مميز يستحق المشاهدةاول عمل لي عطوني رايكم

1. قلت يابنت شوشو كل يوم تقولك سوي اشتغلي وريها ابداعك وشغلك


2. وابدا افكر بالشغل لعيون شوشو


3. والتجليد كان لكل الجواانب من ورى وقدام وتحت


4. هنا الادوات الثانيه

السلام عليكم ورحمة الله وبركاته
صباح الخيراات والليرات اخواتي
ان شاء الله تكونون منااح<<مروقه اليوم هع
اليوم اول عمل لي اسويه
واول عمل لي انزله بالنت
لكن باقولكم قصة هذا العمل قبل<<ليلها طويل هع هع
طبعا" هو عبارة عن رفوف اخذت انا منها 3 مع الرف العلوي كان لاختي وتمت سرقته ههه
طبعا" لونه شاذ عن الغرفه وبنفس الوقت نفعني ومادري وش الدبره

قلت يابنت شوشو كل يوم تقولك سوي اشتغلي وريها ابداعك وشغلك

وابدا افكر بالشغل لعيون شوشو

بدأت الفكره عندي اخذتها من سلة صغيرونه عندي استخدمها لشبصاتي خرابيطي الصغار ومعها زبالة وانتم بكرامه صغيرونه اخذتهم من سنتر بوينت قلت اسوي نفس الشكل على الرف واشوف اذا ضبط حلو ماضبط اقرب زباله ونشتري جديد وانتهت السالفه
المهم
بديت وقلت لامي قالت لازم.؟؟ اشتري جديد <<<اول عقبة واجهتني ياشوشو عشان تعرفين اني مكافحه ومنااظله لاجل هذا العمل<<محرره القدس وانا مادري
شوي الا ابوي يسئل وش عندكم؟؟ واعلمه بالسالفه قال اللحين بنروح السوق فيه اشكال حلوه والوان زينه <<<ثااني عقبه يااشوشو الكل عنده اشتري جديد وارتاحي بلاشغل بلابطيخ
واروح السوق وادوور منا مناك ماش ماعجبني قلت فرصة كملي شغلك يابنت وحصلت تجليده لونها عجبني ومناسب لغرفتي واخذتها
وابدا بالشغل
وصورت لكم الخطواات خطوه خطوه
هنا الرف المغلوب على امره
هنا الادوات المستخدمه
هنا يوم بديت بالتجليد
طبعا" طريقتي كيف اقيس بالمسطره الطول والعرض وازيد شوي وابدا اجلد الارضيه والجوانب الثلاثه
هنا يوم خلصت الارفف كلها مع الرف العلوي طبعا" ماكان عندي اول ماصورته بس جابته امي لي بعدين اقولكم شنو فايدته اذا خلصنا

والتجليد كان لكل الجواانب من ورى وقدام وتحت

هنا الادوات الثانيه

طبعا" شريت الاشرطه والقماش اورقنزا اما الورده اللي تشوفونها هاذي لي فترة ناويه عليها يارميها يارميها خلاص مصخت احس وجابتها امي لي قلت حلو رح تضبط معي<<مو ملاحظين كل شئ تجيبه امي ههه هذا شسمه لاني اقول يوة باروح اشتري تقول اصبري وتجيب لي وانا خبر خير مادري عن شئ بالبيت كل شئ ماحصل له مكان ارميه
هنا القماش قصصته مستطيلات طووال وبديت اخيطه 3 قطع كبار و3 قطع اصغر منهم بشوي
هنا يوم خلصت كل القطع مادري وش اقول بس شسمه شديت شووي وانا اخيط عشان تتكرمش شوي ثم كويتها
هنا بديت بمسدس الصمغ اصمغ القطع اول شئ الكبيره ثم الصغيره فوقها
هنا خلصت من الارفف كلها وحطيت الشريطه فوق القماش
هنا علبة مناديل ماحنا محتاجينها جلدتها بعد ونسيت اصورها قبل
هنا بدأت بالورد والشرايط الصغار ازين الارفف وعلبة المناديل
قمت وقصصت كل شريطه 2 منها بطول واحد والفه على بعض وثبته بالصور رح تفهمون اكثرر
هنا جبت وردتين ولصقتهم على جنب جنب بعض
هنا صورة الأرفف يوم خلصتها كلها ومعها علبة المناديل
شسمه لاتقولون ليش الورد مايل لاني بديت اشتغل بالاولى وميلتها يوم خلصت ماافي مجال اعدل رح يخرب كل شئ قلت يابنت سوي حركه وحده يمين وحده يسار وهكذا ههه
صورة ثانيه
وهنا السله اللي قلت لكم الاصل اللي اخذت الفكره منها
وبس خلصت
طبعا" الارفف نفعتي بالجزم وانتم بكرامه ضفتها لي واستفدت من ادارج بالغرفه بدال ماهي مسويه لي زحمه
اما الرف العلوي فايدتها اني احط عليه شناطي بالذات اللي دايم اطلع فيهم مادخلها بالدرج تكون فوق عالرف بدال مو عالارض او السرير يكون لها مكان محدد ومرتب
انتظر رأيكم باول عمل لي يعني شئ جديد علي
لكم ودي
بوبو