نيران الحب روايه روعه حلوه مره مره

(2)
أم جعفر: هلا مشعل هلا بنور البيت هلا بضوء الشمعة.....
(وراحت تحبب وتبوس فيه)
الكل واقف مستغرب وكالعادة كانوا ينتظروا دورهم بس أبد جطلت فيهم وجلست مشعل جنبها وبدت تسمي عليه ودائما في صفه والكل كالعادة قعدوا خايبين
أبو مشعل: مروج وين جمانة
مروج على طول طالعت مشعل وكأنها تستأذن منه في الكلام: ها.... أأ ....
أبو مشعل: هو.. تكلمي
أحلام: داخل....... إيه إيه داخل قالت بتجي بعدين
فاضل: أروح أشوفها
أبو مشعل: لا ما يحتاج
أم مشعل وأم جواد دخلوا: سلام
الكل: وعليكم السلام
أم جواد استغربت: مروج وين جمانة
مروج: ما أدري يمكن في غرفة عمتي زهراء.... بروح أشوفها
(طالعت في مشعل اللي خزاها فجلست)
جواد دخل مع مرته: سلام ..... (حامل ولده سجاد)
الكل: وعليكم السلام
جواد سلم على جدته اللي على طول حبته وأخذت ولده: يا حبيبي يا عمري سجودي
الكل: ...........................
جواد مستغرب: مشعل غريبة فضيت روحك للجمعة ....
مشعل: ما كان عندي شغل...... (يلاعب سجاد) سجودي حبيبي يغ
سجاد عمره 6 شهور
أم جعفر: ما تشوف البيت منور
جواد هو الوحيد اللي يرد على جدته: الله لنا...... (التفت لأمه) يمه وين جمانة
أم جواد: والله ما أدري توها.....
ما كملت إلا أم جعفر: حسبي الله عليها ..... هذي اللي ما تستحي ولا تحترم جدتها آآآآه بس اللي مصبرني عليها أبوها جعفر .... آآآآه بس متى يرجع وأخليه يرويها
جواد: وش فيها بعد..... إنت كل قطو وفار معاها
أم جعفر: إيه قطو هي والفار أنته .....
الكل ضحك ....
وهي تكمل: صج ما تستحي عجل أنا تصرعني
جواد يتحلطم: اللي يقول أول مره .... المهم شيماء (طبعا مرته) خذي سجاد ووديه لعمته
أم جعفر على طول سحبت سجاد من عند مشعل: تخسي إلا هي..... إحنا مو كافينا جومانوه تجي بعد تعلم نحاستها سجودي ..... لا يا حبيبي
جمانة كانت تسمع بس مع إنها خايفة من الوحش مشعل بس ما تحملت إهانات ودخلت عليهم فجأة: لا عاد تكفين طلبتك أنا عاد اللي ميته عليك إذا ما شفتك بموت .....
الكل استغرب وأبو مشعل أخذ الجريدة: بدينا بدينا بسم الله بدينا صلوا على أحمد يا حاضرينا
وبالفعل أم جعفر: إنت بنت قوية عين ما تستحي أمك ما عرفت تربيك و ...
جمانة ما سكتت: لا تكفي خليت التربية عليك و...
جواد مقاطع بحزم: جمانة
جمانة سكتت والتفتت شافت الكل يطالع فيها بس طبعا الكل ما هملها إلا المتوحش اللي أول ما شافته انتفضت وانتبهت لوجوده وعلى طول طلعت
أم جعفر: والله يا أم جواد عرفتي تربي الكل إلا هذي ..... مالت عليها
أم جواد انقهرت بس فضلت تسكت وقامت وأم مشعل حست لها وقامت وراها
جواد: أقول شيماء..... روحي شوفي جمانة... أخاف تصيح
أم جعفر بعد ما تمسك لسانها: عساها مثل هالحاله وأردى
أبو مشعل يقرى الجريدة: أدري مو من قلب
أم جعفر: إلا من قلبي ..... أنا هذي البنت الوحيدة اللي أكرهها... أبد ما أطيقها
دخل ناصر عليهم: سلام...... (حس إن الوضع متوتر وخصوصا من نظرات جواد) وش فيكم؟؟؟؟؟
أم جعفر: إيه وأنت كان لا جيت ليه جاي تو الناس ...
ناصر إنقهر: أقول ما تأخرت كان عندي شغل
أم جعفر: اللي يقول يشتغل
ناصر تنرفز: أقول أروح لجمانة أحسن لي ...
أم جعفر: روح لها .... عسا ك إنت معاها ....
جواد هذي المره ما سكت وعلى طول قام: أنا طالع ..... (وطلع)
طبعا جواد عمره 28 سنه متزوج من بنت خالته شيماء وطبعا ولده أول واحد سجاد وناصر نفس عمر فيصل يعني 26 سنه وفاضل 25 سنه وطبعا جواد وناصر من حبهم لأختهم الوحيدة جمانة ما يرضوا عليها مثل ما هي ما ترضى أحد يتكلم على إخوانها بشر
أم جعفر: بالطقاق
****************************
في غرفة زهراء
زهراء: يالله جمانة فلتيها
جمانة تصيح بصمت: .............
زهراء: عاد.... عشان عمتك
شيماء دخلت: ممكن؟؟؟
زهراء سلمت عليها: أخليكم مع بعض ....
طبعا شيماء مو بس مرت أخو جمانة إلا إنها صديقتها العزيزة أكبر منها بسنه فقط يعني عمرها 20 سنه
شيماء تجلس جنب جمانة: وش فيه الحلو زعلان
جمانة: ما شفتيها وش تقول.... أنا.... أنا مو متربية
شيماء: تمزح معاك وش فيك قلبتي جد
جمانة: ما تمزح أهانتني قدام الكل.... آآآآه بس وينك يا أبوي
شيماء بحنيه: طيب وأنت ما قصرتي رديتي عليها وبعدين مفروض مهما سمعتي ما تتكلمي
جمانة: أموت وأعرف هي ليش تفضل أولاد عمي علينا وش فينا يعني كل حاطه دوبها ودوبنا
شيماء: إنت تتوهمين ....
طق طق طق
فيصل: جما... ممكن
جمانة بقهر: جما في عينك.... أنقلع ما أبي أشوفك....
فيصل رجع المجلس متفشل
ومروج: ما قلت لك
فاضل: ويلي سفلوا بيه
أم مشعل دخلت: يالله الغداء جاهز
الكل قام وأولهم أم جعفر: يالله حياك يا مشعل يا حبيبي يا .....
