مع لموش استعيدي جاذبيتك

أولا:نظمي وقتج
استعيني باجنده .. كتبي فيها اعمالج الشهريه .. ايام الجامعه كنت دايما احرص على ان تكون عندي اجنده كنت اكتب فيها مواعيد الاختبارات وتقسيم ايام دراستها ومواعيد الاسنان ويوم الطلعه ويوم هوايتي
كنت فعلا فعلا منظمه وقتي
تنظيم الوقت يخليج تركزين بالاعمال الي بتسوينها
يخليج مرتاحه ويبعد عنج التراكمات
مثال للزوجه: قرايه صفحتين من القرآن الكريم يومياا
يوم بالاسبوع حمام الهنا( صنفره وماسكات )
3 ايام بالاسبوع رياضة
يوم طلعه رفيجات أو اهل ... الخ

ثانيا: تقربي من الله سبحانه:
بقولج بالبدايه في كل شي تسوينه بحياتج مع زوجج إحتسبي فيه الاجر وخلي نيتج لله
وتوكلي على الله
وخلي عندج يقين بالله مو في زوجج
واتبعي هالنقاط قبل لا تطبقين اي شي عشان الله يوفقج وايسر أمورج
-إذكار الصباح والمساء
-الاستغفار كثر ما تقدرين باليوم بالسياره بالبيت بالدوام دايم قولي
أسغفر الله الذي لا إله إلا هو الحي القيوم واتوب إليه
-لا تهجرين القرآن .. ولو صفحتين كل يوم إذا أنت مو متعودة على قرايته شوي شوي لين يصير جزء اساسي من حياتج
-وقت الزعل سجدي لله وقري سوره يس واشتكي لله وحده ولا تشكين لغيره صدقيني بتحسين بسكينه وراحه نفسية
-وقت الفرح تعلمي تسجدين لله سجده شكر عشان رب العالمين يزيدج من خيره
صدقيني راح تكتسبين من السجود طاقه سبحان الله تريحج وتييبلج الطمأنينه
-الدعاء الدعاء الدعاء .. اختاري أوقات استجابه الدعاء وأكثر وقت تحسين فيه بخلوه هو قبل صلاه الفير لو بعشر دقايق
كل هذا مثل ما قلتج مع اليقين بأن الله يستجيب دعاء عبده عاجل أم آجل

ثالثا:عنايتج الشخصية
تعلمي معاي شلون تسعدين تفسج بالاساس .. أي شي تسوينه لزوجج لازم تعرفين انج مسويته لنفسج ولا تقولين ما يهمه لا تقولين مو داري عني .. انتي بعد
ولا يهمج !!!!
خلي همج نفسج انشغلى بالرغبه بالتغيير واستمتعي باي شي تسوينه وهالشي هو طريقج لتغيير نفسج .. لأنج بهالحاله بتعززين ثقتج بنفسج
ولا يهمج كلام غيرج
دامج على صواب .. وما سويتي شي تستحين منه
خليج انثي مميزه بهري زوجج وكل من حولج ..
ب جمالج
اناتقتج
انوثتج
حققي جاذبيتج وهي بدايه الخيط للنجاح وتحقيق ما تتمنين
العناية بالشعر
نسيتي الاستشوار !!
رابطه شعرج كبه من تسبحتي لين باجر السبحه الثانيه
نسيتي الحمام زيت والكريمات والفير !!
شعرج نص جمالج .. اعتني فيه وخليه يصير نفس دعات الشامبوهات اللي تشوفينهم بالتلفزيون
حافظي على طراوته ونعومته وترتيبه وخليه لامع مقبول المنظر
يعني هالله هالله بالعناية بالشعر لان الرجل بصري يركز على الموجود جدامه
زيدي على هالفتنه لمسات من عالمج الجمالي تدلعي جدامه بشعرج تعمدي اغراءه لعبي بشعرج حركيه نزلي خصلات على خدودج وعلى ويهج نثريه بحضنه وخليه يمسح عليه
وطبعا هالشي ما راح يتحقق الا بالعنايه مثل ما قلنا
يا الله ابتدي من اليوم
- ماسكات
- زيوت طبيعية ( زيت الصبار - زيت الأفوكادو - زيت الخروع - زيت الزيتون )
- شامبو وبلسم مناسب لنوعيه شعرج
- ولا تنسين مع أي علاج تستخدمينه لشعرج ......
