نزلت الوصفات للي طلبوها

1. 6_مكرونة بيتزا


2. زبده لتحمير الشعيريه


3. 8_حلا التوفي


4. 9_دونات بالقرفه ودونات بالسكر

هاذي الوصفات للي طلبوها مني بعد ما لقيت تحفيز منك الله يسعدكم يا احلى فراشات
حطيت ارقام للتوضيح
1_ السلطه
ملفوف اخظر
ملفوف موف
بصل اخضر
كزبرة _ بقدونس _ نعناع
ذرة حلوة
تفرمينهم وتسويهم طبقات واخر شي الذرة
الصوص تبع السلطه
مايونيز وظرف من خلطة خل مع الثوم من كنور وليمونه وحده تخلطينهم وتحطيهم على السلطه او عل جنب انتي على ذوقك بس انا حطيتها على جنب للي ما يحب المايونيز
2_ورق العنب
ورق عنب افضل شي انا جربته شركة ديراني تجي اوراقه حلوة ومو مقطعه
رز مصري مسلوق نص استوى_ملح _ملح ليمون_فلفل اسود_كمون_حبة طماطم قاسيه شويه مفرومه فرم صغير_بقدونس _كزبرة مفرومه فرم صغير_بصل مفروم فرم صغير
تخلطينهم وتحشين بيهم ورق العنب وتسوينه بالطريقه المعتاده بس انا احط على موية السلق حبة ماجي وملح خفيف وزيت زيتون وليمون كثير يطلع يجنن
3_سبرينغ رول
عجينة سبرينغ رول جاهزه
الحشوة صدور دجاج مسلوقه ومفتته_ملفوف مفروم ناعم _جزر مبشور_ بصل شرايح _بهارات على كيفك انا حطيت فلفل اسود وكمون وكركم وملح اجي
تحطي البصل في طاوه على النار ولما يذبل تضيفي ليه الدجاج وتقلبي شوي وتحطي البهار مع الملفوف والجزر وتسيبيه شويه وتطفي اذا حبيتي تضيفي ليه ماجي على كيفك
وتحشي السبرينغ رول وتقليه
4_فتة الباذنجان
باذنجان مقطع شرايح سميكه شويه ومقلي _مفروم تسويه بالطريقة العاديه كشنة بصل توم وبهارات _عيش شامي مقطع مربعات ومقلي
وصوص اللبن تبع الفته
لبن زبادي_ ثوم _ليمون _ ملح _ فلفل اسود_طحينه سائله قليل مو كثير تقريبا لعلبة اللبن ملعقه مليانه طحينه تخلطيهم في الخلاط
الفته انا سويتها طبقات بس سويتها قبل التقديم بدقيقه عشان لا يذبل العيش
عند التقديم تحطي طبقه باذنجان وطبقه مفروم وتحطي صوص اللبن وطبقه عيش وتكملي لين تخلص الكميه بس الطبقه الاخيرة حطي العيش اول بعدين اللبن
5_حلا بف بالجبنه
ذا الحلا معروف عجينة البف باستري تقطعينه مربعات وتحشينهم جبنه مثلثات وتحطيهم بالفرن وبعد ما يستوي تحطي عليه الشيرة

6_مكرونة بيتزا

مكرونه اسباجيتي مسلوقه_نقانق مقليه مقطعه شرايح _فلفل رومي مقطع مربعات _زيتون شرايح_مفروم جهزته بنفس طريقة مفروم الفته _في الخلاط حطيت 4حبات جبن مثلثات مع 3ملاعق جبن سائل مع ملعقتين قشطه وشوية جبنه موزاريلا وشوية مويه
قلبتهم كلهم مع بعض وحطيت معاهم خلطة الجبنه وبقيت شوية من الخضار والنقنق للوجه وفردتها في صينيه ورشيت باقي الجبنه الموزاريلا على وجه المكرونهوحطيت الباقي من الخضار ودخلتها الفرن لي صارت ذهبيه
7_بقلاوة بالشعيريه الباكستانيه
عجينه البف باستري
شعريه باكستانيه
حليب نستله
قشطه ملعقتين
سكر بودرة ملعقتين
نارجين اربع ملاعق

زبده لتحمير الشعيريه

بعد ما تحمرين الشعيريه تحطين عليها القشطه والحليب والسكر والنارجين وتقلبينهم
بعدين تاخذين شريحة البف تفردينها لين تصير خفيفه وتحشينها وتلفيها وتقطعيها صغار وترصينها بصينيه وبعد ما تصير تحطي على الوجه حليب نستله طعمها جنان والحق اخذت الطريقه من منتدى عالم حواء بس هي فيها مكسرات مجروشه بس انا ما حطيت

8_حلا التوفي

كاستين حليب بودرة محمس على النار لين يصير لونه ذهبي _تحطي عليه بيض 3 حبات وفانيلا وملعقه باكينج باودر نص كاسه سكر بودرة ووزيت ربع كاسه وتضربينهم في الخلاط وتفردينهم بصينيه وتحطيهم بالفرن ولما تستوي تجهزين التوفي اللي هو سكر يتذوب على النا في نص اصباع زبده ولما يصير مثل الكارميل نضيف له علبة قشطه ونقلب وصبه على وجه الكيكه ولما يبرد نزينه بحلاوة ام اند امز

9_دونات بالقرفه ودونات بالسكر

العجينه ثلاث كاسات دقيق _وملعقة خميرة _وشوية سكر وملح_وحبتين متوسطه بطاطا مسلوقه ومهروسه وزبده قالبين تعجنينهم بمويه دافيه لين تصير لينه العجينه بس مو مرة لينه يعني وسط وتتركينها نص ساعه وتشكلينها بقالب الدونات وتقلينهم وترشيهم بسكر القرفه وسكر البودرة
انتهيت خلاص واعذروني على الشرح اول مرة انزل موضوع
مبتدئه
واتمنى يعجبكم