مو خسارة فيكم يامتزوجات اكتشافي العبقري

1. وبعد الحمام رشيت رشتين بس مثل ماقالت لي اللي تبيع عندهم


2. وللحين العطر ما اقنعني

السلام عليكم ياحلوات يافراشات ياسنعات ياذربات <<<<<<<< نازله عليها الروقان من الصبح
طيب خلوني ادخل بالموضوع على طول ( طيب اخلصي علينا )
المهم هذا ياطويلات البقا والسلامه زوجي اللي هو بعلي يبي يجي من السفر مدري متى خ ( لانه ماقالي للحين )
لا من جد عاد انا قلت بروح ادور لي عطر واجهز نفسي لاني لي شهر مو شايفته
واروح السوق والفلف بالاسواق علشان القالي عطر مميز هذا طبعا عقب ما فليت النت فلي وانا احوس بمواضيع العطور المميزة بس مالقيت شئ يبرد القلب
المهم مالكم بالطويله ( والله انتي اللي راعية طويله ) رحت هذاك اليوم لمحل وجوه ادور عن عطر قريت عنه بالنت وسالتهم قالوا مافيه عطر بالاسم هذا خ
ياني حقدت على صاحبة الموضوع بس مو مشكلة يمكن ماتقصد
المهم قلت مالي الا اشوف العطور اللي عندهم ( ماكان من الاول ياحلوة )
وانا احصل عطر من عطور فيكتوريا سيكرت اسمه ( ليتل سيكسي ثينق ) وعلبته تصفر اذا فتحتيها ههه
لا من جد انا بصراحه اول شي عجبني العطر وهنيه تجيكم السالفة ( ليه اجل من الصبح انتي ساكته ماسولفتي )
عاد من جد انتبهوا معي يامتزوجات انا عجبني العطر وشريته ولما رجعت البيت شميته حسيته عادي
يوه شكلي انضحك واتلخمت وخذت العطر وهو مايسوى
المهم قلت عاد ابي اجربه ماني خسرانه شئ تسبحت طبعا حمام الهنا لي ان شاء الله

وبعد الحمام رشيت رشتين بس مثل ماقالت لي اللي تبيع عندهم

وللحين العطر ما اقنعني

ومرت السالفة ونسيت اني حاطة العطر وطلعت مع اخواني نجلس على البحر والمكان اللي وقفنا فيه كان بعيد ومشيت مشي انهد حيلي منه المهم لما ركبت السيارة صارت تهف علي ريحه حلوه مرة ولاني عارفة من وين ,,,رجعت البيت والريحه مازلت اشمها وقعدت اسال بنت اختي تشمين معاي شي قربت مني قالت معاك ريحة عطر روعة ... وانا اللي اتذكر اني حطيت من هذاك العطر
وانا اللي تولع لمبة فوق راسي واستوعب انه العطر هذا تطلع له ريحه اذا تفاعل مع جسمك اذا عملتي مجهود
عاد انا قلت اقولكم عن هالسالفه وابيكم تدعون لي انه زوجي يرجع بالسلامه بسرعه
لانه مرافق مع مريض وادعوا انه الله يشفي هالمريض
واسفه على الاطاله ( توها تستوعب )