هدفي صحة بيئتي لصحة عقولنا وأخلاقنا مشاركة في مسابقة حياتي إنجاز

1. ومدري ايش بس انهم على قد حالهم


2. للمعلومية (اهلي ناس ميسورة جدا ولله الحمد والمنه))


3. المرحلة السادسه والاخيرة حبة وحده باليوم وايام ماصار ياخذها

السلام عليكم ورحمة الله وبركاته
إنجازي اللي راح اعرضه تعتبر عن حكاية بيني وبين رفيق دربي
سأبدأها بمثل الحكاية لتروق لكم أفضل وبشكل سلس ان شاءالله
كنت في جامعتي لاأفكر في غيرها أبدا
كان أكبر همي كتبي ودفاتري وأقلامي بالخصوص =قلم الرصاص خ
كنت اتفنن في شراء احلى الاشكال وافضل الخطوط واجمل الاشكال الرسميه
في يوم اتصلت أختي بأمي لتخبرها عن خطيب جاء لي بحصانه الابيض ليخطبني ؟؟
كنت حينها بالقرب من أمي وسمعت كل شي وبنفس الوقت كنت بالقرب من كتابي الذي جعلني أرفض الكثير من اجله ؟؟!!
قلت في نفسي (يووه ..ارجعوا ........خ)
اغلقت امي سماعة الهاتف...وجعلت تنظر الي ...
حينها قالت ..انا عارفه ردك قبل ماسألك ...لكن ماراح أرد عليهم الا بعد كم يوم ..لاني تعبت منك ..بس لو ابوك يدري عن اللي جايين لك ماتوقع بيخليك هالمره على كيفك...
أنا الى الان ماقلت ولا كلمة لامي ..من سكرت سماعتها....
وبصراحه استغربت ..وين المغريات والاغراءات اللي كانت تقولها لي مع كل عريس مرفوض ...كأنها تراشيني بعروسه لطفلتها اذا هدأت خ
بجد كانت امي تقول وافقي على هذا لايتفوت ولا....ولا.....وراح يعطيك ابوك كثر مهرك مرتين
وراح نسوي لك حفله وراح وراح ...
طبعا كل هذا الكلام قام يجوب في مخيلتي وأنا سرحانه..؟؟
أثاري اشوف (شفايف) امي تتحرك...؟؟؟يعني تتكلم وانا مش معاها..؟؟!!
رجعت مخي للوعي من جديد وسمعت اخر جمله ..
(هذا انتي سمعتي اذا ماعجبك العريس اختك اللياصغر منك بنزوجها وانتي براحتك ))؟؟!!
هذا التهديد الاخير اللي سمعته ومادري اذا كانت فيه تهديدات ثانيه وماسمعتها ..؟؟الله أعلم..
طبعا عندي اختي تصغرني بسنه وكم شهر ...وخطابها أكثرر مني ماشاءالله تبارك الرحمن بس اهلي يرفضون بحكم ان ممنوع تزويج الصغيرة قبل الكبيرة وهذا حكم قراقوش =اوبس اقصد حكم أبو ي وأمي
طبعا اختي الصغيرة ودها بعض الاحيان (تزنطني )خ
طيب وش اسوي دراستي مش سهله=لغة انجليزية وصبرتوا علي كل سنوات دراستي باالمدرسة وانا كنت ارفض وساكتين ولما جيت ع الجمعه كشرتوا أنيابكم وحكمتوا علي بالعرس الغصب؟؟!!
أأمي :لانك كنتي بالمدرسة يعني صغيره؟؟!!مو الحين
أنا :كيف الحين عانس مثلا؟؟ اشلون لو تروحون مصر لصارت اعمارهم ال35 فكروا لحظتها يتزوجون ويتأسسون
اناالحين بس ابي اخلص جامعني العزيزو بس
وبعدين ورب البيت يايمه ماعندي مانع زوجوا اختي قبلي مافيها شي ابدا
أمي:وحكم ابوك انااقتنعت من كثر حنتك بس ابوك مش راضي
دارت (الساعات) وشرف الغالي ابوي
وعلمته امي السالفه من (طقطق) للسلام عليكم..
ابوي(ماشاءالله على ابوي مايغصب أحد) ولو يغصب كان تزوجت من قبل زواجي هذا بكثير
المهم ..وخذي محاظرة ..يابوك ...يابوك...يابوك...
وانا يابنتك ...يابنتك...يابنتك....خ = امزح
بجد قالي كلام دخل في الصميم بصراحه ماعرف اقوله مثله ماشاءالله حكيمم جدا ويقتع =خطير
وهذه هي المرة الاولى اللي يعطيني محاظرة في الحياه والى يومي هذا استمع لها في مخي الجزء العلوي منه جهة اليسار قسم(اللاوعي))خ
بجد بس مدري ليش ماعندي اسلوبه وحكمته ماشااءلله عليه =يارب يشفيه ويعافيه ويريح باله =دعواتكم له...
وبنفس الوقت جت اختي الكبيرة وعلمتها امي بالسالفه..
أمي ذاك اليوم انتقمت اشر انتقام وطلعت الاولي والتالي خ =اهم شي تنتقم لان في قرارة نفسها اني راح ارفض كالعادة..
اختي اللي علمت امي بالناس اللي كلموها غير اختي اللي جت
المهم اختي اللي علمت امي تقول لامي ردوا عليهم بالرفض =سببها كان انهم ناس على قد حالهم
المهم امي قالت لاختي كل سالفتي وكمان اللي قالت لها اختي الثانيه
اختي الكبيرة :شفتها شمررت انيابها وطبت علي . .مشغتني... ××خ×××= امزح وربي
بجد طبت علي بالكلام وقالت لي ماعليك من اختي ذي=تقصد اللي قالت لامي ارفضوهم
هم ناس طيبة ..امهم طيبه ..ابوهم طيب
واهلهم كلهم ناس طيبه وكرام واخلاق

