نصائح من بنوته زي العسل للي حابه تعتني بشعرها

1. مساء الخير على الحلوين


2. اليوم حبيت اكتب لكم نصائح عشان الحلوه اللي تبي تعتني بشعرها


3. على الطول ( سمي و قصي ) .

مساء الخير على الحلوين

اليوم حبيت اكتب لكم نصائح عشان الحلوه اللي تبي تعتني بشعرها

• لازم تزيتين شعرك على الاقل ثلاث مرات بالأسبوع عشان يتغذى .
• وانتي تحطين الزيت ركزي على الفروه و الجذور و لاتنسين الاطراف .
• اذا زيتي شعرك كله سوي مساج خفيف على الاقل خمس دقايق

و انتي منزله راسك تحت عشان الدم يتنشط .

• خلي الزيت في شعرك على حسب طبيعة شعرك في بنات

ما يتحمل الشعر الزيت اكثر من ساعتين وبنات ما شاءالله يتحمل 4 ساعات .

• اذا كنتي تبين تكثفين العنايه و تزيتيه كل يوم و خايفه عليه من الشامبو و الغسيل اليومي

اذا ما عندك شي في هذا اليوم غسليه نص غسله مو لازم ينظف تمام .

• لا تميشطين شعرك وهو مليان ماي ولا وهو ناشف و هو مبلول شوي عشان ما يطيح

وبشويش مو كأن احد حالف عليك تقطعينه .

• اذا ريحة الزيت مضايقتك ولا راحت لا تهلكين شعرك بالغسيل اهم شي ينظف

و اذا طلعتي من الحمام ومشطتيه و هو مبلول حطي شوي من تولات زهور الريف على يدك
و مرريها على شعرك كله و بتروح الريحه وبصير ريحة شعرك حلوه ( جربي ريحه عندهم اسمها دلع بنات رهيبه تدوخ )

• جدلي شعرك باستمرار ترى الجديله تطول الشعر اسرع ( انا مجربتها ) .
• حارشي شعرك بالمقص كل شهرين شي بسيط مو واضح بس لان القص يساعد الشعر

على الطول ( سمي و قصي ) .

• اهم شي اذا شعرك من زمان ما يطول لازم تقصينه على الاقل اربع اصابع .
• حبوب الزنك مره روعه بس ما تبان نتايجها قبل الثلاث اشهر عشان كذا طولي بالك يا حلوه .
• شي مهم مو كل الشعور وحده يعني ناس مع العلاج ما شاءالله شهر و الشعر متغير

وناس بعد الثلاث شهور يبدء التغير .

• الشامبو انصحك ب صانسليك بالبيض روعه و ترسمي بعد روعه ( هذا انا ما شفته الا بجيان )