من مثلي نفسيتها تعبانة

عبيرر االوررد االطاائفي

13-03-2022 - 09:23 am

السلام عليكم ورحمة الله وبركاته
بنات أنا نفسيتي مرة تعبانه بسبب السمنة
أنا توني عروسة جديدة وحملت على طول الحمدلله وربي رزقني
ولكن المشكلة بعد الولادة زاد وزني مرة اللحين وزني 78 وأول الحمل كان 60
وأصلا أنا وزني الطبيعي اللي دايما كنت عليه 55 مع العلم ان طولي 155
نفسيتي تعبت لدرجة اني ماصرت أطلع ولا أروح مع الناس حتى صار ماعندي ثقة في نفسي قدام زوجي ....
وأطالع في ملابسي قبل الحمل وانا عروس واتحسر
ابغى ريجيم ينحفني بسرعه وبصحة وعافية ابغى احد يشجعني ويكون معايا
أنا نفسي اجرب ريجيم عذاري لاني جربته قبل كذا ونزلت عليه
أنا صار لي والدة تقريباً 4 أشهر وأرضع ولدي بالأضافة إلى الرضاعة الصناعية ...
ياريت احد يشجعني ويبدأ معي الريجيم
من جد أدعوا لي اني انحف ماتتخيلوا كيف متضايقة أعوذبالله

التعليقات (9)

هجير النور

13-03-2022 - 12:13 pm

قولي الحمد لله
انا يوم تزوجت كان وزني 59 كيلو بعد الزواج زاد الى 72 تقريبا وحملت بعد زواجي ب 5 شهور ويعد الولاده صار وزني
98 تخيلي الصدمه با اقل من سنه اصعد تقريباا 35 كيلو
وربي تعبت حيل مافيه شي بمقاسي اول كنت اخذ اصغر مقاس او عادي الحين ماينفع لي اكبر مقاس
وربي تعبت وحاولت انزل بس لحد الحين ماقربت
بس الحمد لله نزلت على الرياضه والتخيف المقارب لرجيم وشرب الشاهي الاخضر

عبيرر االوررد االطاائفي

13-03-2022 - 01:14 pm

هجير النور
ياعزيزتي الحمدلله رب العالمين
أنا حاسة بك وبكلامك لاني مثلك مافي شيء صار يجي قدي
لدرجة اني كرهت الطلعات
وبرضوا أقول الحمدلله
بس كنت ابغى تشجيع

أحلى بسمه ^_^

13-03-2022 - 02:15 pm

وش نوع رجيم عذاري
ياليت تسحدحينه هون
وكم ينزل في الشهر ؟؟
عسى الله يخفف عني وعنك بالعافيه

عبيرر االوررد االطاائفي

13-03-2022 - 03:16 pm

أحلى بسمه ^_^
اللهم آمين يارب
عزيزتي شكراً لمرورك وهذا الريجيم زي ماهو
أخيراً يابنات نزل وزني في 20 يوم 15 كيلو .......
اقول لكم قصتي أنا ما خليت ريجيم ماجربته جربت غصن بان الكويت وما نفع وصار لي مضاعفات بعدة لا وطعمة
يلوع الكبد ونصحوني كثير بالحبوب اللي تسد الشهية والله وانا اختكم رحت وشريتها العلبة ب 200 ونفس الشئ
مانفع وجربت ريجيم الشوربة هم مانفع وجربت الريجيم الكيميائي ورجعت دبل بعد ماتركته اهئ اهئ
الين ماحصلت هالريجيم من وحدة تقرب لي من زمان ما شفتها وقالوا لي انها تغيرت صارت رشيقة وانا اعرفها
منفوخة عالعموم ماصدقت لين شفتها ضعيفة ماتصدقون وعزمت اسوي ريجيمها اللي جابتها من وحدة
كانت منفوخة وضعفت عالعموم هالريجيم صار كأنة وصية كل وحدة تعطية الثانية وراحت قريبتي وسئلت دكتورة
معروفة في منطقتنا وقالت لها هالريجيم زين أنصحك فيه مع الرياضة طبعاً .... عالعموم أنا سويته 20 يوم طبعاً
أول أسبوع تحسين أنج خفيتي بس أنصحك إذا جعتي كلي علك خالي من السكر وفي منه أنواع أنا عني
أستخدم علكة نوفا بالنعناع عالعموم نزلت عليه كلن أستغرب ويقولون سبحان مغير الأحوال هالمنفوخة صارت
كذا أنا كان وزني 80 صار 65 وكله أشياء موجودة بالبيت وأعذروني طولت عليكم وكاهو الريجيم
السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي
متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع
الشاهي ولا نقطة ههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم
كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )
الأحد . الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )
الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...
الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )
الاربعاء . الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية
جبنة فيتا قليلة الدسم علشان يلينة ) ...
الخميس . الافطار . مفتوح الغدا . مفتوح
العشا . مفتوح
الجمعة . الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..
عالعموم أنتي بس سوية عشرين يوم يعني أسبوعي و6 أيام = 3 أسابيع وروحي الدوام وأنتي مستانسة وقولي عذاري ماقالت .. رهيب واذا حسيتي بالجوع مررة بين الوجبات كلي هوى أقصد كلي تفاحة ..

