مين يحس فيني ويساعدني

1. ياليت يااخواتي تساعدوني الله يساعدكم لان بجد تعبت مادري وش الحل

السلام عليكم ...
بالاول اقولكم مشكورات كلكم على مواضيعكم وانا من اشد المعجبات بهالمنتدى ومواضيعكم دايم متابعه..

ياليت يااخواتي تساعدوني الله يساعدكم لان بجد تعبت مادري وش الحل

بقولكم باختصار مشكلتي مع زوجي بصراحه مايعجبه العجب مادري الغلط مني او منه بس بجد محتاره وماعندي غيركم اشتكيله مابغى ابين لاحد مشكلتي ويدري بحالي المهم دايم يخترع لنا سالفه عشان يزعل ويزعل من اتفه الاشياء وياما تزاعلنا ورجعنا لبعض يتأسف ويعترف بغلطه بس يقول انتي السبب تخليني اعصب يعني اذا معصب يطلع حرته فيني مثلا الولد جيعان ليش ماتاكلينه الحين روحي جيبيله اكل واخر مره يقول جسمك مو عاجبني وتطلع نفسي من اشوفه مع ان مو متينه كثير عادي جسمي وقلت اوكي واحاول اضعف واذا كان مسافر لظروف دوامه احاول انتبه لكل شي عشان مايزعل ويقول اخوي بيجيك جهزي اغراضك ورجعي للبيت لان اكون عند اهلي يقهرني بصراحه وماطلع اي مكان الا بأذنه حتى لو لعند بنت عمي قريب بيتها عندنا شي يقهر بصراحه واذا رسلت يكون نايم مثلا او يرد متاخر واكثر الرد لا لاتروحي مكان جلسي واسكت وانقهر ماقدر اطلع مع اهلي الا بستأذان منه ولايقدرون يمرون علي للبيت مثلا اطلع معاهم سوق او غيره الا نادرا بصعوبه وبصراحه تعبت من هالحال والقهر انا غلطانه وهو لا متى املي بس عينه ودايم يلقى سبب لاي شي ودايم يقول انتي كذابه ومايصدقني مادري ليش لان اخاف منه فارتب كلامي او نادرا اقول كذبه امشي بها نفس بس اتلخبط وتكون اصلا الصالفه تافهه بليز ساعدوني شسوي عشان يحس فيني مثل باقي الازواج ونطلع نتمشى ونرتاح ويحبني ويقول كلام حلو دايم بس يقول انتي ماتعرفين تسولفين ساعدوني الله يساعدكم والسموحه طولت