مليت مليت مليت

السلام عليكم ورحمه الله وبركاته
حبيت اتكلم في موضوع جاب لي الجنان وعفس لي حياتي
ما تلاحظون على انفسكم الوحده تدخل منتدى الحياة الزوجيه وهي بخير وتطلع حالتها حاله
جننتونا بحكايه الاهتمام بالزوج الزايد عن حدة وكانه من حقه يعيش في قمه السعاده على حساب راحتنا
فتحتوا لنا ابواب كنا مرتاحين منها
ولا كل وحده مبسوطه مع زوجها قامت تسوي نفسها مثاليه وتشتغل نصايح وارشادات
ولا كيف تسوي ليله رومانسيه وكيف تلبسين وكيف تنامين وكيف تزعلين وكيف تضحكين وتبكين وصار لكل حركه دفتر ارشادات كتالوج
ولا الي تجيك لاتقولين عيوبك قدامه ولاتشتكين له من حالك يخلون الوحده تقول ياويلي انا قد قلت قدامه كذا وكذا وتجلس شايله هم كلامها
ولا تفعلين كذا وكذا واذا سويتي كذا بيتزوج عليك واذا ما سويتي كذا بعد بيتزوج عليك
عن نفسي تجننت من كلام الحريم
اشتغلت باشياء كنت مرتاحه منها ضيعت وقتي في التفكير في كل صغيرة وكبيرة
يعني على بالكم الرجال لو سويتي كل الي يرضيه بيردة شي مايتزوج عليك ولا يتركك ولا يطلقك لا مهما سويتي
ما يردة الا شي اسمه خوف من الله فيك
اذا ما خاف الله فيك ماراح ينفع تسوين له شي
قومي بواجباتك كامله وحق الله فيه
وغيري من حياتك اذا تبين اضافه تجديد لحياتك
لكن مو لدرجه الجنون والهوس
ياحبيتي كل فترة سوي شي
مو كل يوم
يعني الا متى على هالحال
وهو يداوم ويجي وياكل ويروح الدوام ويطلع مع اصحابه ويقعد معك شوي ويروح ولا قال بسوي لها كذا وكذا وبغديها كذا وبسوي لها ليله رومانسيه ومدري وشو
عايش حياته مرتاح
وحنا كننا روبوتات اليه
خدمه اربع وعشرين ساعه
تعبت بعدين بكمل واقول لكم اراء ازواج في كل هذا