هل مرت عليكم مشكلة زي مشكلتي يامتزوجات

أنا متزوجة من سنة و9 شهور وكنت مدلعه زوجي وكنت جدا أنيقة وألبس له أحلى لبس وأحط أحلى مكياج وكنت جدا مهتمة بمظهري وكل يوم أفاجأه بحركة غريبة سواءً كانت لبس أو مداعبة أو غيرها كان لمايدخل البيت أستقبله أحلى استقبال ولما يدخل يبغى ينام أدخل معاه أعمله مساج وأعطيه أحلى كلام وأحلا قبلات لين مايتخدر وينام وكنت أطبخ له أحسن طبخ حتى لدرجة أنه ماعد يحب طبخ أمه(الله يعافيها) لما كانت ترسل غدا وانا أكون طابخة طبعاً مايقرب من طبخ أمه............................................... .................................................. .. وهنا أبدأ بالمشكلة
بعد زواجي بسنة وشهر تم الحمل (الحمد لله ) وصرت أكره المكياج ودايماً نايمة ونادراً استقبله وهو داخل وصرت ماأطبخ وصار يطلب من أمه الأكل اللي يحبه وطول وقتي في البيت لابسه لبس يريحني لكن مو كشخة (شيك) حتى لما نخرج نتمشى أطفش بسرعة وصرت بكثرة أهمله وأروح لاهلي لكن هذا كله غصب يصير كل ماحاولت أرجع زي أول ماأقدر حتى ابتسامتي وضحكي صار قليل وأطلعه بالقوة مع أني كل يوم حبي يزيد له وهو مو مقصر يجاملني على كل شى ولا هو محسسني بهذه التغيرات المملة وطول وقته قاعد جنبي لكن أنا متضايقة من عدم الأهتمام بنفسي وبلبسي وفيه بس مو قادرة أعمل شي . والسؤال
هل أنتم يابنات حوا مثلي أم أنا حالة خاصة ؟ وهل بعد الولادة أرجع مثل السابق أو رح أكون مشغولة بالمولود؟ وأبغى نصيحنكم ياأخوات.