تسوين مساج لفروه الراس قبل وبعد .. عشان تلقين فايده من هالعلاج اللي تستخدمينه سواء ان كان زيت أو ماسك .. وعطي روحج الوقت دلكي برقه وبحركه بطيئه لين تحسين ان الزيت نغلغل لداخل الفروه بعدها غطي الشعر بقبعه بلاستك وخلي شعرج يستفيد لمده ثلث ساعه على الاقل
وهذي بعض خلطات الزيوت:
زيت جوز الهند مع لب ثمره الصبار
زيت السمسم مع العسل والبيض
زيت الخروع مع المايونيز وصفار البيض
وبعد ما ينتهي الوقت دللي روحج بالشامبو وحطيه بايدج بطريقه ناعمه فركيه وحطي لكل طرف شوي ولا تدقينه على راسج عشان مستعيله وآخرتها انتي الخسرانه
- قصي اطراف شعرج بالشهر مره عشان تزيد حيويته وكثافته
- استخدمي مشط مصنوع من الخشب عشان تتفادين التقصف
بعدها بتلقين شعرج من اروع ما يكون صبغيه أو حنيه مثل ما تبين وخليه يقول
لما النسيم بعدي بيك شعرك حبيبتي بسمعو بيؤول آآآآآآهات

العناية بالبشره
الوجه
حددي نوع بشرتج وابدي بالاهتمام فيها
جافه دهنيه مختلطه استخدمي المنتجات الخاصه فيها
غسول كريمات ماسك تقشير ولا تبخلين على نفسج بالغالي دامج تقدرين
جربي جلسات النضارة وشد البشره بمراكز التجميل
وبالبيت بعد اهتمي بعمل الماسكات الطبيعيه للبشره
قناع العسل وزيت الزيتون يقضي على الشوائب ويخلي بشرتج كلها نضارة وحيويه
الجسم
اهتمي بالاسترخاء
اهي ساعه وحدة من ال 168 ساعه (ساعه بالاسبوع ) حدديها لجسمج
سويلج حمام مغربي وصنفره وغسلي بأروع الشاورات
وتهني بعدها بحمام الورد
الاسترخاء يساعد على إزاله التوتر من الجسم ويخفف عنج ضغوط اليوم ويعطيج حيويه
وبعدها رطبي الجسم بأحلا ما عندج من كريمات وعطريه بأروع السبريهات
دايما وابدا استخدمي الكريمات ذات النكهات الطبييعيه خليه يشمشم فيج ويقرب منج ويدمن على ريحتج
خصصيلج يوم بالشهر للمساج
اما انج تروحين ال spa أو انج تييبينه لي عندج
جهزيلج غرفه وحطي الزيوت المعطره والشموع واستقبلي اللي بتسويلج الجلسه بشاي اخضر وابتسامه عشان تعطيج من قلبها
مارسي الرياضه مرتين اسبوعيا سواء بنادي أو بالمنزل مع شريط فيديو.. أو حتى المشي في الجو النقي
واهتمي بالاكل الصحي .. بتحسين ان فيج نشاط وحيويه .. وبعد بتحسين انج اصغر من عمرج نعومة اليدين والاضافر
الطله المميزه يعني الاهتمام بكل تفاصيل الجمال .. زيدي سحر وجاذبيه واسري زوجج بإيدج الناعمه واضافرج
بحركات ايدج العفويه بلاحظ النعومه وانت ولا كأنج تدرين .. وقت الاكل .. وانت على الاب توب تجكجكين بهالاضافر .. سحبه الكلينكس بنعومه وخفه .. قذلتج لا طاحت على عينج من النعومه طبعا وانت ترفعينها بأطراف الاصابع
لاحظي نظراته لج .. وبتلقين نفسج حريصه دايما على الاهتمام فيهم
رطبي ايدج واضافرج دايم .. واهتمي بصحتهم باتباع نظام تغذيه صحي غني بالفيتامينات اللي تقوي الاضافر
