من دراستي في علم النفس تبين زوجك يحبك ويمووت با الارض اللى تمشين عليها تعالي هنا

السلام عليكم ورحمه الله وبركاته
<<< مستحيه مالها بها القسم ابد
بس يا الله بقط عليكم معلومه يا اخواتي المتزوجات
من اخت لكم واتمنى فعلا تطبقونها بحذافيرها وشوفي زوجك وشلون يحبك
وهذي مو للازواج وبس هذي لكل الناس وانا دارستها في تخصصي ( علم النفس )
ومتاكده منها 100000 با 1000 ومابي منكم الا دعواتكم لي ان الله يوفقني بدراستي
واطلع اخصائيه نفسيه << يارب
الطريقه اول شي بفهمكم على شغله
تجي احيانا وحده تقول انا اهتم بزوجي باكله وشربه وكل شي وحاقرني ولا يحبني
ووحده تقول انا اعطي زوجي كل الاهتمام لدرجه اني مهمله بيتي
ووحده تقول انا زوجي حاقره زوجي ومايحني واكرهه علشان تصرفاته
تدرون هذولا كلهم عندهم خلل في كل اللى قالوه
لانهم للاسف لبت الزوجه شي ونست اشياء المفروض تراعيها
ندخل با الزبده
هرم ماسلو << عالم في علم النفس مشهور
هو على شكل هرم وها الهرم اي شخص يدرس علم النفس لازم يدرس ها الهرم
وحط ها الهرم من القاعده الى القمه واي قمه ستكون نشوفها بعدين ......
قاعده الهرم حط االمهم حتى الاهمم
بدايه الهرم حط حاجات فسيولوجيه او عضويه :
يعني لازم تهتمين باكله وشربه ونومه وتهتمين بملابسه وكل ها الاشياء
لان الجسم يحتاج هذه الاشياء بضروره قصوى وتخيلي لو انك مقصره فيها
اكيد بيروح زوجك يدور من توفر له ها لحاجات
المرتبه الثانيه الامان:
الامان هذا الشي مهم لازم تحسسين زوجك با الامان والاستقرار
مو كل شوي ناطه عن بيتك اهلك وتقولين ما استغني معليه استقري فتره
في بيتك وخصصي مع زوجك يوم معين لزياره اهلك واهله
الحب والانتماء :
وهذا اهم شي بعد الامان اللى هو الحب حسسي زوجك با الحب والحب نقدر نقول مراتب
1- كلمة الحب ،،،، 2- نظرة الحب ،،،، 3- لقمة الحب 4- لمسة الحب ،،،،
5- دثار الحب ،،،، 6- ضمة الحب 7- قبلة الحب ,,,, 8- بسمة الحب
بعدين نجي التقدير :
يعني تحترمي زوجك وتقدرينه وتحسسينه بوجوده في البيت وبرجولته وانه
فعلا له دور فعال في البيت وانه احد اركان هذا البيت العامر باذن الله
تحقيق الذات :
يعني تساعد زوجك انه يحقق رغباته والاشياء اللى يتمناها اما نجاح في عمل او
في مشروع والدعم مو شرط مادي يكفي انك تسالين وتهتمين بها الشي
وتحسسينه انه مهم عندك مثل ماهو مهم عنده
وايضا تساعدينه على تحقيق ذاته من خلال تطور نفسه وقدراته وميوله
من خلال تطوير مهاراته ودراسته .. الخ
في نهايه الهرم ياتي( عطاء بلاحدود )
يعني بحر لن يجف من الحب والموده التى ستستمر باذن الله
مع طول الامد
الحياه الزوجيه محتاجه تنازلات حتى تنجح هذه العلاقه يا اخوات
اتمنى فعلا اني افدتكم واتمني الدعاء لي ولوالدي وا الله يوفقني وانجح في اختباراتي