(وتكمل المدح)
******************
على الغداء
طبعا جمانة هي اللي تحلي الجلسة بسوالفها وضحكتها فصاير المكان هادئ حتى أم جعفر اللي تكابر حست بشي ناقصها بس كبرياءها ما يسمح لها تناديها
أم جواد: يمه شيماء روحي نادي جمانة
أم جعفر بسرعة: لا تروح ولا شيء خلني آكل بالهنا بعدين ودوا لها الغداء وإلا أقول
تنادي : ميري ميري
ميري (الخدامة) : نعم ماما
أم جعفر: حطي غداء حق نحيسه ووديها غرفة زهراء
ميري عرفت المقصودة جمانة: زين ماما .... وطلعت
طبعا مشعل اللي صار له من زمان ما أجتمع مع الكل استغرب الحال والوضع هذا وسكت
أم جواد وقفت: الحمد لله (وطلعت)
*****************************
في غرفة زهراء
زهراء: يالله قومي عاد .....
طق طق طق
زهراء: تفضل....
دخلت ميري وفي يدها تبسي فيه صحن الغداء ومعاه عصير
زهراء استغربت: ليش هذا
ميري: حق مدام نحيسه
جمانة على طول خذت المخدة وعلى ميري وصرخت: في عينك يالغبيه يا.....
الكل سمع صريخها وأبو مشعل وقف: الله يستر
أم جواد دخلت: جمانة
جمانة بصياح: أنا نهاية عمري..... هذي (تأشر على ميري) تسويني شغالة
الكل تحت أنصدم ومروج وقفت بقلق وأحلام معاها وبسرعة راحوا غرفة عمتهم مع الكل
ميري عصبت: إنت مدام مجنون أنت .... متخلف
جمانة عاد وأحد يقول كذا ما بغتها إلا وتهجم عليها وهذيك تهرب من الغرفة وجمانة على
طول مسكتها من حجابها: الغبية .... ال ... هين
أبو مشعل على طول جاء يحاول يفك جمانة بس لاحياه لمن تنادي
مشعل مستغرب وش اللي يصير وأما عمها ماسك جمانة: جمانة هدي
أم جعفر: إيه ما قلت لكم مستشفى المجانين أنفع لها
جمانة من الصدمة تركت شغالتهم ميري وضلت تطالع جدتها ودموعها سيل جارف وكانت بترد بس انتبهت لمشعل فعلى طول مسحت دموعها ودخلت غرفة عمتها
أم جعفر: الحمد لله والشكر .... استخفت البنت ...
ما كملت لأن على طول طلعت جمانة ماسكه شنطتها والجوال بيدها وعبرت جنب الكل ونزلت من على الدرج وطلعت من البيت
فيصل بسرعة نزل ومعاه فاضل: جمانة..... جمانة
مروج بسرعة نزلت: جمانة..... (وأحلام معاها)
أم جواد ما تحملت وعلى طول: شيماء دقي على جواد خله يجي يرجعنا البيت ..... ومشت
شيماء متغطية طبعا : حاضر خالتي .... (ودقت عليه وقالت له)
أبو مشعل: أم جواد عاد الوالدة مزاجيه وأنت أدرى بالحال....
ما كمل لأن دخلت أحلام تصارخ: يبه الحقنا ..... يباه
مشعل طالعها من فوق وبسرعة: وش صاير
أحلام وهي تصيح: جمانة
أم جواد على طول طقت على صدرها: يمه بنتي.... (والكل طلع)
أحلام معاهم طلعت والتفتت يمين وشمال وشهقت: ماتت
أم جواد شهقت وأبو مشعل خاف وطق أحلام على راسها: غبيه وينهم
ما سمعوا إلا فيصل: جما...... عاد جما

(3)
جمانة متكورة على روحها وهي تبكي بصمت والكل راح لها وشافوها هي عاد ما رفعت
راسها إلا والكل قدامها على طول شافت أمها وفي حضنها
أم جواد تهدي فيها وذيك أبد
أبو مشعل حز في خاطره: جمانة خلاص...... جدتك تمزح ....
أم جعفر ما ردت لأن كلامه صحيح
جمانة: ما أبي..... (التفتت على شيماء) أتصلي لجواد
جواد وصل وبقلق: خير وش....
ما كمل لأن جمانة على طول راحت في حضنه وبسرعة: رجعني البيت ما أبي أجلس ولا دقيقة وعلى طول أخذت شنطتها ومشت
الكل ساكت وطبعا لأن جمانة طلعت فأكيد أمها معاها وشيماء وسجاد يعني ما بقى إلا عائلة أبو مشعل
*************************
في الليل
أحلام: مروج هاتي برينقلز
مروج من القهر اللي فيها والملل زقرت عليها: إنطمي
مشعل طالع مروج وعرف سبب حالتها هذي وطول الوقت ساكت إلى أن جات الساعة 9 وقف: يا لله أستأذن
أم جعفر: وين على خير يا وليدي
مشعل: لا بكره عندي شغل من الصبح وبعد عشان بروح الحين صاحبي طالب مني شيء بقضيهم له
أم جعفر تدعي له: الله يوفقك يا وليدي يا شمعتي ويبلغني فيك وأشوف مرتك وإعيالك يا لله يا كريم
أم مشعل بغتها من الله: قولي له .... أقنعيه مو راضي
أم جعفر: إلا ما تقول لي ليه ما تبي تعرس ..... جوادوه معرس وأنت
مشعل مقاطع: لما أشوف البنت المناسبة بعرس وباجي لك أنت أقول لك جدتي خطبي لي فلانه
فيصل: حتى لو كانت جمانة
أم جعفر: تخسي إلا هي..... ما أعطيها مشعل هذي نعطيها واحد مجرم يقتلها ويفكنا منها
أبو مشعل: اسم الله عليها .....
أم مشعل: والله إذا توافق على مشعل هذا من حسن حضنا
أم جعفر: لا حبيبتي أنا اللي بخطب له وماله إلا شجون بنت أم جهاد بنت ما عليها كلام
أم مشعل: وال ..... أكبر منه
أم جعفر: إي عادي مو معرسه
زهراء: يمه بتقولي اللي جابت ولدها الثالث هذي السنة
أم جعفر: أي ولدها..... مو معرسه
زهراء: يمه الله يهديك عندها 3 أولاد ومو معرسه
مشعل: يعني يا عمتي معرسه ..... خوش أعرس على وحده معرسه أقول باي .....
مروج طول الوقت تطالع مشعل ومشعل حس بنظراتها فقبل لا يطلع التفت لها: مروج تعالي معاي
مروج على طول وقفت وأخذت أغراضها وطلعت و وراها أحلام
مشعل التفت وهو يفتح السيارة: يا ربي على اللقافه
أحلام: تحملونا..... (وصعدوا السيارة)
في الطريق الكل ساكت ومروج تبي تقول لمشعل يوصلها بيت عمها لجمانة ومو عارفه تخاف منه يرفض ونفس الشيء أحلام فضلوا ساكتين
مشعل: وش صار على إبراهيم
مروج سرحانة: ...............
مشعل: مروج
مروج انتبهت: ها..... أقصد نعم
مشعل: وش صار على إبراهيم
مروج: ما صار شيء
مشعل: الولد ما ينعاب ..... ولا تعتقدي أقول كذا لأنه صاحبي لا بس عن جد ما ينعاب
مروج تنهي النقاش: يصير خير....
