من وين اجيب فرح

1. مافي احد يحس بالاحساس اللي انا فيه

السلام عليكم ورحمه الله وبركاته
جيت هنا ودي افضفض ني مخنوقه
منجد مخنوقه كل حزن الدنيا فيني
انا عمري 28 للاسف حياتي كلها حرمان ومراره
محبوسه بالبيت طول اليوم حتى الشمس ما اشوفها
كل شيء ممنوع وربي ما ابالغ يابنات
محرومه من كل شيء بس شغل وكرف وارجع للغرفه مترين بثلاثه
هاذي هي حياتي
امي تعاملني اسوا معامله دايم تقولي انتي عانس تخيلو الام اللي المفروض تكون مصدر الرحمه هي اللي تجرحني ياليتها وحده ثانيه كان قدرت ارد عليها بس للاسف امي
كلامها لي كانه سكين تغرز بصدري
اجلس يومين اقهر بنفسي حتى الاكل مالي نفس فيه بس تكفون ادعولي الله يخليكم

مافي احد يحس بالاحساس اللي انا فيه

انا يابنات تملكت قبل سنه وتطلقت قبل الزواج بشهر وبعدها كل الدنيا عاقبتني امي واخواتي واخواني صررت وحيده الكل يعاملني بإحتقارر حتى تخيلو الاكل اكل وحدي بالمطبخ هما يسولفو عند التلفزيون وانا لمن اجيهم يسكتون حتى صوتي محد يحب يسمعه و احد يسالني اش تبين اش ناقصك ابكي او ما ابكي كله واحد عندهم وكانه طلقني عشان عيب فيني مايدرون انها اراده ربي
اخ يالقهر كنت اجهز للفرح كل شيء جبته حتى الفستان اشتريته وسبحان الله اتصلت ام العريس وقالت ولدي مو مرتاح وقتها اسودت الدنيا بعيني ومن يومها وانا بحزن ما يعلم به ا الله ليه دايم انجررح ليه ؟ انا مؤمنه بقضاء ربي وقدره بس مقهوره من امي مسويتلي حرب نفسيه يابنات حتى لمن تسمع احد انخطب تجي تقولي علطول طيب انا اش ذنبي طول اليوم تعصب علي
اسفه طولت عليكم بس ابيكم تشوفو مصيبتي عشان تهون مصايبكم ارجوكم ادعولي