مين عندو فكره لتقديم هدية الامهات

انا رايي انك تجيبي مخدة وسط (يعتمد حجمها على حجم التعليقة) و تلبسيها قماش قطيفة اي لون تحبيه (عند خياط ولا محلات تلبيس الكنب والمخدات) و تحطيها جوة فازة قزاز او فازة دائرة فضة زي ستايل المغاربة او تحطي المخدة جوة فانوس وسط وشكله مرتب ولونه راقي او اي شكل تحبيه ولقيتيه ينفع وبعدها تزينيه بورود طبيعية او توديه محل يزينها, وترى دي الحركة تنفع لتقديم شبكة برضه.
هنا حطيتلك صور عشان احاول اقربلك الفكرة اكتر والله يوفقك ان شالله
دي اكتر وحدة عجبتني وتزيين الورد رائع حتى نوع الورد مرة احبه و فخم وناعم في نفس الوقت
ممكن زي كدة بس على افخم وانعم و القفص يكون اصغر (على حسب حجم العقد) والتزيين يكون ارتب من كدة
شفت زي دا الفانوس في يا بلاش- الشاطئ (في جدة) بس قبل فترة و القزاز ابيض شفاف, قريبتي اخدته وحطت جوته ساعة ماركة لزوجها و من برة ودته لمحل ورد وحطلها ورد بسيط وطلعت مرة حلوة
ممكن المخدة تنحط جوة فازة زي كدة و بدا التزيين
ممكن تحطيها جوة فازة زي كدة بس تكون اصغر و فتحتها من فوق واسعة عشان تطلع حلوة مع التزيين و الفازة تكون رفيعة و طويلة من تحت, ما ادري فهمتي ايش اقصد ولا لا لاني ما لقيتلها صورة :(
ممكن في شي زي كدة بس طبعا في اشكال اصغر واخف
ان شالله يارب فكرتي تكون وصلتلك و عجبتك و عندي صور افكار حلوة بس ما اعرف انزل من صور جهازي للاسف, حاولت كم مرة ولا نفع :(
انتي روحي يا بلاش او لفي كدة على الشاطئ وحتجيكي الافكار لانه في اشياء عندهم بالهبل تنفع تنحط جوتها هدايا
واي سؤال يا عسل انا تحت امرك

الله يخلي لك الوالدة ويطول بعمرها يا رب
حلوة أفكار الآخت red_strawberry وإذا حابه أنفذ لك الفكرة أنا حاضرة
وبعد عندي أفكار ثانية راسليني خاص إذا أنتي من جدة

الف شكر لك ختي red-strawberry الافكار جدا واضحه فكرة المخده سهلت عليه الطريق
الله يسهل امرك ويفرج كربك في الدارين

مشكور اختيbedamماقصرتي يعطيكي العافيه

لا اله الا الله

ام القمرين
العفو حبيبتي, انا تحت امرك اي وقت.
ان شالله عجبتك و تنفذيها و تطلع احلى من توقعاتك و الله يخليلك الوالدة يارب.
امين يارب والجميع ان شالله