طول الوقت ساكتين إلا أن
أحلام شهقت: مشعل
مشعل طالع مروج اللي نفس الشيء مندهشة وابتسم: ما بتنزلي
مروج طالعت فيه: بس
مشعل: ما عليه.... أعرف إنك خايفه عليها .... نزلي وبعد ساعة بجي آخذك
مروج فرحت وعلى طول حضنت أخوها امتنان وحبته: والله ما استغنى عنك..... (وطلعت)
أحلام توها بتنزل إلا مشعل: أحلام خلك هنا
أحلام برطمت: وش معنا
مشعل: بروح أشتري من باسكن إلا إذا.....
ما كمل لأن أحلام على طول: لا تكفى خلاص بسرعة خلنا نلحق
مشعل مع جديته إلا إنه يحب خواته وهم نفس الشيء يحبونه وأيضا يخافوا منه بس هو أيضا خفيف دم بس وقت الجد جد ووقت اللعب لعب وله شخصيه وهيبه عشان كذا ما فيه أحد ما يخاف منه
************************************
في بيت أبو جواد
( في غرفة جمانة)
مروج: ها وش قلتي
جمانة: مانا .... خلها .... تفضل ميري علي .... أنا ما أبا روح بيت جدي نهائي
مروج بزعل: أفا .... إذا أنت ما رحتي أروح مع من؟؟؟؟؟
جمانة: ..................
مروج: أنت هدي بالك وما صار إلا كل خير..... (وكملوا سوالف)
ما كملت لأن جوالها رن شافت الرقم: مشعل
جمانة على طول طالعت فيها وبلعت ريجها
مروج ترد: هلا مشعل..... أوكي .... عند الباب .... أوكي أنا جا
جمانة بسرعة: لا
طبعا مشعل سمعها وابتسم بينه وبين نفسه وقال: وش إلا لا
مروج طالعت جمانة: لا ولا شيء..... يا لله أنا جايه .... (وسكرت)
جمانة بترجي: تكفي عاد
مروج: ما أقدر هذا مشعل
جمانة تأففت: مشغل مو مشعل
مروج: لا تعيبي أحسن لك.... يا لله باي
ونزلت مروج ومعاها جمانة والتقوا في ناصر
ناصر: أوه مروج عندنا غريبه
مروج: ما غريبه إلا الشيطان ..... باي
ناصر: من اللي جاء لك
مروج: مشعل
ناصر: غريبه
جمانة تنهي النقاش: مع السلامة مروج (وطلعت)
***********************************
في السيارة
مشعل: وش أخبارها
مروج: من؟؟؟؟؟؟؟
مشعل: جمانة
مروج أطلقت آهة: وش أقول لك
مشعل: وش فيها
مروج: ما تبي تشوف جدتي ... تخيل الأسبوع الجاي تقول ما بتجي وأبد ما بتجي بيت جدي
مشعل: ما أتوقع أكيد بتجي
مروج: أنت ما تعرف جمانة.... عنيده وراسها يابس
مشعل: وحتى ولو....
********************
في الجامعة بعد يومين
وصلت مروج قبل جمانة وضلت في السيارة تنتظر جمانة
وصلت جمانة وعلى طول دخلت ومروج على طول لحقتها داخل
*********************************************
نهاية الدوام
مروج: أقول جمانة تعالي بيتنا
جمانة: مشعل هناك
مروج: إيه
جمانة: مانا رايحه
مروج: ليه
جمانة عطتها نظره:........ آآآآآآشو
مروج دزتها: أقول امشي امشي شكلك مرضانه مرضه قويه
جمانة: سكتي بس زكمت.... (وطلعوا)
جمانة تدور سيارة السواق: وينه هذا.... (تحس حالها دايخه)
مروج شافت سيارة مشعل اللي أول ما شافها طلع عشان يغيضها ويحرق أعصابها لأنها تنقهر لما تسمع البنات يستجنوا عليه في وسامته وكشخته وبقهر: وصل .... أرويه
جمانة مخبطه: أوه وينه .... كيف ما شفته
مروج مستغربه: منهو
جمانة: مو أنتي تقولي جايا
مروج: الحين من مشعل إلى جايا ..... حرام عليك
جمانة التفتت شافت مشعل يطالع فيهم ولابس النظارة الشمسية انبهرت فيه وطبعا بلبسة الدوام فطاحوا الكتب اللي في يدها ولايمتهم ولما رفعت راسها شافته يطالع فيها وعلى طول وقفت: أقول مروج ... باي
مروج: تعالي جايا ما وصل
جمانة تطالع مشعل اللي صار يتقرب منهم: بعدين ..... نكمل .... وعلى طول دخلت الجامعة تنتظر جايا
مشعل مستغرب: ليش دخلت
مروج: جايا ما وصل فدخلت
مشعل عرف إنها خافت منه فقال: أها .... (مستغرب ليش تخاف مني)
مروج: نمشي...
مشعل: وبنت عمك
مروج: السواق بيجي لها
مشعل: خلاص دخلي السيارة ابتصل أشوفه وين ؟؟؟؟؟؟؟
واتصل مشعل إلى السواق جايا وسأله هو في وين فقال له في الطريق فركب السيارة وانتظر لين ما وصل وركبت جمانة معاه ومشى
*****************************************
في السيارة
مشعل: وش أخبار الجامعة
مروج: تمام والله بدينا دراسة عدل
مشعل:أهم شيء المذاكرة
مروج: لا توصي حريص
مشعل: إلا متى طلعتوا اليوم
مروج: قبل ما تجي بربع ساعة ...
مشعل ما كمل ووقف سيارته ونزل عند مكان واقفة فيه سيارة وطبعا سيارة شرطه
الشرطي: عفوا مدام .... (يكلم السواق) ممكن البطاقة
طبعا السيارة سيارة السواق جايا والمدام جمانة اللي طول الوقت خايفه وساكته وطبعا جايا قدم بطاقته للشرطي
جمانة من الخوف اتصلت على رقم جواد ما يرد وناصر مشغول فخافت بس قطع عليها خوفها شخص يكلم الشرطي (مشعل): خير....
الشرطي: لا بس السواق عمل حادث بسيط فلازم نتخذ الإجراءات ... وأنت منو
مشعل طالع جمانة اللي كانت في السيارة وخايفة: أنا ولد عمها .... المهم وش المطلوب
الشرطي: تشرفنا... لا بس لازم نحرر له المخالفة
مشعل تنرفز: أوكيه خلص حرر المخالفة
جايا يدافع: والله هذا
مشعل التفت له: اسكت
جمانة على طول بلعت ريجها وفي قلبها يا ريت فيصل وفاضل وأنت لا
مشعل فتح باب سيارة السواق: جمانة ركبي سيارتي
جمانة بخوف: لا..... ما أبي
مشعل يطالع الشرطي: السواق بيروح الشرطة الحين وإلا تبي تروحي معاه يعني مناوس حقه
جمانة: .................