ومدري ايش بس انهم على قد حالهم

للمعلومية (اهلي ناس ميسورة جدا ولله الحمد والمنه))

وانا قبل ماتتكلم اختي عندي قناعه (اهم شي الاخلاق والاحترام والطيبه)بالخصوص ان عندي اختي مبتلشه بزوج اللهم ياكافي ودعواتكم لها ويلعب بالفلوس لعب بس اختي عايشه معه في جحيم ربي يهديه ياررب وصارت لي درس صحيح كبيرر ...اهم شي الاخلاق والدين))
تكلمت اختي الكبير مع امي وماله داعي الرفض ولاشي وهلم جراا في حشي مخ الماما...
طبعا كل هالسالفه وانا ماعطيتهم كلمة ابدا بالقبول..؟؟=نااس عجيبه خ
مابي اطول في سالفة قصتي واطلع عن المغزى الرئيسي وهو =ماهو انجازي
باختصار لنهاية قصتي اللي فوق
ام زوجي الله يرحمها شفتها بمنام قبل مايتقدمون لي ولما فسرته قالوا لي هذا نصيبك وبترتتاحين باذن الله تعالى ..؟؟؟!!
وصحيح بنهاية المطاف وافقت ..اشلون وكيف ..
باختصار بعد ماطلعت عيونهم ومارديت عليهم الا بعد شهرين اني وافقت وخاصة انهم ترددوا علي اكثر من مرة
اهم شي لايحقد علي زوجي الحين خ
من مغزى القصة اني رفضت بالبداية لان زوجي (كان ) مدخن؟؟؟؟!!!!
وكانت احدى شروطي في الزوج خ=انعكست الايه ...قاموا الحريم يتشرطون خ
المهم انه غير مدخن
قلت لاخته انا مابقى رجال مدخن
قالت لي هو مايدخن ومايعتبر من المدخنين اصلا لانه يدخن في الاسبوع تقريبا وحده او ثنتين بس
طبعا صدقتها لان كل اهلي مافيهم مدخنين والحمد لله والله يتمم عليهم يارب كذا ؟؟؟
قلت في نفسي اذا على التدخين مرة في الاسبوع او مرتين اقدر اساعده ويقطعها..ان شاءالله
وتمت الخطبةوالفرحه والزغاريط
دخلت في كذبة(ابريل)خ اللي لولا هالكذبة لما ارتبطت بزوجي حاليا
لان كانت عندي قناعه الرجل المدخن غير مقبول وغير موافق عليه نهائيا
واصلا لو كنت اعرف كان حطيتها حجة لي وانهيت الموضوع ...
بعد يوم من الملكة شرف الاخ وصرت اشم فيه ريحه مخلوطة بعود وعطورات روعه بس فيه شي غير مقبول في الروائح
قلت في نفسي هذا مجلسنا =لان تجي لابوي اوقات رجال بالمجلس شي طبيعي فيمكن البارح اللي كانوا في المجلس للتباريك ومنها ماراحت ؟؟
جلست اسب في الشغاله انها مانظفته عدل ولاهوت المكاان..
بعدها كذا باسبوع الى 10 ايام الا اكتشف الحقيقه ....كيف..؟؟
هو بنفسه قال لي::اشلون قال لك؟؟
قالي لاني قلت له ان اخواتك يقولون انك تدخن في الاسبوع 2 سيجارة فياليت تبطل هالعادة المؤذية لصحتك قبل اي احد واي سلبيات ثانيه ؟؟
قالي انا مادخن في الاسبوع 2
انا فرحت قلت بيقول بس وحده خ
قالي انا ادخن اوقات كثيرة في اليوم الواحد (باكيت كامل)؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
