نصيحة للي تطلب ربي يعجل بزواجها او رزقها ايا كان

السلام عليكم ورحمة الله ... حبايبي الفراشات اتمنى لكم كل خير والله يقر اعينكم ان شاء الله عاجلا غير اجل وبنات المسلمين اجمعين بالزوج الصالح ..:ق1:
بصراحة طرحت هذا الموضوع بعد قرائتي لمواضيع كثيرة هنا عن الزواج وتسهيل امره من دعاء وغيره ومااخفيكم فيه اشياء مااستنكرتها معروفة في الدين وبأدلة شرعية في الكتاب والسنة وفيه اشياء غريبة جدا واول مرة تمر علي..
والله يابنات اني ابيلكم الخير واحبكم في الله وكلنا اخوات لكن ... احيانا شدة الرغبة بحصول الشيء زواج او وظيفة او اي رزقا كان تعمينا عن الصح وعن اصول ديننا الاسلامي لذلك انا جاية ناصحة لكم والله ماابيكم الى كل خير ونصيحتي هي مو كل امر تسمعينه تنفذينه.. غلط واكبر غلط..تأكدي من مدى صحته في الدين خاصة بهلوقت البدع كثيرة واحيانا الشيطان يلقى مدخل على الواحد من البدع وصدقيني مو كل شي تقرينه وتطبقينه يعجل بزواجك كثير من الامور بدعة وقال الرسول عليه الصلاة والسلام ( كل بدعة ضلالة وكل ضلالة في النار )) وهذا حديث صحيح يعني ايش اكثر من النار ؟؟
عشان امور دنيوية نبدع بالدين ؟ وكلنا اخرتنا بنموت ونحاسب على اعمالنا صغيرها وكبيرها لكن الله يصلح اعمالنا ويحسن خاتمتنا يارب .. الي ابي اوصله ومن الامور الي شفتها منتشرة انتشار النار بالهشيم قراءة سورة البقرة بنية الزواج والله يابنات بحثت وسألت من هو اعلم مني بالدين فوجدتها
((( بدعة )) .. يعني شي مبتدع من الناس لااصل له لابسنة الرسول عليه الصلاة والسلام ولابالكتاب .. لكن التقرب الى الله بالطاعات وقراءة القران والدعاء والاستغفار قد تكون سببا لاستجابة الله لدعائك ..فعليك بالامور الي مافي خلاف فيها بالدين والله يارب يحقق لك ماتبين عاجلا غير اجل وكل مسلمة
فحبيت احذر عن هذا الامر .. اتمنى تتقبلون نصيحتي برحابة صدر والله والله ابي لكم الخير يعني الدنيا رايحة ومن فيها رايح لاتكسبين اثم ببدعة .. وانتي ماتدرين ..وغير كذا مو قصدك اساسا يعني من جد حرام ؟ الواحد يكفيه ذنوبه والله يغفر لنا وللمسلمين اجمعين
حبيت التنويه لاني عرفت الحكم وهذا الرابط للي بتتأكد اكثر http://alfrasha.maktoob.com//redirec...2Fref%2F110715
الي بتشكرني ابي دعوة صادقة ان ربي يحقق للي مابخاطري ويسعدني دنيا واخرة
واسفة للاطالة ياحبايبي وربي يسعدكم ويحقق امانيكم وحدة ورا الثانية