ميني كنافة التوست بعلب القشطه بالصور

السلام عليكم ورحمة الله وبركااته
كيفكم ياا حلوين
اليوم ابشركم قدرت اوصل للعدد المطلوب من علب القشطه بعد تجميع طويل
وقلت دامني جمعت علب القشطه يلا قومي يابنت وسوي اسوي تشيز كيك ومالقيت الطلبات كاامله قمت حولت لكناافه قلت خل اجرب يمكن تضبط وطلعت روعه
وشكلها بالتقديم مره روعه
وهذي الطريقه اللي سويتها بالعلب
نأخذ علبه ونفرغها من الجهتين ونحفظ القاعده لا ترميها
بعدها نجيب قطعة قصدير ونغلف القاعده
ونرجع القاعده السابقه ونحطها فوق القصدير وهذا العدد كامل
توست تقريبا 14 حبه كفت حق 11 علبة قشطه
وشوي زيت او زبده حسب الرغبه
نطحن التوست ونحط عليه شوي زيت ونخلطه حتى يتشبع من الزيت او الزبده
ونقسمه بالعلب تقريبا ملعقتين كبار بكل علبه
ونجيب كااسه صغيره عشان يسهل عليك توزيعها وحاولي يكون بالجوانب كمان توست عشان يسهل اخراجها وبالكاسه رااح تطلع روعه بس لفيها وبدون ضغط قوي وراح يضبط معك
وهذي بعد الضغط
بعدها نحط ثلاث ملاعق كبار من الحشوه وكانت عباره عن ملعقتين نشا و3 كلاعق حليب وفنجانين سكر ومويه نحطها عالنار حتى تثقل وبعدها نحط علبة قشطه
طبعا كل وحده تحط الحشوه اللي تعجبها
وبعدها غطينا الحشوه
دخلتها الفرن من تحت وبعدها حمرتها من تحت وطلعتها شربتها شيره
خليتها لين بردت وبعدها فتحت القصدير
وحطيت يدي تحت القاعده ورفعتها لفووق حتى تدخل علبة القشطه بيدك وتصير مثل الاسوره << اعذروني عالشرح
المهم وبعدها تحطيها بالصحن واسحبي القاعده الدائريه
وبالعافيه عليكم وياارب تعجبكم