مثل البيض والصويا والكبده والتفاح والحمضيات .. لان هذي الاصناف من الاكل تساعد على لمعتهم ومرونتهم
دايما مسحي آثار صبغ الاضافر القديم ونقعيهم بعدها بخليط الليمون والحليب لمده خمسه دقايق
دايم استخدمي المبرد الخشبي وابتعدي عن المبرد الحديد لانه يسبب التشقق
اختاري صبغ الاضافر الناعم والخفيف وابتعدي عن السميك لانه يتقشر بسهوله
حرصي على جلسات المنيكيور بشكل شهري في الصالون
اهتمي بنعومه ايدج والفوت وفركيهم بصنفره زيت الزيتون مع الشكر أو اي صنفره تشترينها لهالغرض
ولا تنسين سر الفازلين
الاسنان والشفاه
عشان تكسبين ضحكه تبهر هالريل اهتمي بسلامه اسنانج ونضافتهم
زوري طيب الاسنان بشكل دوري
سوي جلسه تبييض اسنان وخلي بسمتج ناعمه وحاولي بالبسمه تطلع اسنانج السفليه لان بهالحركه إغراء
اهتمي بعمل مراهم طبيعيه للشفاه
زيت زيتون مع العسل يساعد على ازاله التشققات
العطر
وما تكتمل جاذبيتج وجمالج الا بعطرج سواء ان كان عطر ناعم أو قوي وجذاب .. حسب الوقت والزمن بتختارين العطر
حطيه ورا اذنج وبسدرج وبرسغج .. وشوي بكف ايدج ومسحي فيه على خصل شعرج .. ولا تكثرين عشان ما تطغي على ريحه جسمج .. احنا نبيها تندمج معاها وتعطي عطر خاص فيج
اهتمي بالعطر وخليه من اساسياتج ..لان باي لحظه يمكن يتقرب منج زوجج واذا قرب اول ما يبي .. يبي اللمه واللمه معاها الشمه .. يعني يحب لمن يلمج يشم ريحتج ويشبع .. فالريحه الحلوه تجذبه وهم الريحه الزايده عن الحد بتنفره عنج وبيصير مجرد عطر ممكن انه يشمه على أي وحده غيرج
تذكرين ايم الملجه؟؟ تذكرين ان ريلج كان يعلق على عطر معين حطيتيه ؟؟ أهو عطر واحد بس لفت انتباهه وركز فيه
اشتري هالعطر مره ثانيه خليه لمناسبات خاصه بينج وبينه .. أو إذا سافر رشيه على قطعه من هدومه .. او كنت بالانفاس حتى لو ضليتي في بيتج .. رشي فيه مخدته وخليه يحن لج ولاحلى ايامكم .. هالشي بخليه دايم بشوقلج إذا ابتعد عنج

بإنتظار التتمه ..
مووع شيق

رابعا : تغيير الستايل
اللبس والمكياج
شكلج الخارجي يعطي الانطباع الاول عن شخصيتج
وبالنسبه للي يعرفونج بيعطي الانطباع عن حالتج النفسيه بهاليوم
زوجج دام دايم دايم ويهج بويه .. جددي ونوعي بلبسج ومكياجج .. ولبسي بعد حسب مزاجه وراحته النفسيه .. طبعا بحيث ما يتعارض مع ذوقج
جينزات ضيجه شورتات تنانير .. واللي تقول شلون جدام عيالي لبسي مثل الصوره هيلاهوبات ملونه بتعطي شكل وستايل وصيري شوي فنكيه
ولا تنسين تأثير البيبي دول تحت التنوره القصيره
وخليج ناعمه وبنوتيه بيوم ثاني
وقمصان النوم بعد .. شكلي ونوعي بين المغري والمثير والتنكري
وبين الناعم والراقي والاثوي
صنادر نعومه للنهار وشحاطات ريش ونعل للبجايم والله مفعولها قوي ورهيب
ولا تنسين الاكسسوارات والتاتو .. يكملون جمالج ويبرزون انوثتج
تذكرين ايام الثانويه!!!