الشرطي: تفضل..... (سلم المخالفة لمشعل اللي أخذاها وقال للسواق يروح مع الشرطي وهو بيجي)
مشعل التفت للسيارة: يا لله
جمانة نزلت بهدوء وهي كل شعره في جسمها ترتجف منه
الشرطي: آسفين مدام
مشعل ما عجبته نظرات الشرطي لها: مشكور وما قصرت .... يا لله خالتي شوي شوي على الجنين
جمانة استغربت والتفت مشعل يطالع الشرطي اللي أول ما سمع تغيرت ردة فعله وحتى نظراته
مشعل التفت لها وابتسم: بتضلي في الشمس ....
وركبت السيارة ومشوا
مروج: جمانة وش صاير
جمانة: ما أدري.....
مشعل: حادث..... أقول الحمد لله على السلامة
جمانة منصدمه: حادث
مروج معاها: كيف ومتى و ..... وإنت كيف ما تدري
جمانة: أنا أح ..... (ما كملت) آآآآآآآشو
مشعل التفت للمرايه وطالع جمانة اللي نفس الشيء طالعت فيه وباعد نظراته: تعبانه
جمانة: لا.....
مروج مقاطعه: كذابه توك تقولي زكمتي وحالتك لله
مشعل عرف إنها ما تبي تتكلم معاه فسكت: .................
وضلت مروج تتكلم هدره مع أخوها وبعض الأحيان مع جمانة
مروج: أقول جمانة متى بيوصل عمي
جمانة بتعب: والله ما أدري.....
مشعل طالع المرايه وشافها مغمضه عينها وسكت
المهم وصل مشعل جمانة بيتهم وهو راح الشرطة وخلص الإجراءات ورجع مع السواق بيت عمه
جواد يدخل: حيا الله مشعل
مشعل: وين سجود
جواد ضحك: أول نسلم وبعدين أسأل ..... (سلموا وخلصوا)
مشعل: وين سجاد
جواد: أقول مدام إنك تحب اليهال يا لله عجل وعرس وجيب لك كتكوت
مشعل: يصير خير.... وينه الحين
جواد: نايم
مشعل: كان قلت من الأول...... يا لله أنا....
ما كمل لأن سمع صريخ: نصروه
جواد ابتسم بإحراج: أكيد جمانة....
مشعل: كأنها تعبانه
دخلت جمانة ومو منتبهه لمشعل: وينه هذا اللي .....
(وشافت مشعل)......... وافلت
أم جواد دخلت: وينها ..... هلا مشعل
مشعل وهو مبتسم: هلا خالتي
أم جواد: وأنا أشوف جمانة بسرعة ركبت.... حياك تفضل
مشعل: ما عليه خالتي عندي أعمال أخلصها
جواد: الله المعين إذا أنت وبعدك ما تعرس ومو فاضي كيف لما تعرس
مشعل ينهي السالفة: مع السلامة.....
*****************************
في الحديقة
جواد: مشعل وش فيك........ أحسك متغير
مشعل حس بالضيق: ولا شيء
جواد بعين وعين: علي..... (يأشر على نفسه) أنا
مشعل طالع فيه ونزل راسه: لما يجي الوقت المناسب بقول كل شيء
جواد: أتمنى ما يطول......
ما كملوا لأن صرخات
جواد بصدمه وخوف: جمانة
وعلى طول هو مع مشعل لورى البيت ما شافوا إلا
جمانة: تباعد عني.... تبا ...... آآآآآآآآآآه
جواد مستغرب: جمانة
جمانة مو حاسه إن غطايتها على كتفها وشعرها يبين بس اكتفت ب: جواد تكفى....... (صوتها بتصيح) باعده
جواد: وش اللي أباعد
جمانة ما رفعت راسها نهائي ولا شافت مشعل اللي يطالع فيها بتمعن: الزنان
عاد هنا سمعوا صرخه في مكان ثاني
جواد انصرع: شيماء ....... (وبسرعة دخل)
جمانة بخوف: جواد ...... تعال ..... الله... (وطبعا عينها على الزنان) ترى أكو ...... يماه
مشعل تقدم وشاف صرصور الخشب الصغير استغرب وطالع فيها: وش اللي يخوف
جمانة طالعت فيه منصدمه: مش ..... (ما كملت لأن الزنان قرب و) جواد
******************************

يلا عاد بنات ابي ردود وا اجد
وإنشاء الله اكمل الروايه إذا شفت ردود
سي يو

حل وه قلبي
كملي ياروحي انا
يسعدني اني اكون اول من رد عليك
تكفين كملي ابدخل بكره بعون الله وابغا اشوف
التكمله يالغلا
مسكينه جمانه ياحليلها والله وجدتها حرام تسوي فيها كذا كسرت خاطري ياعمري عليها
في سوال الروايه انتي كاتبتها والا لا
بس شوفي من ناحية حلوه فهي حلوه كبدايه
تبشر بخير<<هع
لا من جد حلوه والله من جد من غير مجامله
يله انتظر

واخيرن نن شفت رد على الروايه
وعلشانك يا بطوطه راح انزل بارت (4) و (5)
وغنشاء الله يعجبكم واشوف ردود

(4)
مشعل: لحول..... جواد دخل لمرته .... وإنت وش فيك من صجك هذا (يأشر على الصرصور) يخوفك
جمانة خلاص دمعتها أعلنت الهبوط: إيه
مشعل: خلاص نقتله مدام يزعل بنت العم ..... (وطالع يمين يسار وشاف نعال وقتلاه به)
جمانة بعفويه: ويبيع..... روح غسل يدك
مشعل طالع فيها: أكيد بغسل ..... إلا وين كنت رايحه
جمانة بعفويه: كنت بروح السوق ع..... (انتبهت) وش دخلك.... آسفة بلا لقافه
مشعل ابتسم وقال: طيب مالي دخل في طلعتك..... أوكي لي دخل في غطاك أتوقع مولابسته عدل
جمانة انصدمت وحطت يدها على شعرها وبسرعة لبست الغطاء وطبعا الإحراج من فوقها إلى تحتها
مشعل يبي يزيدها: يعني ما شفت شيء .....
