مين جرب رو أكيوتان العلاج الجذري لحب الشباب يفيدنا

احذفو المشاركة لأني بالخطاء حطيته في هذا القسم
آسف والله
وماعرفت أحذفه

النتائج مرة حلوة بس لازم المداومة على العلاج لمدة 6 اشهر واكثر واللّه يشفيك

بسمة صادقة
قبل مااجاوبك عزيزتي،، العلاج اقصى شي 6 شهور ومب زين اكثر وهالكلام مكتوب في الورقه الي مع الحبوب
شوفي يالغاليه انا جربت هالحبوب مرتين،، اول مره تعالجت كان قبل 3 سنوات تقريبا واستمريت عليه لمدة 3شهور وبعدها كنت ناويه اكمل بس امي مارضت والحمدلله خفت الحبوب كثير،،وكل شهر كنت اسوي تنظيف للبشره عند نفس الدكتور
لكن بعد 3سنوات بدت تطلع حبوب خفيفه،،وجيت انا وحطيت خلطات وكريمات من المنتديات وزاد الطين بله ورجعت الحبوب مره ثانيه
المهم قبل شهرين ونص تقريبا تعالجت مره ثانيه،،والدكتوره عطتني حبتين في اليوم تقولي ان الهرمون عندي نشط
او شهر بتحسين ان حبوب زياده قاعده تطلع وبعدها بتنشف وتصير بشرتج جافه ولازم تحطين قطور لعينج ومرطب حق شفايفج،،بعد الشهرين قالت لي استخدم مرطب خفيف للبشره من روك
هذا الي عندي كان ودي افيدج اكثر لكني ماقدرت اكمل العلاج،،لان دكتورة الليزر شافت في شعر كثير في ويهي قالت لي بتعالجين الحبوب وراح تطلع مره ثانيه لان في خلل في الهرمونات
عشان جذي قبل ماتاخذين هالحبوب يسون لج فحص للدم والهرمونات
^_^ ونصيحه اذا شفتي ان بشرتج تحسنت وكلشي صار تمام لالالالالالاتحطين لها خلطات وتقولين للتفتيح او حق هالسوالف،، اي شي تبغينه بعد العلاج خبري الدكتوره عليه وهي راح تعطيج كريمات لحالتج
^_^ ادري تكلمت كثير بس اتمنى اني ساعدتج

أنا استخدمتها لمدة 4 شهور الحمدلله روعة
واستخدمت صابونacne-aid
وكريم بيبانثين الأزرق
والحمدلله

بسمة صادقة مشكورة واايد
ريامي
والله إنك أبد ماقصرتي
مشكورى مرة مرة
مو انتي اللي كثرتي كلام أنا اللي كثرت أسئلة
عشان كذا أشكرك من كل قلبي
بس أحس كلامك خوفني مررة
أنا على بالي ماتطلع الحبوب مدى الحياة ((بإذن الله))
لكن من كلامك فهمت إنه يمكن يطلع مرة ثانية
على العمووم
الله يعطيك العافية ويجزاك الجنة

العفو حبيبتي
ههه لا ماقصدت اخوفك بس قلت لك الي صار معاي
شوفي انتي اذا شفتي النتيجه حلوه لاتحطين عليها خلطات فهمتي علي،، وانا رجع لي مره ثانيه عشان الهرمونات والكريمات الي كنت احطها من عندي
يعني انتي كلشي تبينه لوجهك قولي للدكتوره راح تعطيك اياه وعشان اطمنك اكثر كان ظهري مليان حبوب ومضايقني واايد اول مره استخدمت الحبوب خف كثير واختفى والحمدلله يوم ظهرت الحبوب في وجهي مره ثانيه ظهري ماتاثر لاني ماحطيت عليه خلطات ولا كريمات
انشالله تشوفين النتايج الي ترضيك ولاعاد تستخدمينه مره ثانيه طول عمرج^_^

شوفي حبوبه أنا استخدمت هالحبوب قولي يمكن من سنتين وكم شهر ،ونتايجها وايد حلوه ،لو شفتي ويهي قبل لا أخذها تخرعين ،للحين اذكر ويه الدكتوره يوم شافتني تخرعت كان ويهي مأساه ،ويوم استخدمتها لاحظت الحبوب خفت أنا عطتني العلاج لمدة 5أشهر،وتم ويهي سنه كامله من عقب العلاج صافي ،وحتى ماكان دهني ولايزيت ،بس من عقبها طلعت حبوب بس مب بالصوره المخيفه مثل قبل لا،الحين تطلعلي حبوب بس قولي حبتين ثلاث مو وايد والحمدلله تتم كم يوم وعقب تروح ، انا بصراحه انصج تستخدمينها بس شوفي ترى في ناس من العلاج كلش الحبوب ماتطلع في وجيهم وفي ناس ترجع فيهم الحبوب بس بصوره خفيفه جدا،وفي ناس تصفى وجيهم بس في أوقات معينه تظهر فيهم الحبوب تعارفين وقت الدوره وغيره ،وأنا من الناس اللي الحين ماتظهر فيهم الحبوب الا في أوقات معينه،ونصيحه استخدمي صابون دوف الابيض ومرطب الشفاه اللي مال نيتروجينا واطلبي من الدكتوره انها تعطيج فازلين طبي حق الجسم ،ومثل ماقالت الاخت اللي قبلي قطاره حق العين ،،ومن واجبي بعد انبهج على أشياء صارت لي في فترة العلاج ،وهو اني كنت عصبيه وايد وكنت الاحظ انه وزني يزيد مع انه المفروض يضعف وأكيد الدكتوره نبهتج انه اذا كنتي متزوجه لازم سنه كامله مافي حمل ،وبس وآسفه اذا طولت عليج وان شاء الله اكون افدتج

جومانا
مشكورة يالغالية
تسلمين ماقصرتي والله

ريامي
مشكورة والله إني حبيتك..
الله يسمع منك يارب وإن شاء الله إنتي بعد تروح عنك للأبد يارب