تذكرين جنطه المدرسه والمداليات اللي نعلقهم عليها ؟؟
خليج بنوته وغيري ستايلج
اقلام ريش
ميداليات قلوب ودبب
اكسسوارات لتلفونج
ولا تنسين الدبدوب خليه على سريرج ولمي وانت نايمه ... لا تضحكين وتتطنزين !!! صدقيني جربي وشوفي النتيجه
وبالاخير
بعد ما اكتملت طلتج البهيه خلينا نروح لناحيه مهمه ثانيه واللي اهي
العاطفه

خامسا: الإنجذاب العاطفي
مثل ما قلنا كوني دايما بكامل زينتج بدون تكلف وبدون لا تتعبين روحج
.. مثلا ييتي من الدوام تعبانه لبسي شورت ناعم وبدي والوان هاديه وغلوس وعطر ناعم وهالشي بخليج اصلا ترتاحين نفسيا.. كل ما شفتي روحج أحلا كل ما زادت ثقتج بنفسج وحسيتي بالسعاده
لا تنطرين منه تعليق وإطراء
.. ردي مثل ما كنتي وتدللي وتدلعي وخلي ابتسامتج دايم على ويهج .. المرا المكتأبه ما تجذب الزوج لو مهما اهتمت بجمالها .. بتحس مع الايام ان زوجها ملها وقام يشوف غيرها ..
بنات معتزات بشخصيتهم وهمهم نفسهم قبل أي احد
اهتمي بنفسج وخليها اهم شخص عندج .. وحبي روحج مثل ما انت .. فإذا كنت ما تحبين نفسج !! شلون تبين ريلج يحبج؟؟
خففي الاهتمام فيه .. خلي الموضوع مقتصر على الضروريات مثل أكله وملابسه وحقه الشرعي .. لا تعرضين خدماتج عليه دامه ما طلب
لا تدللينه لان الريال بطبعه مايحب المرأه اللي تركض وراه
يبي المرأه اللي هو يركض وراها
اللي شايفه روحها عليه واللي تهتم بنفسها اكثر من اهتمامها فيه وتقدر ذاتها وتدللها
الريال انخلق عشان يركض وراج وانت تتغلين عليه مو العكس !!!
فلا تدللينه زياده عن الحد .. لان هذا دوره
وبعد لا تهملينه وتتجاهلينه
الريال لمن يرد من الدوام تعبان ومتضايق .. كل همه انه يوصل البيت ويشوفج بستقباله ويشوف عيونج العاشقه وبسمتج اللي بتريح قلبه وتزيل عنه كل التعب .. تذكري انه اول ما يدخل وما يلقاج اكيد بناديج ويدور عليج أو يسأل اليهال
.. وين ماما ؟؟
حتى لو تلقينه مكشر ,, صدقيني المهم شافح .. يحس براحه نفسيه يوم يشوفج تضحكيله وانت مرتبه وعطرج الناعم على جسمح .. طبعا غير لمن يشوفج بدراعه ورافعه شعرج كبه وانت بعد زهقانه من الدوام ومالج خلق احد
أدري المسأله صعبه ويبيلها جهاد بس ترا والله كله اجر
علاقة الشكل بالانجذاب العاطفي
شلون تجذبينه وتخلينه دايم دايم يلتفتلج !!!
