مهم وعاجل اللي بتدخل وتفيدني نذر علي لأدعيلها كلما ادعي لنفسي يعطيها كل ماتتمنى

1. انا درست سنتين بجامعة وحولت هذي السنة لكلية جديدة ..


2. ملاحظة:

السلام عليكم ورحمة الله وبركاته..
مدري شلون أبدأ مشكلتي مشكلة...
شعري معقدني..
::
ومن يومي وانا بالمتوسط متعقدة منه و بالثانوي ودخلت الجامعة مشوه مظهري حيل ودايم البنات ينتقدوني..

انا درست سنتين بجامعة وحولت هذي السنة لكلية جديدة ..

ومرة ودي اغير شكلي من البداية واصير ستايل وشعري يصير يجنن واحس اني انثى مو موضع سخرية زي قبل يمكن بعضكم تقرى كلامي تحسني تافهة بس وربي فوق سابع سما اول مرة اقول هذا الكلام واطلب احد فلاتخيبوني ومحد رح يحس بشعوري لما يصير مكاني ويشوف بنفسه..
انا شعري الشعرة خفيفة مرة ومتقصف حيل يعني مايظبط الا باستشوار المشاغل بس! ومو كل المشاغل بعد وقليل نوعا ما ومو كثير وطويل الى آخر ظهري وأسود ماعمري صبغته،اهلي مايسمحون لي اصبغ ابدا ابدا بس يسمحون لي اقص بس على طوله لازم ..
وجبهتي عريضة حيل ..
تسريحاتي دايم هي:
اشد شعري ببكلة واربطه كذا يبرز شكل جبهتي مرة كاني مصارعة سومو..
ومايظبط معي التجعيد ابد واصلا مااقدر اجعد لاني اروح وامشي كثير واتضايق منه مااحب يكون فوق راسي دهن..
عندي بالبيت استشوار وسيراميك بس اجلس 3 ساعات في النهاية صحيح ينعم بس تطلع الشعرة واقفة وطايرة مو زي المشاغل في النهاية الفه بشباصة...
انا ادرس بكلية صعبة فما عندي وقت للتمكير وما اعرف امكر بعد ، فامنيتي تساعدوني بطلبي هذا:
المطلوب:
انا ابي طريقة اي شيء قصة وتسريحة بحيث تغطي جبهتي وتصغرها وبنفس الوقت شعري يكون على طوله لانه اهلي مايرضون يقصر والاهم الاهم "اقدر افكه واانا مرتاحه بالكلية كل يوم بدون مايطير" ويصير شكلي ستايل..

ملاحظة:

صدقوني وربي اللي خلقني ويشوفني اكتب الحين رح ادعي لكل وحدة باسمها للي تنفعني كل ماجيت ادعي لنفسي والله تعالى يقول" هل جزاء الإحسان الا الإحسان" فلاتستخسرين هالمعروف البسيط ماتدرين بسببه بعد وقت قصير ربي يرزقك زوج صالح يملى قلبك وعينك بحبه وطاعة الله وياخذ بيدك للجنة اذا كنتِ تتمنين الزوج الصالح ، او رزق وفلوس كثيرة تجيك لو كنت تتمنين رزق ، او نجاح وتخرج ووظيفه اذا كنتِ تتمنينها لانك اعطيتني اللي احب واتمنى وانا رح ادعيلك " يارب اعطها واسعدها بما تحب وتتمنى" يعني انتِ!..