*********************************
في المطبخ
دخل جواد ما شاف إلا شيماء على طاولة الطعام واقفة وأمه ماسكه النعال وبس شافته قطت النعال: خلاص ارتحتي
جواد مستغرب: وش صاير
أم جواد: زنان
جواد طالع شيماء: من صجك ..... عجل أنا وش أقول عن..... (تذكر) يو جمانة ..... ( وطلع)
في طريقه صادف جمانة اللي كانت متغير وجهها أحمر من الإحراج ومشعل وراها مبتسم
وأول ما شافها: جمانة
جمانة طالعت فيه: مرتك أهم ..... (ودخلت)
جواد: وش السالفة
مشعل: قتلناه وبس
جواد: أنت صح
مشعل: أكيد..... مع السلامة ... (وطلع)
طبعا جمانة على طول اتصلت لمروج وخبرتها السالفة وذيك ميته ضحك عليها
جمانة وهي منحرجه: إيه تطنزي
مروج: والله إنك عسل على قلبي
: إحم إحم
مروج التفتت: مشعل
جمانة تيبست
مشعل ببراءة: أدري والله إني أدري إني عسل على قلبك بس ها مو تاكليني
مروج ضحكت: غريبه راجع من وقت
مشعل: والله جيت أدرس أوضاع أختي المنزلية لأطمن خطيب المستقبل بهذا
مروج: انتظر مشعل.... (وكلمت جمانة) جمانة بعدين أكلمك .... أوكيه
مشعل ابتسم ابتسامه جانبيه وتذكر شكل جمانة اللي يضحك
مروج بعد ما سكرت: عساها دوم
مشعل: أقول.... أنتوا ما تشبعوا من بعض
مروج: نو وي لو أجلس معاها العمر كله ما أشبع
مشعل وقف: يا لله تصبحي على خير
مروج مقاطعه: وين على خير
مشعل: بروح ارتاح
مروج بإحباط: خليتني أسكر والحين.....
مشعل ضحك بضحكته الجذابة وطلع وحتى مروج ضحكت وفي قلبها (يا ربي هذا الأخو غامض ويجنن في نفس الوقت)
***********************************
بعد أيام ..... (الجمعة)
وصلوا بيت أم جواد أول الناس كالعادة ولا تختلف الحزه بعد 5 دقايق بيت أو مشعل
أم جواد تسلم على عمتها: كيف حالك عمه
أم جعفر بضيق: مدام إنك أنت وأولادك هني ماني بخير
جواد: أقول جدتي.... ترى جمانة ما جات أوكيه ارتاحي .... (وطلع)
ناصر: أكيد وصلوا بيت العم أروح لهم أحسن..... وطلع
أم جعفر: وليه ما جات النحيسه
أم جواد: عشان ما تضايقك.... (وسكتت)
بعد 5 دقايق
الكل دخل: سلام
الموجودين طبعا زهراء وأمها ومرت أخوها: وعليكم السلام
وكالعادة أم جعفر أول ما شافت مشعل راحت تحبب فيه وكالعادة البقية أطرش في الزفة
مروج بعد ما الكل سلم: خالتي أم جواد وين جمانة
أم جواد: ما جات في البيت
طبعا الكل أنصدم وبالأخص مشعل اللي تضايق بس ما يدري ليه
أحلام: ليكون ما بتجي أبد
أم جواد تطالع عمتها أم جعفر: أتوقع
أم جعفر بإرتباك: بالطقاق .... والله الغدى مستوي بيها وبلا إياها
مشعل: أكيد من ورى قلبك
أم جعفر طالعت فيه وبعناد: لا .... من أعماق قلبي
مشعل بعين وعين: متأكده
فيصل: أقول مشعل غريبه هذا الأسبوع جيت
مشعل يعتدل: بصراحة أنا ما توقعت الجلسة حلوه كذا يعني بس هذا الأسبوع الجلسة مو حلوه قولوا ليش
فاضل: ليش
فيصل: لأنك حمار في الجيش
فاضل عصب: فصلوه .....
فيصل: خلاص خلاص آآآآآآآآآآآسف... (خاف من نظرات أبوه)
أبو مشعل ترك الجريدة وبإنصات: تكلم يا ابني العزيز كلنا نسمعك
مشعل: احم احم..... المهم الجمعة حلووه وما عليها كلام مدام إن جدتي القمر فيها بس الشيء الوحيد الناقص .... هو.... وجود بنت العم.... جمانة
أم جعفر بسرعة: ويع تخسي تحلي الجلسة
مشعل: أقول جدتي مو من قلبك لأن تعرفي إنك اليوم مو مرتاحه وأنا حاس بيك
أم مشعل: إيه والله وأنا حاسه
زهراء تتذكر بنت أخوها: آه عليك يا جمانة.... نسخه من أخوي
الكل: ............. (يفكروا بكلام مشعل)
مروج: فكره......
الكل طالع فيها وهي كملت: أبتصل عليها الحين
وأخذت التليفون ودقت طبعا حاطه سبيكر .... حتى جواد وصل مع ناصر وجلسوا والكل أشروا عليهم يسكتوا
ناصر بهمس: مشعل وش السالفة
مشعل: الحين تعرف
ما مداه يرن 4 رنات إلا: ألو
مروج ساكته وتطالع الكل: ....................
جمانة: ألو..... تعرفوا إن قلت الحياء على أصولها رد إذا في أمك خير
الكل اندهش وهي مكمله: أنت تعرف إن أمك ما عرفت....
ما كملت لأن مروج: جمانة
جمانة بإندهاش: مروج ..... حبيبتي عمري .... (وتنقلب) يالنحيسه قطعتي علي الفلم وتحبي ......
مروج: أي فلم
جمانة: سكتي بس سكتي فلم إنما إيه حليو بشكل فضيع .... (شوي) لا (صرخت)
الكل أنصرع: جمانة
مروج بخوف: جمانة وش صاير تكلمي
جمانة تمسح دموعها: حرام..... تعرس على اللي ما يحبها ولا تحبه ....
مروج والدمعة بتطيح: مني هذي
جمانة: الممثلة..... آآآآآه (وبدت تصيح) حرام .... (وتقلب) كل من الأهل .... (وتقلد)
مصلحتها ومصلحتها ..... وهم يبون الفكه منها ويعليه
مروج: يو مسكينه ووش صار
جمانة شهقت ومروج والكل: وش فيك
جمانة بفرح: جا .... جا
ناصر: منو
جمانة بفرح تصفق: ياهو ويحيا العدل
فاضل: وش صار
جمانة: وصل وصل يا فضول وصل..... بفرح
فيصل: جمانو .....
جمانة: هذا حب..... فيصلوه كمل الاسم وبعدين تكلم
ناصر معاها: منو
جمانة بصراخ: ياي حباها .... وخلص الفلم ....
كلوش وعرسوا ألف الصلاة والسلام .....
الكل عاد ضحك على خبالها حتى جدتها ضحكت وفي قلبها يا عمري هالبنت الولد
مروج: ها عرسوا
جمانة: إيه حباها وعرسوا ..... وخلص الفلم .... (وبحالميه) أنا بصير مثلهم ....
