مهمومه ومتضايقه وابغى مشورتكم في حياتي هي صح ولا غلط تكفون

عليكم السلام والرحمة والبركة
حبيبتي:
الله يوفقك يارب ويسخر لك زوجك ويزيده حب لك ، بس يالغلا نصيحتي كملي دراستك واتركي الحبوب واذا حملتي وانتي تدرسين ماعليك من البنات اعرف كثير لما كنت بالثانوي كانوا متزوجات عادي مافيها شيء واذا الموضع مضايقك مرا كملي دراستك منازل اهم شيء لاتحرميني نفسك من نعمة ربي ، وغير كذا ترى الحبوب تضر مرا اعرف وحدة مكن قريباتي استمرت 5 سنين تقريبا ع الحبوب ولما تركتها ماحصل حمل تقول الدكتورة خطر تستخدمينها هالمدة دون ماتتوقفين فترة فانتي حبيبتي من باب الحذر اتركيها وان شاءالله ربي يرزقك بالذرية الصالحة اللي تسعدك وتسعد زوججك

يؤيؤيؤ منتي بصآحيه استخدآم الحبوب اكيد مضره ما تستعمل اذا انتي ما بعد جبتي عيال ..
كذآ يضرك اكيد..
طبعا انا نصيحتي لك وودي اقول لك غصب عليك تسمعين كلآم << البنت انقهرت
سموحه يالغاليه بس قصتك واضحه اذا انتي ماره منحرجه من البنات .. اول ما تحملين اجلي سنه !
ما بيضرك دامك تركتيها كم سنه ..
واذا زوجك راافضه كلآم اختي روح الحزن صحيح .. حولي منازل ..
اما سالفة حبوب فانتي تجيبين لنفسك مشكله انتي بغنى عنها.. لاتحرمين ابوه ولا الجدآت
الله يرزقك بالصغيرون اللي يفرح قلبك وقلب ابوه ..
عندي سؤال انتي كملتي سنه على كلآم الدكتوره ؟
ام يارب تردين علينا ايش بتقررين ^_^

حبيبتي دقات قلب لا تحرمين نفسك نعمة العيال واللة انا زيك اتزوجت وانا اخر سنة في الكلية واتفقت انا وزوجي ما احمل الى ان اتخرج بس واللة ندمت ندم ما تتخيلينة لاني جالست سنتين بعد ما تخرجت ما حملت مرة انقهرت ورحت مستشفيات وما بقيت شي ما استخدمتة والحين الحمد للة عندي بنتين زي القمر اللة يخليهم لية ولابوهم واللة ما تحسين بالنعمة الا اذا فقدتيها لا تفكرين تاجلين الحمل عشان الدراسة واللة ما ينفعك الا اولادك وزوجك شوفي كم البنات الي متخرجين وجالسين في البيت
اللة يوفقك لما يحبة ويرضاة

الله يسعدكم يارب ويرزقك بالذريه الصالحه

مادري انتي مكبره المووضوع مافيها شي اذا حملتي وانتي تدرسين
امك موجوده الحمد لله وبتعينك وتعاونك يعني احملي وبعدين اتصور الدراسه ماتمنع والمدرسات بيرااعون وضعك اكيد
مافيها شي احملي وكملي اعرف ناس تزوجو بأول ثانوي وحملت وولدت وجابت 4 عيال وخلصت الجامعه وهي الان مدرسه ماشالله اذا زوجك يحبك لاتحرمينه ولاتحرمين نفسك العيال حلووين وتزيد غلاتك عند زوجك

نصيحه مني تفتحي الموضوع مع زوجك و تناقشيه...و تقوليله انك عندك استعداد تدرسي و ماتاخذي حبوب منع الحمل وانشالله ربنا يريد و تحمللي
يمكن هو حاسس بتأنيب الضمير انه بسببه ما كملتي دراستك...ودحين بيقولك تاخذي الحبوب شان يضمن تكمللي دراستك
والله يوفقكم مع بعض...و يرزقكم بالذرية الصالحة

ياحبيبتي سيبي الحبووب وعادي كملي درااسه اتذكر العاام والله وحده من البنات حامل وتجيي المدرسه وعادي
مستغربه منك يوم تقولين نظرات البنات عادي حبيبتي انا بنت وادرس بالثانوي وعاادي مرو بنات حوامل بالمدرسه ماشفت احد طاللعها عادي جدا

حبيبتي .. اول شي تري مافيها شي تدرسين وحامل ...
نص بنات الجامعه حمل ويدرسون . وتري سهلآت ..
وثانوي وجامعه ماتفرق ..
وتري زوجج عمره كبير .. يعني يبي لج 4 سنين تخلصين .. قد صار عمره 30 سنه ..!!!
فكري فيه لآتفكرين بنفسج ..
والله يووفقج

حبيبتي مره ما فيها شي احملي وكملي دراستك او خوذي منازل بس اهم شي تمشين حياتك وترضين زوجك الحياه كفاح لازم تحملين وتراء الحبوب مضره بما انك لسى ما عندك عيال.
الله يوفقك ويكتبلك الي فيه الخير يارب