نقط ة نظام بداية جديدة ب إذن الله تفاعل رائع

السلام عليكم ورحمة الله وبركآته ،،
مساء / صباح التفاؤل على ارواحكم ،،
الإسم : وعود
العمر : 21
التخصص الدراسي : سنة رابع طب
التشخيص الطبي : ضعف عضلة القلب + سمنة
الطول : 162,5 سم
الوزن : 76 كيلو
زي ماكتبت فوق انا وعود،
بدرس طب بالجامعه،
قريب اتشخصت بالقلب،
ابغا اخسر الوزن الزيادة عشان اقدر بإذن الله اعيش اطول..
واساعد الناس كمانة،
ماني عارفة اقولكم مقدار الاكتئاب والحزن اللي انا فيه غير عن واقع اني امتن وحدة بالقروب بالجامعه،
تخيلو انا بصير دكتورة ومااعرف اهتم فنفسي،
صرت على قول الشاعر " طبيب يداوي الناس وهو عليل " < اظن كدا قال
بصراحه انا حاولت كتير ،
فشلت كتير ،
وخسرت كتير من سنوات عمري ،
بسبب اني مااهتميت بنفسي وبصحة جسمي ،
غير عن الصحة اللي مش ولا بد ازيدكم من الشعر بييت الشكل حبايبي ،
احس اني مو بنت ، مافي بشكلي انوثة مرة ،
مااعرف اتكلم ولا اعبر ،
بس اني بجد صايرة بقوة امسك دمعتي ،
مني مصدقة ان وصلت لدي الدرجة يجيني مرض بالقلب بسبب اهمالي لصحتي ،
وانا لساعي بنت ال 21
لسا ماانتهيت ماحققت شي بحياتي ،
ادري الاعمار بيد الله ، لكن لابد من الاخذ بالاسباب ،
بس جيت هنا وفتحت موضوع وابغا ابدأ بداية جديدة ،
بداية جدية ،
بداية صحيه ،
حياة جديدة ،
اتعلم اهتم فنفسي واستخدم العلم اللي بتعلمو علي نفسي ،
عشان اكون قدوة مو حدوة على قولت وحدة الله يزكرها بالخير ،
راح ابدأ نظام صحي من بكرا ،
وبتريض امشي ساعه او اكثر ،
وربي يقدرني ويثبتني ان شاء الله ،
بنزل يومياتي كل يوم ان شاء الله ،
وبوزن كل اسبوع ان شاء الله ،
لا تنسوني دعواتكم بظهر الغيب ،
البداية : 76
الهدف الأول : 70
الهدف الثاني : 65
الهدف الثالث : 60
الهدف الأخير والوزن المثالي : 56