مثل ما قلنا من قبل انتقي استايلج حسب مزاجه
إذا شفتيه تعبان ومتضايق
خلي شعرج ستريت
ولبسي اللون الازرق السماوي من غير إغراء
ميك آب خفيف جدا جدا يعني غلوس ومسكره
عطر ناعم مثل المسك والافندر ونكهه الكاكاو
خلي صوتج ناعم وهادي وكله حنان
ساعديه بلبسه ودلكي ريوله وزهبيله عشا خفيف ساندوج وعصير فرش
وإذا حسيتي فيه وده بممارسه الجنس
دللي نفسج ولبسي قمصان مثيره والوان زاهيه وحطي شوي ميك أب وعطر بنكهه حامضه وكعب واكسسوارات
وشعرج استشوريه لي برا لأن الشعر بهالطريقه يفهم الرجل منج انج تدعينه للجنس
تدللي وخليج دلوعه بزياده وترقصي بحركات خفيفه وهزي بوروكج واكتافج وتمايلي زياده بالمشي
وشعرج وانت تتكلمين رديه لي ورا وييبيه جدام بس طبعا بنعومه
وإذا اليوم يايج فرفوش ومستانس
(من النادر)
خليج نفسه
استهبلي شوي
خلي لبسج شوي طفولي
يعني بجايم شورتات وعلاليق
والشعر كيرلي مثل ميريام فارس لان شكل الشعر بهالطريقه طفولي لكن بعد يعطي احساس بأنج جنسيه .. ولعبي معاه جنجفه كسري راسه .. دومنه وبلي ستيشن
شوفي معاه فلم وحطي بوب كورن وببسي
خلي صوتج وحركاتج كلها دلع وانوثه وضحكات خفيفه وناعمه من القلب
يعني بالنهايه خليج فني
خليج انيقه وجميله ورقيقه كل يوم وعلى مدى الساعات
بتاخذين قلبه ويحب قعدتج وبيتج
والله يهنيكم

المعامله والانجذاب العاطفي
خليج ذكيه ولازم تعرفين ان عند الرياييل (كل ممنوع مرغوب)
يعني لا تعاندين واللي يبي يسويه قوليله ok عليك بالعافيه وبتليقنه من كيفه يغير رايه ويسوي اللي تبين بكيفه وانتي مستانسه
خليه يحب قعده بيته بكل حالاته ويلجألج بوناسته وزعله
هذي أول الطبخه
بذكائج وخيالج تطبخين ريلج شوي شوي ولا تخلينه يبرد أو يشوفج وجنج طبق بايت
خليج دايما طبق حار وحلو ياخذ منج شوي وما يتأكد متى بضوق هالطعم مره ثانيه
لان الاطمأنان بداية نهايه العشق مو الحب !!
لاتخلينه ينام مرتاح
خليه دايما يفكر ومشغول فيج ويفكر شلون يقدر يسيطر عليج وشلون يفكك اسرار الانثى
يفكر ومشغول ومرتبك
عطيه من الحب الحصه اللي يحتاجها ليومه بس مو حق اليوم اللي بعده
بهالحاله ماراح يستسلم ولا راح يرضى يكون خسران وبتلقينه دايم يراقب تصرفج ضحكتج مشيتج وتلقين كل حواسه معاج وافكاره بتودي راسه يمين وشمال
لاتتضايقين لو تلقينه ينبش بتلفونج
أو يحكرج بمواعيد الدخله والطلعه
هذا دليل الاهتمام بعضنا يحس انه يتحكم أو مجرد حكاره لا .. اهو ببين اهتمامه وانشغاله فيج وبنفس الوقت تلقينه مع نفسه الحريه بالمواعيد والربع وبكل شي ..
بس انت تصرفي بطريقه صح
يا الله الحين خلونا نتكلم من ناحيه تصرفات الزوج اليومية
مثال : اليوم بيطلع بروح قهوه .. وانت ماتبينه يروح قهاوي خصوصا قهاوي هالوقت والسوالف اللي قاعدين نسمع فيها
التصرف الصحيح:
إذا كلمتيه قوليله
-هلا حبيبي .. شلونك .. انشا الله مستانس
-اي اي ومشغول اكلمج بعدين
-بالعافيه على قلبك استانس حبيبي يا الله حبيبي اخليك دامك مشغول
بشتاقلك ( طبعا بدلع وهمس)
اف بفكر .. شفيها المرا اليوم ؟؟؟؟ أكيد عندها شي !!!!
