ملف طبخات رائع

ندخل على المقادير:
لحم مقطع صغير مع العظم
بصله مطحونه خشن
طماطم مقطعه صغير
ملح وفلفل اسود وكمون وبهارات مشكله مطحونه
الطريقه :
نضع اللحم في القدر وعلى نار متوسطه ( عادتي استخدم قدر الضغط )
واقلبه والاحظ ظهور ماء منه
اتركه حتى يتغير لونه
ثم اضع البصل والطماطم والبهارات
ثم اقلبها واصب ماء قليل يمكن نص كاس
واقفل القدر واتركه على النار المتوسطه حتى اسمع الصافرة ثم اهدي النار عليه
واتركه ثلث ساعه
وافتحه بعد خروج البخار
واذا استوى وثقلت عصارته خلاص اغرفه
واذا لاحظت انه يحتاج ماء او استوى اكثر ارجعه مرة ثانيه
طبعا هنا قدمته مع الرز الابيض

صينيه خضاربالدجاج سهله ولذيذة من مطبخ شذاوي
المقادير :
خضار مشكله ومقطعه حلقات
(2بطاطس - 2كوسه – 2باذنجان – 2جزر)
بصله مقطعه شرائح صغيرة
فلفل رومي حلقات
عصير 4 حبات طماطم
1 مكعب ماجي
ملعقه ثوم مطحون
زيت
ملح وفلفل اسود وكمون وبهارات مطحونه مشكله
دجاج مقطع اربع قطع ومسلوق في ماء وملح وهيل
لتغطيه الدجاج:
ملعقه صلصه مذوبه في ربع كاس ماء حار وملح وفلفل اسود وكمون
الطريقه :
نضع الزيت في صينيه الفرن ونضع عليه الثوم المطحون
ونقلبه حتى يبدأ يصفر الثوم
ثم نضع البطاطس ونقلبها ثم نضع باقي الخضار والصور توضح
ثم نضع البهارات من ملح وفلفل اسود وكمون والطماطم المطحونه والماجي مع التقليب المستمر
ونغطيها بالقصدير ونتركها على النار لمده ربع ساعه
ثم نفتحها ونضع الدجاج المسلوق ونصب عليه الصلصه
ونغطيها مرة اخرى وندخلها في فرن ساخن لمده 10 دقائق
ثم نفتح القصدير ونحمرها من فوق
ومن مرقه الدجاج نسلق الارز
وتقدم وبالعافيه عليكم
وللتعذيب
وزياده في التعذيب
لاتنسوني من صالح دعائكم

رغبة لطلب احدى الأخوات لثوم البيك اهديها الطريقة
وهذي صورته تراني سويته لك مخصوص والله اطعم من البيك
5فصوص ثوم
4ملاعق كبيرة زيت زيتون
3نقاط ليمون أو تزيدي
3 ملاعق نشا
ثلاثة ارباع كوب ماء وشوية يعني 200 بالضبط
ملح قليل
الطريقة :
يذاب النشا في الماء ويوضع على النار حتى يثخن ثم نضع الثوم المطحون والملح عى النشا مع الليمون في الخلاط ثم يضاف زيت الزيتون بالتدريج
واذا اردتيها خفيفة ممكن تضيفي قليل من الماء مع الخلط قبل الزيت

الفلافل ( الطعميه ) من مطبخي خطوة خطوة
المقادير :
نحتاج الى 1 كيلو فول مجروش مغسول ومنقوع 12 ساعه
نص كيلو حمص مغسول ومنقوع 12 ساعه
بصلتين كبيرة
ثوم مطحون
كزبرة
بقدونس
ملح وكمون وفلفل اسود وملح
بكربونات الصودا ( تستخدم قبل القلي )
الطريقه :
نصفي الحمص والفول تماما من الماء
ونطحنه بمفرمه اللحم
مرتين
في المرة الثانيه نضيف الكزبرة والبقدونس والثوم والبصل
الكميه كفتني 4 اكياس
في كل كيس تقريبا 2 كوب ونص
طبعا تتفرز عادي ووقت اللزوم نخرجها ونتركها تلين
طبعا الكيس الرابع استخدمته
>>>>مو تقولوا وينه
خ
قبل القلي نضيف الملح والكمون والفلفل الاسود وبيكربونات الصودا ( نص ملعقه صغيرة لكل كوبين ونص
)
نحمي الزيت
ونكور الفلافلواذا عندك الاله استخدميها
انا كورتها ودحرجتها بالسمسم
ثم على الزيت على طول
وقلبتها حتى اخذت اللون البني
وهنا البطاطس
وقدمتها مع البطاطس
وسلطه الطحينه
وعملت منها سندويتشات

وردات الطعمية بالصورة
نحتاج الى
توست منزوع الحواف
حليب
بقسماط
وزيت للقلي
الطريقه :
نغمس مربعات التوست بالحليب
ثم نضع حبات الطعميه
ونبدا نلمها على بعض ونكورها ونضغط عليها
نغمسها بالبقسماط
ثم نقليها
ثم نضعها على ورق نشاف
وعند التقديم نقطعها مثل البرتقاله بس مانفصلها عن بعض
يعني نترك الجزء الاخير
ونزين الطبق
ونرصها فيه

