نظآم غذائي للنحيفآت سهل ومضمون من تجربتي الشخصية و الله ع مآآقول شهيد

السلآم عليكم ورحمة الله وبركاته ..
كيفكم ياحلى فراشات ؟؟
وكل عام وانتو بخيرو اعاننا الله واياكم ع صيام رمضان وقيامه بمايرضى وجه الله
لاحلى فراشات نظام غذائي للي تبي زياده في الوزن بصراحه انا جربت خلطات كثيرره ولكن ماستمر لان في خلطات طعمها مايساعد ع الاستمرار<< كبدها تحوم
لكن بعد البحث الطويل والعناء تكللت الجهود والحمدلله بمايلي << اقول اخلصي بلا فلسفه زايدة
قررت اسوي نظام غذائي وقلت مارح انزله الا لما اتاكد منه هذا نظام غذائي متكامل وسهل جدآ مو مثل الي يسوونه أخصائيات التغذيه يكون دسم ويعتمد ع اطعمه واكل كثير مرره وانتو عارفين النحيفات معدتهم صغيرة مايتحملون
وانا بصراحه انسانه ملوله جدآ ومزاجيه يعني بالعربي ماحب اتقيد بشي وبعد البحث بالنت حمد لله سويت هالنظام وهو نظام سهل طبيعي >> ماحب وصفات وخلطات العطارين والحبوب المضره او بالاصح اخاف ع نفسي
وللمعلومييه وزني كآن 48 وطولي حوالي 162 استخدمت هالنظام وحمد لله بعد 6 ايام بس وربي على ماقول شهيد زاد وزني وصار 52 يعني 5 كيلو "امانه قولو ماشاء الله تبارك الله "
اول شي خلطة

• حلم بدون تفسير لو تبحثون عنها بقوقل بتلاقونها وهي عباره عن كاس ونصف من كل ( جوز - لوز - كاجو مطحونه مع بعض يعني الجوز واللوز والكاجو بعد

الطحن كاسة ونصف + حلاوة طحينيه بالمكسرات كبيره + 4 او 5 ملاعق حلبه مطحونه + وملعقه كبيره ونصف خميرة فوريه.. الطريقة :تففتت الطحينيه وتخلط معها المكسرات المطحونه والحلبه
والخميرة وتحفظ في علبة في الثلاجه )

• حبوب الخميرة من الصيدليه كرتونها احمر
• حبوب كبد الحوت او سمك القد من الصيدليه

النظام ..
اولا:
الصباح 7 تمرات + كاس حليب
بعده عادي لو تنامين واذا صحيتي تفطرين
الفطور :
كاس حليب وساندوتش جبن او زبدة فول سوداني او اي شي ماتتقيدي باي شي
بعد الفطور حبوب خميره + حبوب كبد الحوت + كاس حليب بارد
قبل الغداء بربع ساعه ملعقه صغيره املج مطحون
الغداء اي شي انتي حابة تاكليه
بعد الغداء حبوب خميره + حبوب كبد الحوت + كاس حليب بارد
العصر ملعقتين كبيرة خلطة حلم بدون تفسير مع كاس لبن
وبعد العصر بطاطس مقلي او برجر او شيبس او كيك او مكسرات او اي شي حابة تاكليه
المغرب قهوة + مكسرات او اي شي
بعد المغرب ملعقتين كبيرة خلطة حلم بدون تفسير مع كاس لبن
قبل العشاء بربع ساعه ملعقه صغيرة املج
العشاء عادي اي شي ماقيدك باكل محدد
بعد العشاء حبوب خميره + حبوب كبد الحوت + كاس حليب بارد
وانتي جالسه بعد العشاء بساعه كاس عصير زبيب اسود وهو ينقع مقدار قبضة يد من الزبيب لمدة 6 ساعات ويخلط في الخلاط وبصراحه انا ماقدرت اتحمل طعمه
نصحتني جزاها الله خير قالت حطي معه فيمتو يصير طعمه حلو وعادي جدآ
وقبل النوم ملعقتين كبيرة خلطة حلم بدون تفسير مع كاس لبن
وبس هذا النظام يلا ياصبايا يانحيفات خلونا نطلع بلوك جديد ع العيد ان شاء الله
والجامعه بصراحة ناويه ع لوك جديد مين معي ؟؟
واي وحده حابة تبي تتبع النظام وتمشي علية برمضان ان شاء الله تقولي لاني بسوي لي نظام بنفس الخلطات والوصفات الموجوده بها النظام بس بترتيب مختلف
يعني بالسحور والفطور .... الخ
اتمنى ماكون طولت عليكم واتمنى تدعون لابوي بالجنة وان ربي يطول بعمر امي ويرزقني برها ويجمعنا بالفردوس الاعلى ويحقق لي الي في بالي وتدعون الي بظهر الغيب
وياليت كل وحدة استخدمت اي شي من الخلطات الموجودة بالنظام واستفادت منها تسدح تجربتها
محبتكم المآسه