أحلام تطالع الكل: كيف يعني
جمانة: يعني أنا بعرس مثلهم أول شيء بخلي جوادوه يغصبني عليه وبعدين أنا بترجاه وأنا أصيح ما يخليني أعرس عليه وبعدين أخلي فارس أحلامي يجي ياخذني ..... (وبحالميه) متى يصير اللي في بالي
عاد الجدة ماتت ضحك
جمانة سمعتها: مروج من جنبك .... ليكون حاطه سبيكر
مروج تطالع الكل: الكل وأنا حاطه سبيكر والكل يضحك على المراهقة الصغيرة جمانة
جمانة بإحراج: حتى عمي؟؟؟؟؟؟
أبو مشعل: حتى عمك
جمانة بصدمه: لا ..... انقلعي يالحماره برويك بعدين هين
فيصل:جما.....فارس احلامك عادي يكون أنا
جمانة بسرعة: لا ..... قلت بخلي جوادوه يجبرني عليه وبعدين الواسطة هو عمي يقنعه .... أوه إبتدى الفلم
فاضل: أي فلم بعد
جمانة: يالغبي عدت الفلم .... لو تشوفه يا فضول ياي يجنن بس تعرف حبيبها أحلى منها .... أنا خلاص بعرس عليه
الكل ضحك وأبو مشعل: جمانة قلتي له
جمانة: منو .... أوه المعرس .... تخسي إلا هو.... أنا ما أقول لأحد تعال تقدم لي هو اللي يجي صح نصور
ناصر بحماس: أقول جهزي الفلم بجي بطالعه الحين.... وقام
جمانة: يا عمري أخوي بسرعة تعال وإلا بشغله... باي (وسكرت)
أم جعفر: من صجك بتروح
ناصر: أيه
أم جعفر: والغداء
ناصر بتفكير: بلا جمانة ما يحلى ..... وطلع
فاضل: مع السلامة
أم مشعل: وين؟؟؟
فاضل يغمز إلى جدته: عند جمانة ..... بطالع الفلم
فيصل: خذني معاك
مروج: وأنا معاكم
أحلام: وأنا بعد
أم جعفر وقفت: انتظروا بجي معاكم ..... وعلى طول راحت تلبس
الكل استغرب وأبو مشعل ضحك: والله ما تقدر تستغني عنها
******** ********************
في المطار
: أخيرا .... أخيرا يا عصام
عصام: اشتقت للعيال
: أكثر مما تتصور ..... بس اشتقت لجمانة أكثر.... يا حبي لها ...
أبو عصام: أقول يا لله نروح نشوف عيالنا بعد الغيبه
أبو جواد: يا لله......
***********************
بعد ربع ساعة
طوطن .... طوطن .... طوطن
جمانة بسرعة طلعت وفتحت الباب وطبعا في الوجه ناصر: هلا بأخوي.... يالنحيس ما كملت الفلم عشانك بسرعة أدخل .... (وسكرت الباب وهي ما تدري من اللي واقف بره)
ناصر: جمانة.... فتحي الباب
جمانة باستغراب: ليش
ناصر: اللي بره
جمانة فتحت الباب وشهقت: مروج.... يا غناتي أحبك موت
مروج تمثل الزعل: زاده .... قصي علي
جمانة تحضنها: الله يعيني لما تعرسي بضيع
أحلام دخلت: الله لنا
فيصل: إيه والله...... دخل
جمانة انصدمت: فصلوه .... وبسرعة دخلت داخل لأنها مو لابسه حجابها
فيصل مستانس: يا عمري البنت العم تجنن ..... حليوه
أم جعفر دخلت: وينها المقروده وينها
ناصر: بدينا...... أقول جدتي من جابك
أم جعفر تدخل مشعل: ولدي حبيبي مشعل
ناصر: أوه مشعل في بيتنا يا حيا الله مشعل
جواد دخل وهو حامل سجاد: عسى ما انتهى الفلم
ناصر: لا تخاف ما إبتدى ....
فاضل دخل: يا لله كل واحد يمسك له بيبسي وفوشار
مشعل: وش جايب أنت .... (يأشر عليه)
فاضل: يو أسويلكم مثل السينما
مشعل: ومن طلب منك
جمانة: يا عمري فضول
فاضل استانس: يا عمري بنت العم .... أقول تعالي أخذي أكبر بيبسي لكي
جمانة تعدل حجابها: والله مدام إنك حركات كل ما بطالع فلم بعزمك
فاضل معاها في الخط: قولي وأشتري الفوشار والبيبسي حقنا
جمانة بفرح: ما عليه اتفقنا.... (التفتت وشافت مشعل وجنبه جدتها) وأول ما شافت مشعل تغيرت نظراتها للخوف ومشعل حس لها
مشعل: ممكن أحضر الفلم
جمانة بلعت ريجها: ها .... أي فلم .... إيه عادي ....
أم جعفر ابتسمت: أقول مشعل خلنا ندخل
جمانة توها تنتبه لجدتها: هلا جدتي.... أدري من حبك ما تحملتي فراقي
أم جعفر تكابر: ويع أنا جايه لأن مشعل قال يبي يطالع الفلم وأنا اشتقت له
و ......
جمانة مقاطعه: مو عذر ... ما مداه أسبوع من شافك.... أقول عذرا أقبح من ذنب .... يا لله تفضلوا
ودخلوا كلهم وشافوا المكان ظلمه مشعل تحمس وعلى طول جلس على الكنب: يا لله
جمانة استغربت أول مره تشوف مشعل الرزين يسوي مثل خبالهم
ناصر نقز: يا لله (ويصرخ) فاضل الفوشار
فاضل: وعاوز واحد فوشار مشوي يصلحه
جمانة بتشغل الفلم: على فكره ..... للكبار فقط (تطالع جدتها)
أم جعفر: نعم نعم ...... أنا أكبر وحده فيكم
دخلت زهراء مع الكل: سلام
الكل بملل: لحول.....
زهراء: لا تنسوني إني من الشباب
جواد: أي شباب وبعد كم أسبوع زواجك
زهراء: ولو

(5)
في الحديقة
جواد فتح الباب وانصدم وعلى طول نزلت دموعه وهو يحضن الشخص و: يبا
أبو جواد على طول حضن ولده وجواد يحب راس أبوه وخده ويده: وحشتنا يبه والله وحشتنا
أبو جواد: يو وليدي خلني أدخل أشوف القماره البقيه
جواد ابتعد مبتسم ومسح دموعه: حياك
أبو جواد: شخبار سجودي
جواد ابتسم: طالع على جده
أبو جواد: مشتاق أشوفه ....... أكيد يشبهني
جواد ضحك: أكيد ما يبيلها سؤال ....... يالله ندخل
***********************************
في الصالة
الكل عينه على الباب وما سمعوا: حياك البيت بيتك ....... يالله يالله تغطوا
الكل انعفس بس ما مداهم لأن على طول الرجال دخل
الكل انصدم وما وعاهم من الصدمة إلا جمانة اللي صرخت: أبوي (وراحت في حضنه)
أم جعفر وقفت: جعفر ......... (مسحت دموعها) أخيرا ........ وراحت حضنته
أم جواد طاحوا دموعها وعلى طول طلعت لغرفتها والكل سلم عليه وأما جمانة فرحانه ما أحد قدها من الوناسه جالسه جنبه عن اليمين وعن الشمال جدتها والبقيه موزعين
أبو جواد: حيالله مشعل..