حلا الشعيريه بالكراميل من مطبخ شذاوي وبالصور
الطريقه شفتها بمنتدى ثاني
وجزاها الله خير صاحبتها
بس اضفت لها سكر
المقادير:
المجموعه الاولى:
2علبة قشطة( بالصور نسيت اصور علبتين )
ثلث كوب زيت
1 ملعقه كبيرة بيكنج باودر
ربع كوب سكر
الثانيه:
3 بيضات
رشة فانيلا
كيس شعيرية باكستانيه مكسره تكسير ناعم
صوص الكراميل:
نص كوب سكرعادي
علبة قشطه
ربع اصبع زبده(25 جم)
الطريقة :-
- نخلط مكونات المجموعه الاولى بالخلاط الكاس
- بخلاط الكيك نخلط البيض مع الفانيلا ثم نضيف لها الخليط اللي خلطناه بخلاط الكاس و نضيف له الشعيرية المكسره
.
- نتركه 10 دقايق او اكثرحتى تتشرب الشعيريه الخليط ) الخطوة هذي مهمه)
- نصب الخليط في صينية مدهونه زيت وندخله الفرن لمده ثلث ساعه او نص ساعه
حتى تستوي وتتحمر .
- صوص الكراميل :- نذوب السكر عالنار حتى يذوب وياخذ لون ذهبي
نضيف له قطعة الزبده ونحرك بالملعقة الشبك بسرعه ونرفعه عن النار
نضيف القشطه بالتدريج ونقلب بسرعه الين ما يبدا يثقل و يضبط .
- نصب الكرامل وهو حار عالحلا ولما يدفى نقصصه مربعات
وللعذاب لحظات

سندوتشات البيتزا سهله ولذيذه وبالصورة
المقادير:
عيش توست مقطع الحواف
جبن مازوريلا
زيتون مقطع
صلصه البيتزا الجاهزة
الطريقه:
نقطع الحواف
نحضر جهاز التوستر
نضع العيش بعد دهنه بالزبده
ثم الجبنه
ثم عيش وندهنه بالزبده
ونقفل الجهاز وننتظر حتى يتحمر
نقدمه مع أي نوع عصير

فطيرة السبانخ اللذيذة ومن مطبخي مصورة لكم
ماشاء الله وتبارك الرحمن
(أخواتي الغاليات لاأحلل نقل مواضيعي او تطبيقها ونقلها الا بذكر المصدر)
نظرا حبيباتي لما يحصل من اخذ مواضيعي وتطبيقها
ثم عرضها ونسبها لانفسهم
فقد قمت بوضع هذا الكلام
اعذروني انا مو طبعي كذا لكن يعلم الله باللي حصل خلاني الجأ لهذا الشئ
وأنا اغلب طرقي بجهدي الشخصي بفضل من الله ثم تشيجعكم لي
المقادير :
العجينه :
3 كاسات دقيق ( الكأس 200 جم)
ملعقه خميرة + ملعقه بكم بودر ( ملعقه الاكل العاديه ولاتكون مليانه مسحه بس )
2 ملعقه كبيرة حليب بودرة مخلوطه مع كأس وربع تقريبا ماء على حسب الدقيق
نص كأس زيت
ملح
ملعقه اكل سكر
الحشوة :
سبانخ +بصله كبيرة مفرومه خشن + شويه زيت + ملعقه كبيرة صلصه + ملح وليمون وسماق وفلفل اسود وكمون
التزيين :
سماق وحبه البركه وصفار بيضه لدهن العجينه
الطريقه :
نحط الدقيق بالعجانه
وباقي المقادير مع بعض ونخلطها ثم نصبها على الدقيق ونعجن
نخلي مدة العجن 5 دقايق او اكثر لان العجينه كلما تعجنت كويس تعطي نتيجه حلوة
نتركها تخمر ثلث ساعه
نعمل الحشوة بوضع الزيت والبصل حتى يذبل ونحط السبانخ وباقي المقادير ونقلبها
حتى تنشف من مويتها
نرجع للعجينه
ونقسمها جزئين
الجزء الاول نفرده ونحطه بالصينيه ونخرمها على خفيف
ونحط الحشوة بس الاطراف نبعد عنها
ونفرد الجزء الثاني ونبقي شويه من العجينه للتزيين نقطعها على شكل وردات بالقطاعه
ونوزعها على العجينه مع الضغط شويه علشان تثبت
ندهن العجينه بصفار البيض
ونوزع حبه البركه والسماق
وتدخل الفرن من تحت حتى تحمر ثم من فوق
ونخرجها ونحطها بالصحن ونغطيها بالصينيه علشان تعطي ليونه ولمعه اكثر
مدة 10 دقايق
وتقطع وبالعافيه عليكم
ودعواتكم لاتنسوها
وهذي لاول وحدة ترد

المسقعه بالصور من مطبخي ( حياكم الله )
طبعا المقادير سهلة بالمرة
بطاطس حلقات مقلية
باذنجان حلقات متينة ومقلي
فلفل رومي حلقات
حبة طماطم حلقات
بصلة حلقات
لحمة مفرومة مكشنة ومستوية وصلصتها ثخينة
بس هذي المقادير
الطريقة طبعا
حطي الباذنجان
وفوقه البطاطس
واللحمة المفرومة
والفلفل الرومي والبصل والطماطم طبقات وهنا رشي ملعقة صغيرة سكر وهذا سر أخذته من أحد المنتديات
ثم ارجعي ثاني مرة اعمليها طبقات بنفس الطريقة وخلي اللحمة آخر طبقة ورشة سكر خفيفة جدا
ودخليها الفرن لمدة ربع ساعة من فوقاو حتى تحمر
وهذا شكلها بعد اخراجها
وقدميها مع العيش أو الرز الأبيض وانا هنا قدمتها مع فطيرة مسويتها بالدقيق البر
وبالعافية عليكم