موقف حماتي اللي انا مش فهماه

1. انا عايزة خبرتكم يافراشات


2. انا متزوجة من سنة ونصف وعندي بنت دلوقتي عمرها 3 شهور

انا عايزة خبرتكم يافراشات

انا متزوجة من سنة ونصف وعندي بنت دلوقتي عمرها 3 شهور

انا زوجي انسان كويس والحمد لله ولكن المشكلة ان انا بحس ان حماتي ماعندهاش شعور بالرغم من ان انا بحاول اودها علطول وبشجع زوجي دائما على برها وبزورها معاه وبهتم بمشاعرها يعني بحرص على تقديم هدية مناسبة لها في عيد الام
وبسال عليها في التليفون من وقت للتاني وانا عمري مازعلتها والاحتكاك بينا قليل ومفيش مشاكل
وزوجي كويس معاها لكن الحاجة الغريبة انها بتتعامل بكل برود معانا
يعني عمرها مااتصلت سالت على ابنها اللي هوا زوجي من ساعة مااتجوز ولا عمرها سالت عليا ولا عمرها سالت على بنتي اللي هيا طبعا حفيدتها ولا عمرها حاولت تودنا
هاتقولوا طبعا انها غايرانة بعد زواج ابنها
هاقولكم لاة لان احنا لما بنزورها بتعاملنا عادي خالص ومفيش مشاكا الحمد لله
بصراحة انا دايما بشجع زوجي انه يودها وانا كمان بحاول اودها على قد مااقدر بس هيا بتقابل ده ببرود شديد وتجاها
ساعات بصراحة بحس ان ماعندهاش مشاعر بسبب التصرفات دي وعل فكرة هيا ليها بنات كلهم متزوجات ودايما بتسال عليهم ومش عارفة هيا بتعمل كدة ليه
انا ناقشت زوجي في الموضوع ده وهوة برده مستغرب من تصرفها ده وبيقولي دايما ان ماما بتحب تكبر دماغها وهوة اكدلي انه هايحاول يتناقش معاها في الموضوع ده علشان يعرف السبب
بصرلحة مش عارفة حماتي بتتصرف معانا كدة ليه
انا نفسي انها على الاقل تتطمن على حفيدتها من وقت للتاني وتبقى فيه علاقة سوية
بصراحة انا زهقت من كتر ما انا بودها وهيا ولا على بالها والله انا عمري مازعلتها لا انا ولا زوجي
ممكن يافراشات تقولولي اتصرف ازاي ورايكم ايه
واسفة للاطالة