هالكلمة تستفزني وهالموقف يقهرني مدري وش ارد عليهم

السلام عليكم ورحمة الله وبركاته..
كيفك اخواتي.؟؟؟
ملاحظه قبل تقرأ الموضوع ..
ما احلل ولا اساامح.. اي وحده تنزل رد فيه تجريح.. او تكون متزوجه وتجلس تجرح..
ابي ردود منطقيه... من اخواتي اللي مثلي ومثلهم نعااني..
اخوواتي.. انا مو جاايه اشتكي انا الحمدلله رااضيه بقدري ..
وساجده لله شكر.. الله جميل وماكتب لنا الا القدر الجميل..
وانا منزله تجمع اسمه تجمع الامل وحسن العمل..
بس سبحان الله الانسان يبقى ضعيف.. ويحتاج لأري اخوات سديد..
وفيه مواقف بحيااتي تستفزني كثير..
وما اعرف كيف ارد عليها.. وابيكم تسااعدوني في مثل موقفي ايش يكون ردكم..
انا من اول ماتتزوج وحده من صديقاتي.. اقولها من قبل تتزوج..
انه بعد ماتتزوجين لاتجين تنقلين لي عن زوجك او اهل زوجك اي شئ..
حياتك مع زوجك سر خاص فيك.. بعيد انا عنه.. وانا ما احب ادخل بين الزوجين..
يمكن بكرا اتزوج وامر في نفس مشكلتك ومايكون هذا تصرفي..
بس بعد مايتزوجون ينسوون كلامي..
وتجلس بالشهور ماتكلمني.. واذا كانت متهااوشه مع زوجها.. اتصلت وهات
كلام في زوجها واهله..انا اسمع وهذا الشئ نرفزني.. ام زوجي اخت زوجي..
خالة زوجي.. زوجي.. وكلها مشااكل تافهه..هوشه ماوداني مطعم.. هوشه نام وخلاني..
وبعدها في مده.. اذا قلت لها انتي قلتي زوجك فيه وفيه..
قالت لا.. وجلس كأنها تتهجم علي.. مع اني ما اعرفه هي اللي تجيب لي اخباره.
مدري وش اسووي معهم..
ويقهرني اذا جات وحده متزوجه.. وقالت ليش تتزوجون انبسطوا..
حياة البنت حلوه الزوجه شقى..في وقت وهي عندها اقل شئ بالدنيا طفل تضمه..
ويقولها يمه.. تشيله وتبووسه.. تشووفه ضحكته ونومه..
في وقت انا اتمنى هذا الشئ.. وهذي المتزوجه تلاقيها هي كانت طاايرة على الزواج..
ويوم شافت حلاة الظنا.. صارت تشوف التعب من تنظيف وترتيب البيت..
يقهرني شئ.. اذا وحده اتصلت فيني وتشتكي من الم راسها..
او من قلة النوم عندها.. ومسوويه قضيه.. او من وسواس لو زوجها يتزوج عليها..
وتبغااني اسمعها بالساعة والساعيتين.. في وقت هي ماعندها خمس دقايق تسمعني..
لو اقول شئ عن مرضي والمي.. اللي انا ما اقوله الا ماندر.. واذا جبت طاريه..
قالت يابنت.. تحملي واصبري.. يالله مع السلامة زوجي جااء..
واذا بقيت محاتيه تعباها.. وارسلها طمنيني عنك.. تجلس فترة وترد..
سووري كنت مسافرة مع زوجي.. ورحت ورحت ورحت....
مدري ايش اتصررف معهم.. واكيد مثلكم مثلي مريتووا بهذي المواقف..
كيف اتصرف..؟؟؟!!!!
لاتقولوون لاتتصلين.. انا ما اتصل... لكن هم يتصلون..