برد البيت بسرعه ويلقاج نايمه واول مايدخل سوي روحج توج قاعده وقوليلها هلا حمد لله على سلامتك يا الله تعال نام يمي فقدك
شرايكم ؟؟
Ok
إذا قالج بسافر
هم لا تبدين أي إعتراض ( الفال لي اطبق .. لول )
-ok قلب متى السفره؟؟
-السبوع الياي
-أااها نايس عشان عندي جم شغله اسويها دامك مو هني
-ليش يعني شعندج !!!!
قوليله wooooommmmaaaan secret وبتسمي وطالعيه بنظره إغراء وهزي كتفج لي فوق
وخليه إمشي
(صج صج الفال لي)
-وإذا سافر لا تدقين كلش نطريه هو اللي يدق
وموكل مره تردين عليه
ودايما بينيله انج مشغوله
قوليله سوري حبيبي كنت ب spa
أوب nail bar أسوي أضافيري
ك
وإذا رد رحبي فيه وهللي وبينيله انج فرحانه فيه ومشتاقتله .. وبنفس الوقت واهو بعيد أنت مرتاحه
يعني خلييه يحس بتناقض وين
تصرفاتج انت اليوميه سويها وشوفي النتيجه
-لا تتكلمين وايد وإذا اسألج أبتسمي وردي بالاقصاد وجنج قاعده تنقين كلماتج وقوليله ماكو شي اسولف فيه .. وخليه وروحي غرفه ثانيه ..ولا تكشفين اي اسرار ماله داعي يعرفها
-تحاشي السوالف والحش بفلانه وعلتانه من غير داعي
تكلمي عن نفسج ونفسج فقط
لا تخلين نفسج ثرثاره يبيج بس تسكتين .. سوالف بمعنى وبدون معنى
المرا اللي تسولف من غير داعي .. تفقد اهتمام ريلها فيها
-اذا كنت تبين شي معين منه
حددي الوقت المناسب .. ووفري الاجواء المناسبه
طبعا .. بكون وقت مرتاح ولا حنه يهال ولا لاهي ومشغول بشي
واذا كان من النوع اللي كلمه لأ دايما على لسانه
غيري اسلوب طلبج في كل مره
أول مره تقربي منه وابتسمي وقوليله
( انا أحترم رايك لكني محتاجه أسوي الشغله الفلانيه .. فياريت تعطيني حل يريحني ويريحك) ..
وسكتي بعدها .. واذا غير الموضوع لا ترديله خليه يكمل موضوعه .. وبعدها تقربي اكثر وشبكي اصابع ايدج بإيده وقوليله
(أحبك واتمنى انك بس توافق على طلبي)
واذا رد ورفض
لا تعصبين وتبينيله ضيقج .. لانه بهالطريقه بعاند ويمشي اللي براسه لو مهما حاولتي
خليج طبيعيه .. ولا تخلين بسمتج تفارقج
-انسي الصراخ وخلي صوت ناعم وخففي الكلامات اللي تقولينها وخليج مثل البيبي وانسي العصبية
الصبر يا بنات ويا أمهات

-وانت تتكلمين بالتلفون خلي كلامج همس تكلمي بالتلفون وروحي غرفتج واذا الحقج أو خذا منج التلفون شالمشكله !!! ابتسمي واخذي منه التلفون مره ثانيه وكملي مكالمتج
-الريال يلفت انتباهه البعيد ويركز عليه .. وكل اللي عليج قعدي بعيد عنه وتمشي رايحه وراده جدامه طبعا بدلع وحركات
-خليج انثى رقيقه بكل تصرفاتج
مثال : استعيني فيه بأبسط الامور مثل فتح كيس الشبس قوليله يعور ايدي
-خليج واثقه من نفسج ودايما مدحي نفسج جدامه
-تعلمي فن الاسترخاء والتأمل
عودي نفسج على جلسات ال spa بالشهر مره مثل ما قلتج من قبل