فيصل قام: إنا لله كل من شاف مشعل حياه وما بقى إلا يفرش الأرض ذهب حقه وإحنا الله لنا ..
جمانة: ما عليك يا فضولي أنا أدلعك لا تبي دلع غيري ..
فاضل: لا والله وأنا .........
جمانة: بعيوني..
أبو جواد على طول سحب خد بنته وباسها: يا عمري طيبه على أبوها تحب الكل الحنونه
أم جعفر: إيه يمكن ما تعرف وش تسوي تحب الكل إلا جدتها ..
أبو جواد(جعفر): وش تسوي القمر ........ (يأشر على جمانة) هذي البريئة تسوي شيء ........ حرام
جمانة استحت: يو يباه عاد ......... استحي
الكل مات ضحك
فاضل: أخيرا استحت البنت
عاد ما بغى إلا وضربه من جمانة بالمخده: لا والله ليش ما استحي أنا..
فيصل: يمكن ....... (وافلت وجمانة أكيد وراه)
مشعل ابتسم وسرح فيها وناصر حس له وابتسم وسكت
أبو مشعل وقف: يالله نمشي الحين
أبو جواد وقف: وين على خير
أبو مشعل: أكيد أم العيال تبي تجلس معاك وو ...... يعني بنمشي تأخر الوقت وبكره إنشاء الله نجي نتطمن عليك .......... يالله يا أولاد
وقاموا وكلهم طلعوا والبقية راحوا يناموا
*****************************
في غرفة أبو جواد
أبو جواد: والله تولهت عليك
أم جواد بخجل: وأنا بعد ..........
أبو جواد: يا ربي على اللي يستحون أحبهم موت .....
شوي سكتوا وما يسمعوا إلا: إدفر مناك ...... تباعد ....... ما أسمع ...... قال تولهت عليك
أبو جواد طالع أم جواد: مو كأنهم ناموا ......... (بخفيف)
أم جواد: ما أدري ......
أبو جواد أشر لها تسكت وفجأه فتح الباب: طاخ
جمانة: آآآآآآآآآآآآآآآآآآي ...... (شافت أبوها وابتسمت) أنا قلت لكم ما تجيبوني هنيه ما تفهموا ........ (وتهرب)
ناصر: كل من جواد ولا يهون ........ (ويهرب)
جواد يطالع يمين ويسار: أهم اللي ........ (وبجدية) أسف يبه .......(ومشى)
عاد أم جواد وأبوه ما توا ضحك صج خبال حتى وهم كبار ....... الله المعين
**************************************************
بعد أسبوعين
ترن ترن
مشعل بتعب: ألو
جمانة: ........................
مشعل: ألو
جمانة: مشعل
مشعل اعتدل: هلا ب............ آآآآآآشو
جمانة: رحمك الله
مشعل: يرحمنا ويرحمك ....... وش أخبارك
جمانة وباين على صوتها القلق: وش فيك تعبان
مشعل: لا بس ...... أزمة برد ..... المهم وش مسويه والدراسة و.... آآآآآآآشو
جمانة: رحت المستشفى
مشعل: ما يحتاج أصلا ....آآآآآآآشو
جمانة بقهر: ياهل إنت ما تروح ولا ...
ما كملت لأن قطعت عليها كلامها عطسه قويه وبعدها على طول كح متواصل
مروج دخلت وصرخت بخوف: مشعل ...... (تهزه) مشعل شفيك ......
فيصل دخل من صراخها: مروج و ........ (وصرخ) مشعل
عاد جمانة ما تحملت وعلى طول قامت غرفتها تصيح وتدعي له بالسلامة
************************************************
في المستشفى بعد ساعتين
الدكتور: إنت لازم تأخذ أجازه أسبوع
مشعل: ما يمد ..... آآآآآشو .......
الدكتور: أول الأيام بيكون عشان الراحة بس بعدين عشان المواعيد ..... إنت الحين استخدم هذي الأدوية وتعال بعد 3 أيام
مشعل: اوكيه ......... مع ..... آآآآشو
الدكتور ابتسم: الله يسلمك
*******************
في السيارة
فيصل: وش قال
مشعل: عطاني أسبوع إجازة
فاضل بمزاح: يا أخي عطني الإجازة
مشعل: خذها ........ أصلا أسمع ........ آآآآآشو ..... أسمع من اليمين وأطلع من الشمال
فيصل: وش قصدك
مشعل: يعني تتوقع أترك شغلي أسبوع ...... أصلا ...... آآآآآشو .... أهو يوم ما أقدر مو بعد أسبوع
فاضل: غبي ما ينشره عليك
مشعل مسكاه من رقبته: أنا صحيح مريض بس فيني قوه
فاضل: آآي آآآآآآآآآي ما أقصد أمزح
مشعل تركاه: آآآآآآآآآآآشو
فيصل يمسح وجهه: حشى ما صارت عطسه ......... سبحتنا
******************************************
في بيت أبو مشعل
جمانة في غرفة مروج: يا ....... آآآآآآآآآه بموت قومي عني
مروج: والله لرويك
جمانة دزتها وبسرعة افتح الباب واطلع ومروج وراها
أحلام: استخفوا البنات الحمد لله والشكر
جمانة تصرخ: عمي ألحقني بتذبحني
عاد وهم في غفيصتهم ومروج جالسه على جمانة وهذيك تستغيث وأبد ما في مغيث وشوي يتعاونوا مروج وأحلام وعليها في الصالة في الوسط
جمانة بصراخ: حرام شعري
أحلام بخبث: بجيب المقص ........
جمانة بخوف: لا إلا شعري ......... يما
وانفتح الباب بسرعة
مشعل ما دخل إلا شاف مروج وأحلام على وحده من الكلام عرف إنها جمانة بس شكلهم متعاونين عليها طبعا مروج وأحلام شافوه تيبسوا ........ نسوا إنهم جالسين على جمانة
جمانة ما انتبهت للي دخل لأنه صار وراها
جمانة تدزهم: ما اتنفس ........ أرحموني ...... (وصرخت) هواء
مروج طالعت جمانة وحستها أبد مو قادرة وقامت وتوهقت أحلام
مشعل خاف: وش السالفة و .......
جمانة ما عرفت تتكلم ولا حتى تتحرك وأشرت لهم ماي
أحلام خافت وبسرعة راحت تجيب الماي وأما مروج خافت: جمانة وش فيك
جمانة بصوت مبحوح: ماء ........هو ....... ما اتنفس (بصعوبة قالتها)
مشعل خاف وقرب لها وشافها انصدم على طول جلس جنبها وحط راسها على رجله
مشعل: جمانة... جمانة ...
جمانة فتحت عينها بخفيف ما ميزت من قدامها وحطت يدها على حلقها: هواء .......
