نصيحه شخصيه للي بتتعلم لغه

ردي على موضوع الأخت نوسه
وأتمنى الفائده للجميع ,,,, واللي عندها اقتراحات ممكن تساعدنا عاللغه تتحفنا فيها
اهلين حبيباتي
انا لي 4 شهور تقريبا احاول اتعلم انقليزي وكل واحد يعطيني نصيحه احد يقولي ركزي عالقواعد واحد يقولي اقرأي قصص اطفال واحد يقولي اسمعي محادثات واخبار بالإذاعات الأجنبيه
فمن خلال تجربتي الحاليه لاحظت تغير بمستواي تقريبا الشهر هذا
وانا صراحه اهم شيء عندي المحادثه يعني مو دراسة بكالريوس او دبلوم
اول شيء ساعدني موضوع احدى الأخوات هنا بالقسم هذا اسمه دورة التوفيل
وهذا رابطه http://alfrasha.maktoob.com/showthread.php?t=747329
الله يوفقها بالدنيا والآخره فعلا انسانه تستحق منا كل خير
وعلى فكره انا ادرس في معهد خارج المملكه بس والله ثم والله الفائده اللي استفدتها من موضوعها اكثر بكثير من فائدة المعهد لأنها بدت معنا من البدايه
ربي لايحرمها الأجر ويسعد قلبها
2/ شيء اخر مهم غير القواعد هو انه يكون عندك حصيلة مفردات وهذا موقع رهيب وحده من البنات نزلته هنا http://www.languageguide.org/english/ar/
طريقته صور ويكتب لك الإسم الإنقليزي لكل صوره
وهذا صدق زاد حصيلة كلماتي ولله الحمد وانا الحين بالمربع الثاني عند الملابس الرجاليه وعقبال مااخلصه كله قولو آآآآآمين
3/ لتنطلقي بالمحادثه احفظي جمل كامله مثال بدل ماتحفظين كلمة mood تعني مزاج وبس
احفظي how is your mood today
كيف مزاجك اليوم ولاتنسون علامة الإستفهام ههه
او كجمله
I really in the best mood
انا حقا في افضل مزاج
وهكذا
قصدي احفظي جمل يعني حاولي قد ماتقدرين كل كلمه تحفظينها حطيها بجمله لو صغيره.....
ترى عن تجربه والله بتحسين بإنطلاقه بالمحادثه بشكل اسرع
تحياتي لكم والله يوفقني واياكم
عموما //// والله دراسة اللغه متعه وثقافه جديده روعه اننا ابتدينا نتعلم
وعلى فكره هي لغة العصر
والحين كل الناس يتعلموها يعني احسن نتعلم الحين قبل تمر السنين يصير كلن يعرف وحنا تونا مبتدين
بالتوفيق كلامي عيا يخلص ههه