير منك
أفضل الأستذات هي غزالة وفاطمة خطاب وغيرهم
بس لأن القدرات تختلف من شخص لشخص انت ممكن ترتاحي لأستاذه وغيرك مايرتاح وتقدري تحضري محاضرة وحده قبل ماتسجلي وتشوفي كيف يناسبك والا لا
وطبعاً أكيد لازم نساعد نفسنا لأن دائما المعهد لوحده مايكفي
وموفقه يارب
مده الكورس: اذا تبغي 5 ايام في الاسبوع يكون مدته شهر
واذا كان 3 ايام في الاسبوع يكون شهر ونص
المستويات : 8مستويات ( بس من تحديد المستوى يحددو كم يبقالك)
الكورس الاول 1750 ريال وتصير المستويات اللي بعدها1500
بس احيانا يكون فيه عروض (طبعا كل فتره ينزلو عرض) بس انتبهي يعني هيه حلوه بس لازم تظمني انك فاضيه
مثال: عرض كان 4 مستويات والخامس مجانا ب5000 كان حلو بس لازم تاخذيها في سنة يعني حلو للفاضيين
المعهد جدآ جدآ رائع
حاليا ادرس فيه ومو شآيفه أي عيب فيه والله
وعلى فكره حتي المحادثه تحسنت عنندي كثير ولله الحمد من دخلته لاني اتعامل مع مس امريكيه فطبيعي حتتحسن
اللغه لانها هيآآ يبغا لها ممارسه
توكلي ع الله اذا حآبه تسجلي ولاتضيعي الايام عليكي.

مشكوره حبيبتي مس جيفنشي أفدتيني كثير الصراحه يعطيك العافيه ويجعلها الله في موازين حسناتك ياقلبي
تقبلي مني كل الود والأحترام