كيف واشلون ::باكيت كامل حق يوم واحد
قالي اي ؟؟؟
طيب وكلام اخواتك ؟؟
قالي كذبوا عليك وهما يعرفون اني ادخن كثيرر =حتى ه ماكان يدري اني مادري؟؟
طيب ليه يكذبون =هو صحيح امتعض من اخواته انهم كذبوا علي وكلمهم وعصب عليهم قدامي وقال لهم هذا حرام
ومايصير تكذبون عالبنت وخذ كلام ومشادات بينهم
طبعا انا سامحتهم لانه صار زوجي خلاص خ
هما يقولون شفناك متعلق فيها كثير اظطرينا نكذب وبعدين تحلونها جميع لان التدخين مو شي يرفض عشانه=وجهة نظرهم
بنفس الوقت زوجي كان فرحان انهم كذبوا لما عرف مصير القرار مني لو كنت اعرف انه مدخن مدمن.؟؟؟؟؟!!!
بدا هنا انجازي
كيف اعيش مع رجال كانت اهم شروطي فيه انه غير مدخن..
على شروطي الثانيه انه جميل خ
انه وسيم ههه
انه يركبني حصان خ
يوديني السوق وقت مابي
يوديني مكتبه خ
واهم حاجة اني اركب سيارة قدام جنب السواق ويكون ملكي هالمكان خ
نرجع للجد .......احم.......
قلت يابنت اللي صار صار واحنا ماعندنا بنات ترجع لبيوت اهلها خ
قلت لابدأ انجازتي القوية والعنيدة حتى الوصول للي ابيه وبنفس الوقت يكون انقذت انسان بالعالم هذا كان في يوم من الايام يشرب السم البطئ لموته =بعيد الشر واسم الله عليه خ
بدأت اول خططوة,,اتصلت بمكتب مكافحة التدخين,,,
من وين الرقم لي من طريق الجامعه اللي حفظته لو امشي فيه مغمضمة=جامعة الملك فيصل =حبيبتي
اخذت الرقم مع الباص طيران بس انا فزيت فزة لين لقطت الرقم وكتبته وطبعا كنت مجهزة القلم (الرصاص) احلى شكل عندي خ وحفظته وكتبته بسرعه
اتصلت عليهم وانا بالجامعه ماقدرت انتظر للبيت
وسالتهم اسئله عدة
منها
كيف ممكن اساعد زوجي لترك التدخين
ماهي اول خطو
ماهو علي اسويه ومااسوية
عطاني لسته مفيدة نوعا ما
بالرغم من (غضاضة رده بعض الاحيان ) بس اهم شي استفدت واسلوبه بكيفه..؟!!؟!
واخذت جدول من المركز (مع تصريف مني =يعني تعديلات تناسب لشخصية زوجي اكثر مما ذكر )
وبنفس الوقت =جامعتي حبيبتي كانت تحارب معاي من دون ماتدري خ
كانت تلك الفترة مسوية مشروع لمكافحة التدخين =شفتوا الصدف
هذا اللي يقولون توكلوا على الله وابتدوا اول خطوة وربي يكرمكم
ولاني ابي اسعد زوجي في شي مضر ربي ماقصر وسوت الجامعه مشروعها
طبعا جلست وسمعت المحاظرة للدكتورة الراقيه مديرة الجامعه وممن ساعدها تلك الايام؟؟
من دكاترة واساتذه وطالبات جامعيات
كنت اكتب كل شي بالمحاظرة حسيته بيفيدني ويفيد زوجي للاقلاع عن التدخين
مش الاقلاع على الطائرة =نياهاهاهاها ===احم
نرجع
