مكرونه ملونه بخضار على كيفك لذيذه وسريعة بالصور

1. طبق مكرونه لذيذ وسريع بصلصه بيضاء وشكله يفتح النفس ..


2. المقادير:

السلام عليكم ورحمة الله
اليوم انا صايره شيف ومسويه لكم طبق يمي يمي

طبق مكرونه لذيذ وسريع بصلصه بيضاء وشكله يفتح النفس ..

المقادير:

• مكرونه ملونه او أي نوع متوفر عندك.
• كريمة خفق 200 ملي(كاسه تقريبا).
• مكعب ماجي واحد.
• جبنة سايله (ملعقتين كبيره تقريبا).
• ربع علبه فطر معلب او 3 حبات طازجه.
• 1بصل بيضاء صغيره – 1بطاصس وسط –1 جزر-1كوسه- بروكلي.
• ملاحظه:الخضار اختاري منها الي تحبينه او متوفر عندك

انا اغلب الوقت اسويها بالبطاطس والجزر.
البهارات:
فلفل اسود _ ملعقة ص زنجبيل بودر_ ملعقه ص ثوم بودر.
1- نسلق حوالي كوب وربع مكرونه مثل الي بصوره وفيه منها شكل مجوف او الحلزوني او أي نوع مكرونه متوفر عندك ونتركها لمدة 10 دقايق.
2- نختار أي نوع من الخضار اوكلها (بطاطس- جزر- كوسه- فطر- بروكلي- بصل)
ونقطعم قطع صغير خاصه البطاطس او أصابع على حسب رغبتك
((يعني اذا تحبين الخضار تكون مستويه وذايبه قطعيها صغار واذا تحبينها نص سوى قطعيها كبار)) وممكن تسوين المكرونه بدون خضار الصلصه تكفي.
3- نشوح البطاطس والجزر في ملعقة زبده او زيت الى ان تتحمر نضيف البصل وثوم بودره او طازج.
4- ثم نضيف نص كاس ماء على الخضار ونخليها على نار هاديه لمدة 10 دقايق ونضيف مكعب الماجي وملعقة زنجبيل بودر وفلفل اسود .
5- اذا استوى البطاطس نضيف له باقي الخضار(الفطر- البصل- الكوسه- البروكلي) ويفضل تشويحها بشوي زيت قبل اضافتها بيكون طعمها الذ.
6- بعدين نضيف الكريمه وملعقتين جبن سايل وشوي ماء وبعدين نذوق طعم الصلصه ونضيف شوي ثوم او زنجبيل او فلفل او ملح ونخليها تقريبا خمس دقايق ونحركها.
7- بعدين نصفي المكرونه ونضعها على الخصار والصلصه ونحركها على النار لمدة 5 دقايق.
8- نضعها بصحن التقديم وبالعافيه.
وهذي صورتها بشكلها النهائي بس بصراحه كنت مسويتها بالبطاطس والجزر والبصل بس
لان عندي ناس ماتحب البروكلي ولا الفطر
واتمنى تعجبكم وتدعون لي لاني بصراحه اول مره اكتب طبخه هنا