أحلى بسمه ^_^

13-03-2022 - 04:17 pm

بصراحه الرجيم روعه وينقدر عليه
انا بخلص التحدي هالاسبوع معع حنونتي
وببدء فيه الاسبوع الجاي ان شاء الله
مشكوره ياقلبي
عسى عمرك طويل

الأماكن

13-03-2022 - 05:18 pm

حبيبتي الكلام ماينفع
لازم بنفسك انتي تكون عندك اراده انك تبي تنزلي وزنك
مافي شي مستحيل ياقلبي اوزان ب 100 صارو ب 60 ولا 50
انتي بس شدي حيلك وسوي رجييم عذاري بشهر راح تنزلي 20 كيلو بأذن الله
واشربي
شآي الاخضر + النعناع + كمون + زنجيل
يمدحونها للبطن
وحرق الدهون
عصير اناناس بدون سكر , وتشتري كيوي وتحطيهم بخلاط لخلصو تعصري عليهم ليمون ششوي وتشربيه
,
والله الله بالمشي ولا رياضه اختاري الي يناسبك
اما تجلسي بيتك وتقفلي على حالك ماراح تستفيدي
تحركي فديتك قبل لايزيد وزنك الحقي ع حالك
وان شاء الله بترجعي نفس وزنك الأول
بتوفيق فدييتك وادعيلي ربي يصبرني وينزل وزني من غير شر

اسيل الحب

13-03-2022 - 06:19 pm

كثير يمدحونه هالرجيم
طيب توكلي على الله وسويه ليه متردده
ابدي فيه
صدقيني راح تنزلين وتشوفين الفرق وتحبين نفسك اكثر واكثر
يالله سمي بالرحمن وابدي
الله يوفقك يارب
واذا بتكتبين يومياتك راح اشجعك

عبيرر االوررد االطاائفي

13-03-2022 - 07:20 pm

الأماكن
الأماكن عزيزتي يسعدك ربي أن شاءالله ويارب تنحفين مثلها و تطلعين أحلى منها يارب وأنتي بصحتك وعافيتك ...
المشكلة كل من شافني ماعنده سالفة غير واو متنتي أو صرتي دووبة
طيب انا عارفة اني صرت دووبة مو بيدي لازم يعني يوروني ان عندهم قوة ملاحظة
يلا الحمدلله على كل حال
بس ان شاءالله اني ببدأ بريجيم عذاري من اليوم وألعب رياضة وبعد أسبوع برد وأقولك ايش الأخبار
يارب ننحف بصحة وعافية وعلى خير
شكراً لتشجيعك

عبيرر االوررد االطاائفي

13-03-2022 - 08:21 pm

اسيل الحب
أسيل الحب عزيزتي
بسم الله توكلنا على الله إذا حابة تتابعيني
شكراً على تشجيعك ومرورك

يآآ أهل الرخآء والشده←
خلونا نستفيد ادخلي مابتندمين→