ترسي الجاكوزي ورد ورغوه وشموع معطره ودللي نفسج
روحي البحر وتأملي فيه شوفي روعه السما تأملي بتراب البحر دوري الجمال وين ماكان وقولي
لا إله إلا الله وما أعظم خلق الله
شغلي نفسج عنه وخليه يشتاقلج كل ما قللتي انتباهج له كل ما زاد في الاهتمام فيج
واهو بالصاله حوسي بدارج رتبي أو اقري المهم انشغلي عنه
بعد مده بتلقين نفسج مستانسه من داخلج وبتكون نفسيتج مرتاحه
يعني بتكون مشاعرج حب وارتباح وشوق وحنان وهذي اهيا (الطاقه الايجابيه)
يا الله الحين نقليها لزوجج حبيبج
وبتكون باللمس طبعا
شلون ؟؟؟؟
بالمساج
باحتضان كف اليد إخذي ايده وحطيهاا على قلبج وطالعيه بعينه وقولي اللي تبين
بالبوسه بين عيونه بوسه ناعمه كلها احساس
بجذي بتلقين راحتج ووناستج بتنتقله وبحس فيها من لمساتج .. هذا غير النضرات
والله يخليكم لبعض
أنتقاد الزوج الزايد عن الحد للزوجه
إذا صار ينتقدج ويطلع فيج عيوب على الداخله والطاله .. تجاهليه بكمالياته والتزمي بعد الصمت وقومي بواجبج فقط لا غير .. إذا بدا في انتقادج فهذا يعني انه قل انبهاره واعجابه فيج
وعشان تردين اهتمامه فيج تجاهليه لكن باحترام .. حولي اهتمامج فيه الى الاهتمام بنفسج
مارسي هواياتج اللي تركتيها من سنين
دقي على رفيجاتج اللي قطعتيهم من كثر ما تقولين ماكو وقت عيالي .. بيتي .. ريلي
اشتركي بنادي أو دورات تفيدج
خليلج بصمه بكل مكان تدخليله .. برزي نفسج وخليه يسأل شلي غيرج ؟؟؟ خليه يفكر فيج شوي
بس انت اللي ذابحه روحج .. ريلي .. ريلي
ريلج يوم خذاج .. ماكان يحبج ( زواج تقليدي طبعا ) ريلج كان منبهر فيج في البدايه
جمال
ثقافه
عايله .. الخ
الحب يا بعدين .. انت بيدج تخلينه يحبج وانت بيدج تبعدينه عنج
في بنات عندهم تزوجني .. لازم يحبني !!
الحب احساس يفرض نفسه .. شي مو بالايد ايي من غير ما تحسين .. بس بعد انت السبب
خليج غاليه وعزيزه .. وتمسكي باللي كنت فيه من قبل الزواج
الاشياء اللي كان يشوفها منج في بدايه زواجكم هي الاشياء اللي حبها فيج وحبج من اجلها
لا تتنازلين وتتخلين عن طموحج واهتماماتج ..
تذكري ان الريال يحب يفرض شخصيته ورجولته على المرا .. ويبيها تقاوم وتصر على رايها بس
بؤنوثه ودلع
عطيه من الحب والعشق بس
بالقطاره
لا تعطينه كل حبج لو مهما كنت تحبينه
لا تكشفين كل أوراقج له
خليه يسأل ويبحث وراج
عشان ما تفقدين رونقج وجاذبيتج بعينه
لو حتى تميتي تتجملين وتكشخين
الجوهر مهم مثل المنظر
لا تقوليله انا بدونك أموت وما اقدر اعيش .. وانت كل حياتي وانا بدونك ولا شي !!
لا تزعجينه بالاسئلة تحبني؟؟ اشتقت لي؟؟ اشرايك فيني؟؟؟ مرتاح معاي ؟؟
بتلقينه بتم العمر كله منبهر فيج ويركض وراج
لا تقولين ما يستاهل .. لا تقولين مو كفو
تذكري
انت الاهم
وكل شي تسوينه لج انت بالاول والاخير قبل لا يكون له