مهمومة ولا مضاىقه

بسم الله الرحمن الرحيم
السلام عليكم و رحمة الله و بركاته
هلا و غلا و بنات ,, كيف الحال ^^ عساكن بخير ؟
أبدخل بالموضوع على طول ,, و لا راح أطول إن شاء الله ,,
شوفن يا بنات ,, كلنا عندنا هموم و مشاكل و لا بد يمر يوم و يصير شي يكدّر خاطرنا
لكن المصيبة إن حنا ما نعرف وشلون نتعامل مع هالهموم و ضيقات الصدر ,,
أبقول لكن على شي سوويته في موقفين مروا علي ,, بعدها صرت أتبع هالشي و أسوويه دائمًا لأني موقنة إن الفرج سيطرق بابي من حيث لا أدري ,,
خلوني أقول لكن موقفين و أنتن احكمن ^^ ..
مرة كنا جالسين على الغدآ ,, و كان أبوي و أخواني و أختي الكبيرة كلهم مجتمعين ,,
و سواليف و وناسة ع الآخر ,, و كان أبوي فديت قلبه يسولف ,, و ذكر سالفة ,, هالسالفة يا بنات طعنت قلبي
أنا أدري إن أبوي ما يقصد ,, يا لباه بس يحبني و يموت فيني , و أصلاً ما يدري إن هالسالفة تضيق خلقي !
قال أبوي السالفة آللي قالها ,, و خنقتني العبرة ,,
بس مسكت نفسي و ابتسمت و جلست أسولف و أناقش بالسالفة بسعادة و فرح تام ,, و قلبي يفر في صدري أحس أبموت من الضيقة
لما قاموا أخواني .. قمت توضّيت و صليت لي ركعتين .. لأني حسيت بضيقة ,,
أول ما خلصت صلاة ,, جلست على سريري شووي ,, و إلا يجيني أخوي الكبير ,, و يبشرني بشارة طيّرت قلبي من مكانه !
هالبشارة خلّت السالفة آللي قالها أبوي تنمسح من قلبي ,, !!
موقف ثاني ..
صار خلاف بيني و بين أخوي الكبير ,, و كنت أنا الغلطانة ,, بس غلطتي غير مقصودة ,,
عصب أخوي الكبير علي و هاوشني ,,
تضايقت و رحت توضيت و صليت لي ركعتين ,,
بعدها جاء أخوي الكبير يسلم علي و يتسامح مني ,,
سبحان الله !!
يا بنات ما قد جربتوا إنكم لما تتضايقون تقومون تتوضّون و تصلون ركعتين ؟
صارت لك مشكلة .. قومي توضي و صلي ركعتين ,
مهمومة ,, ضايق صدرك ؟ .. قومي توضي و صلي ركعتين ,
أي شي يصير لك و يكدّر خاطرك ,, قومي توضّي و صلي ركعتين ,
أنا ما أتوقع آللي صار لي صدفة ,,
و حتّى إذا تعرفون قصة الرجل العابد آللي اسمه ( جُريج ) .. و هذي هي نقلتها لكم :
http://www.islamweb.net/media/index....ang=A&id=15363
شفتوا أيش سوّا جريج عشان يطلع من المصيبة ؟ صلّى و لجأ إلى ربّه ! و فُتحت له أبواب الفرج من حيث لا يدري !
مهوب بس هذي القصة ,, فيه بعد قصة ثانية لأحد الصحابة رضي الله عنه ,, تعرّض إليه لصًا و أراد قتله ! و لجأ إلى ربّه بالصلاة ,, و جاءه الفرج من حيث لا يدري
القصة تقشعر لها الأبدان يا أخوات
اسمعوها :
ظ‚طµط© ط§ظ„ظ…ظ„ظƒ ط§ظ„ط°ظٹ ظ†ط²ظ„ ظ…ظ† ط§ظ„ط³ظ…ط§ط، ط§ظ„ط±ط§ط¨ط¹ط© - Safeshare.TV
سبحانك ربي ,,
شوفوا كيف الحل قدام عيوننا و أسهل و أبسط منه ما فيه مع ذلك حنا غافلين عنه و متكاسلين لا نقوم به ,,
جربوها يا بنات ,, جربوا الصلاة ك حل لجميع مشاكلكم ..
و عسى ربي يفتحها بوجيهكن يا الحبيبات الطيبات
انشروا الموضوع ,, من دون ذكر المصدر ,, انشروا بكل مكان
يا مال الجنة ,,