مشعل على طول صرخ: بسرعة جيبي الأنبوبة حق فاضل
مروج زاد خوفها وبسرعة قامت وفي أقل من دقيقة وصلت
مشعل يسند راس جمانة على صدره: خذي خذي ....... تنفسي
أحلام طبعا وصلت بكاس الماي وتطالعهم خايفه: ضيق تنفس ........ عارفة
جمانة مغمضة وطبعا لأن قليل ما تجي لها أزمات ضيق التنفس ما كانت مهتمه بزود فما كانت تاخذ الأنبوبة معاها إلا لما تحس إنها تعبانه
مشعل يهزها: جمانة ...... ردي ........ جمانة
جمانة صحت بصوت حنون فأجابت وهي ما تدري إن الوحش أهو اللي يصحيها: ..... خايف ..... علي .... أدري ...... تحبني ...... وسكتت
مشعل انصدم ومروج وأحلام على طول طالعوا فيه وهو: جمانة (يطق وجهها) جمانة...
جمانة فتحت عينها ببطء: ها .... (ما كملت إلا وعلى طول فتحت عينها على أوسعهم وشهقت وبسرعة قامت غرفة مروج)
مشعل ظل يطالع طيفها وشعرها الطويل الأشقر: واو ما تخيلتها كذا صح جميلة (في قلبه)
أحلام بعد مده: بروح أشوفها ....... (وطلعت)
مشعل نزل راسه ومروج: بروح لها
مشعل يوقفها: ما كنت أقصد إن .......
مروج التفتت له: عارفه ...... (وطلعت)
طبعا مشعل ظل في الصالة
*******************
في غرفة مروج
جمانة تصيح: جالي ضيق تنفس ....... يا ربي أحس بموت
أحلام: بس مشعل لحق علينا
جمانة: وهذا اللي قاهرني ...... شافني
أحلام ببراءة: عادي النظرة الشرعية
جمانة على طول صفعتها بالمخدة: اسكتي أحسن..
مروج دخلت بالعصير: وعاوز واحد عصير للحلوين يصلحوا..
ما مداها تكمل إلا جوال جمانة يرن وهي: يالله باي ....... (وطلعت)
ونزلت في الصالة
مشعل شافها و: كيف ح ...... آآآآآآشو
جمانة تذكرت: يو نسيت ..... سلامات مشعل عساك طيب
مشعل: إذا إنت طيبه فأنا طيب..
جمانة حست بالإحراج وعلى طول طلعت ومشعل حس فيها وسكت يفكر فيها والموقف اللي صار ..... بس مهما يكون جمانة جميله ...... آآآآآآآآآه بس .......
********************************
بعد يومين
طبعا تحسنت حالت مشعل وقلت شوي بس طبعا ما يقدر يداوم في الشغل وخصوصا أمه اللي شارطه عليه ما يداوم إلا بعد أسبوع
طوطن طوطن
فاضل يطالع: زين زين حرقتوا الجرس ...... (فتحاه) أوه جمانة غريبة..
جمانة تدزه: تباعد خيستني ...... (ودخلت وفتحت نقابها) وينها مروجوه
فيصل: أوه جمانة...
جمانة التفتت شافت الكل يطالع فيها شافت مشعل تذكرت الموقف ونزلت راسها بإحراج
أبو مشعل: هلا جمانة حياك
جمانة بإحراج: هلا عمي ..... (وراحت سلمت عليه وعلى مرته) كيف حالك مشعل
مشعل فرح لأنها سألت عنه واعتدل: حيالله ....... آآآشو
الكل ضحك
فاضل: إلا ما قلتي تبي من ....
جمانة: وين مروج وأحلام
فيصل: في مخباي
جمانة: صحيح (تاخذه قد عقله) كيف ما يوسع لهم
فيصل: ههه بايخه .....
جمانة: مثلك ......
أبو مشعل: البنات الحين جايين ...... إلا ما قلتي لي وين رايحيين ..
جمانة تطالع الكل اللي لفت نظرهم السؤال وردت: بنروح السوق منها نشتري ومنها تمشايه...
مشعل ما عجباه الكلام: مع مين...
جمانة ابتسمت باستغراب: مع مين يعني مع السايق
مشعل بصدمه: بروحكم ...... لا ما فيه روحه
جمانة ما عجباها كلامه: نعم نعم ...... أقول أنا ما قلت لك تروح معانا أنا قلت لخواتك
مروج دخلت: يالله جمانة ....
مشعل ركبت في راسه: ما فيه روحه
الكل طالع فيه مستغرب وبالأخص جمانة وهو كمل: أنا مالي سلطه عليك لي سلطه على خواتي .... (التفت لمروج وأحلام) قلت لا
مروج بتحسر: لا عاد ...... يبه تكفى
مشعل أطلق صرخه: لا...
جمانة انقهرت وطالعت فيه من فوق لتحت وهذي النظرة طبعا مشعل ما يطيقها وطلعت
أحلام طلعت ورى جمانة: جمانة جمانة ....... جمانة وقفي ...... أتكلم معاك
جمانة التفتت لها: خير
أحلام: خلاص دخلي معنا بالبي .......
ما كملت إلا جمانة صرخت بوجهها: لا ما أطب بيتكم أبد ...... (وطلعت)
************************************************** ***
بعد ساعتين
ترن ترن
مشعل: ألو ........ هلا خالتي أخبارك ........ إيه الحمد لله (بعد السلام)
أم جواد بقلق: أقول مشعل ....... ما تدري متى بيرجعوا البنات من السوق
مشعل استغرب: بنات ........ أي بنات
أم جواد: هو ....... أي بنات يعني خواتك مع بنتي
مشعل استغرب أزيد: بس خواتي ما راحوا
أم جواد بصدمه: وشو ....... كيف ...... (وعلى طول) وين راحت البنت ......
مشعل اعتدل: خالتي ليش ما رجعت لكم
أم جواد بخوف: لا ......
مشعل: كيف مو معقولة ....... لازم ...... أوكيه أوكيه خالتي بشوف يمكن في بيتنا مع مروج أو أحلام
أم جواد: رد علي ..
مشعل: لا تخافي ...... باي (وسكر وعلى طول طلع لأن عارف إن جمانة مو ببيتهم وهي قالت ما بتطبه)
************************************************** ******************
في مكان ثاني
طلعت من بيت عمها متضايقة
جمانة بصريخ من العصبية: جايا روح سوق .........
جايا: ومدام مرو ......
جمانة صرخت: قلت روح بسرعة
مشى جايا وفي الطريق
جمانة بسرعة: جايا ........ حاسب .......
......طاخ .....
مهدي بفزع فتح الباب: إختي صابك شيء ....... إختي ........ تعال سلمان المره ما ترد ........ اطلبوا الإسعاف
سلمان بصدمه: وشو ........ طيب طيب ........
*********************************

إنشاء الله يعجبوكم الأجزاء
وابي اشوف ردود يلا عاد بردو خاطري شوي وكتبو كم رد

حرام عليك تكفين كملي طلبتك