نصيحة مني لكم لا تحجزون بقاعة ود ف بجدة اقولكم ليش تعالوا اقرأو

1. سيئين جدا جدا و تعاملهم مرة سيئ لكن المدير تعامله كويس و رائع مرة


2. ابدا بسرد مساوئها:-


3. بصراحة هذا في شهر 10 -1429ه مدري اذا اتحسن الان او لاء

السلام عليكم ورحمة الله وبركاته
اول شئ اقلكم هذا من تجربتي الخاصة ترى
ملكة قريبتي كانت هناك بشهر 10 والله سيئة جدا الخدمات و المشرفةو العاملات بقسم النساء و بقسم الرجال

سيئين جدا جدا و تعاملهم مرة سيئ لكن المدير تعامله كويس و رائع مرة

ابدا بسرد مساوئها:-

• المسرفة عصبية و ترمي كل شئ عليكي ماتعمل شئ بس تقعد تصرخ و تصرخ و تقل ادبها عيكي
• العاملات كل وحدة تقلك انا مش مسؤول كلمي الثانية كلمي المشرفة تروحي للمشرفة تقلك هما كذابين
• العاملات بس 5 من ضمنهم المشرفة طبعا يتقسموا على التالي وحدة للمطبخ ماتخرج منهم، وحدة للعبي مع بذرتها اي طفله الصغير الرضيع، وحدة مشرفة طبعا، اثنين يخدموا اكل و طبعا مايمديهم ابدا يخدموا احد و قعد كل شئ وسخ على الطاولات
• جربي وقلوي لهم حطوا العصير الكاساتغير كافية امكن بس 150 كاسة لا غير و مايروا ب=يغسلوها يحتجوا بانه مافي كاسات
• اشتري مويا و جيبيها تلاقيها انسرقت من العاملات او تنزل حارة بحجة مافي ثلاجة و هيا موجودة
• العصيرات بس جولة وحدة مافي ثانية و الطاولات مشكلة الوان و الكراسي كمان لدرجة في كراسي نمكسرة ناس جلسوا عليها و طاحوا منها و اتعوروا بسببها في ظهرهم
• التلبيسات للطاولات مش نفس اللون او الشكل مختلفه مرة و الكراسي ناقصة على اسا انها 65 طاولة بالكثير كانت 50 مدري 55 و الكراسي احنا وزعناها 6-6 وبعض الطالاوت 5-5 وبعضها 3-3لنقصها و في معازيم فضلوا واقفين
• البوفيه يتم سرقة كل شئ اذا ماقعجتي هناك او خليتي احد ينتبه للمكان، تم سرقة المويا و البيبسي اي كل البارد وكمان الكيك سرقوه وقالوا حقنا مش حقكم علما بانه من خارج القاعة يعني حقك مش حقهم
• الورد اللي جباه سرقوه منه الكثير و قالوا هذا حقنا ليش اخذتوه وي من متى يعني
• الكشاف او الليزر اول امسمى بجهاز المتابعة رفضت تشغله حتى الدي جي من عندهم سئ مرة صوته مشوش و خربان و سئ جد اجدا
• جهاز البخار و اللمبات اللي هيا مسماه بلمبات الديسكو اوالدي جي ما شغلتها قالت خرباة و هيا تعمل طبعا
• المشرفة ماترد على جوالها ابدا و النور لمن يطفي مايشغلوه ولمن يشتغل صعب تقفليه

قسم الرجال العمال ماتشوفي وجههم و الواحد منهم مدري كيف شكله والله كانه شحات واقف اللهم لا شماته

• مافي اي حراس امام باب الحريم او باب الرجال
• ماتعرفي اية قاعة حريم واية رجال الا لمن تسالي ولا حتى باين انها قاعة باين انه محل
• هيا دورين الدور الثاني مافيه مكيف و سئ لدرجة انه مافيه احد يخدمك اذا طلعتي فوق و جلستي و كمان مافي شئ يوضع على الطاولة
• المناديل من عندك و يسرقوه كمان سواء بقسم الرجال او النساء
• غرفة العروسة بلا مفتاح يعني سيبيها و تنسرق كل اغراشك
• القاعة ماتفتح لك الا بعد 4 يعني 4ونصف يجوا معازيمك و لسا ماخلصتي شغلك
• العمال يجلسوا يتفرجوا تلفيزون و حق الكوشة يركبها بجد تعاملهم مرة كان بطال
• الكنب بغرفة العريس سئ جدا قديم و خربان و باين انه من الحراج والله
• الشمعدنات اشكال و الوان في برونزي فيه فضي وفي اسودن بعد مضاربة معاهم اب المدير شمعدانات من مكان اخر بس مادفعن سعرها لانه غشنا قال كل شئ جاهز ومافي شئ جاهز
• الحمامت الله يكرمك مرة صغيرة و ضيقة كلها عربي واحد بس فرنجي و تفتح البابا لجوا والمويا ملت الارض يعني مرة حرام كل الوساخة تتعلق بفستانك
• ممكن اي احد يدخل لزواجك او ملكتك لانه مافي حرس ا احد يوفق على الباب
• ممكن اي احد يحمل معاه كاميرا و يصورك يقولوا ادفعي 100نجيب جهاز طيب دفعنا وشفناها تمسكه بس مافي امل تعمل كده من جد الحمدلله يارب ستر علينا الحمدلله يارب

كل المساؤئ هذي تقريبا وامكن اكون نسيت شئ بس فيها حسنات انه المكا جدا رائع و جيد و مرة كول مع انه موقعه سئ على الشارع العام بركن جمب محلات كثيرة يعني

بصراحة هذا في شهر 10 -1429ه مدري اذا اتحسن الان او لاء

نصيحتي لكم اذا رحتوا لهناك خدوا معاكم احد يعرف يتعامل مع الاجهزة هذي و كمان خدم زيادة عشان تعاملوا معاكم كويس و جهزوا كاساتكم و كل شئ من عندكم حتى المويا جيبوا الثلاجة الحافظة مليانة ثلج وحطوا المويا هناك والله احسن كلم جيبوا المويا ابو كاسات تتوزع كده
الله يعين بس و يستر و يسهل امين
يارب اكون افدتكم بشئ وان كان قليل