نصحيه لعرايس الرياض

طموووح بريئه...

24-12-2022 - 09:14 pm

سلام بنات ...
حبيت أفيد العرايس اللي باقي مأخذوا مفرش السرير ..ولا السجاجيد...ولاالشنط..والكماليات ...>>مثل الكريمات والاستشوار العطور أدوات الجسم ..وغيرها ..
انا وصتني وحده من الحريم قالت روحي المعقيليه ترى فيها مفارش ..شنط ..سجاجيد..مره حلوه ...
مع أني مأقتنعت أول مره ..قلت ..اكيد فيه اشياء عاديه ولا بلقى شيء ..
المهم رحت على كلامها ..والله يابنات اشياء روعه لان كل المحلات اللي هناك تعتبر موردين للمحلات الكبيره في المجمعات ..
مثلا للي ماشرت مفارش سرير تروح للثنيان روعه فخم انا شريت مفرش سريري ب2200ريال ولقيته في فرعهم في حياة مول بالدور الثاني ب2500ريال
المهم فيه محل شنط حلو ومنوع الغالي والرخيص عنده لقيت الماركات مثل فندي وغيرها الطقم على 1000ريال خمس شنط ...يعني لو تروحي محل ثاني بتلقيها ب1500 ريال ..
وكمان ..العطورات اللي ب300 تلقينه ب220 ريال واصليه لانهم زي ماقلت لكم موردين يعني يوزعون بالجمله .. ..
..وانا والله يابنات شفت في مجمع صندوق السجاد والمناديل ب350 ولقيتها في المعيقليه ب280 .يعني فرق امكن 60ريال وتعرفون العروس تحتاج الريال في هاالغلا .....
انصحكم تروحوا لها السوق لان به الكماليات الناقصه وباسعار حلوه في متناول الجميع
وشكرا
شهد

التعليقات (8)

ابتسااامة

25-12-2022 - 12:42 am

مشكورة يالغاليه والله يوفقك ويهنيك

طموووح بريئه...

25-12-2022 - 01:43 am

سبحانك اللهم لا اله الا الله استغفرك واتوب الليك..

انجلي

25-12-2022 - 02:44 am

هلا يالغلا
وازيدك من الشعر بي
عندك سويقة اللي ورى المعيقلية والمرقب عندهم اكسسوارات روعه وبسعر الجمله
وعندك اسواق الديرة للتبي قمصان بييت وحركات
مرة مرة روعه
ادعولي

اعقل واحدة بالدنيا

25-12-2022 - 03:45 am

مشكوره حبوبه

طموووح بريئه...

25-12-2022 - 05:47 am

محلات الثنيان هي نفسها محلات المفارش اللي اسمها ((هوم سويت هوم))...مالهم فرع في اللمملكه الا في الرياض وجده بس ..
محلهم في الرياض ..
الوكيل>>> في سوق المعيقليه ...اشيقير..في الدور الثاني اطلعي من عندالدرج اللي عند محل ابا الخيل ..على جهه اليسار تلقينه.. ..اسمه الثنيان..وفرعهم في حياة مول في الدور الثاني ....
طبعا اللي تبي تاخذ تاخذ من الوكيل لانه يبيع بسعر الجمله ....ارخص وعنده تشكيلات احسن من محل حياة مول ....
واي استفسار اخر انا في الخدمه ..
شهد..

جوري الرياض

25-12-2022 - 06:48 am

يعطيك العافيه يالغاليه

&&كابتشينو&&

25-12-2022 - 07:49 am

مشكورين ياحلوات
الله يعطيكم العافية
وينضم لهم برضو اسواق مكه
سلام

مميزة ومتميزة

25-12-2022 - 08:50 am

معروفين بمفارشهم انها زينة ومن الموديلات الراقية والي يشترون منهم ناس راقين وفاهمين

واثقة←
بليز اذا انتي من الرياض ويل كام بليز→