وكمان منشورات كثيرة واخذت من كل نشره وحده تقريبا كانوا من 7 الى 10 منشورات
وهذه هي الخطوة الثانيه اللي ساعدتني مع الخطوة الاولى =مركز مكافحة التدخين
والخطوة الثاله واللي لاحصر لها طبعا =الانترنت
جمعت مقالات كثيره وصور اكثر
وطبعتهم وحطيتهم في ملف مرتب ومخيف في نفس الوقت خ=للتاثير يكون اقوى خ =جنيه
يمه =وربي خفت =اخاف منهم برجع امسح الكلمة اذا مانسيت ..×××خخ
صارت الان عدتي جاهزة للهجوم
ذاك اليوم ماخذت الخطوات وقطيتهم بوجهه وقلت له اقرا لا؟؟
في ايام تجميعي للموضوع والخوض معه خوض صارم
كنت اكلمه عن التدخين ومضاره وسولفنا عنه مع بعض قرابة الاسبوع =تهيئة نفسية يعني
حمد الله والشكر =المخطوبين حالتهم حاله ورومنسية وحب وعشق وانا طايحه تدخين وسم وموت ؟؟خ
المهم كان موافقني الراي تقريبا لين خليته بكلامي اللي لافاصل له اني راح اربح المعركة الكلامية لان مافيه اشكال عند اي اثنين بالدنيا ان التدخين ضار واكثر ناس تعرف مضاره (متاعاطيه) حشى مخدرات خ
وان كنت بصراحه اصنفه المرتبه الاخيرة للمخدرات =اعاذنا الله وايكم واهلكم واهلي اجمعين من شره يارب
الان
الرجال صارت عنده القناعه التامه بتركه =وهذا ماكنت اصبوا اليه
ايه .....يقتنع بتركة قبل مالزمه شخصيا
لان القناعه لها دور كبيرر في التغيير للتغيير وكمان الارادة
وهذان النقطتان ركزتهما في زوجي حتى تسهل علي المهمة الثانيه ..
بعدها باسبوع لما شفت الرجال وده مايشربها ويتركها
ذاك الوقت طلعت له الكتيبات والملفات والمحاظرات المكتوبة بدفتر نايس وخط لائق=تمدح خطها خ
لا صحيح ..
زوجي اخذ الملفات والنشرات وصار يشوف بالانترنت اشياء كثيرره طلعتها له وهو صار عنده اطلااع واعي وكبير
وشاف بلاوي ماكان يعرفها وسلبياته الكبيره
هو قالي ماشربها الا لما ماتت امه =الله يرحمهايارب بجد كانت ةالنعم فيهاا لانهم كانوا جيرانا-يعني زوجي ولد الجيران) ههه
وهي كانت صغيرة لما ماتت 42 سنه بس وتركت اطفال وهو كان في الثانوية ..يعني يقول شفت نفسي قمت اشربها ابى انسى حزني على امي
لما فتح قلبه لي كسر خاطرري بقيت اقوله
اشرب بدل الباكيت 3 باكتتات عشان ترتاح بس خ
احم...
المهم .........
لما شفته عنده الرغبة العارمة والارادة المستحيله والهدف الكبير
صفعت بوجهه الجدول .؟؟؟؟؟؟؟!!! الصفعه الحنونه طبعا
ومادراكي مالجدول
كذا كان
شهر نص باكيت في الاسبوع
يعني بدل ماكان ياخذ باكيت كامل
قررناها نص باكيت
ومشينا شهر ...طبعا صارت تجيه حالات صداع واحنا مابلشنا باقل ؟؟
كان في العمل يجيني اخر الاسبوع يومين ويرجع
طبعا كنت خايفه يضعف من وراي وياخذ بس حطيت له شي حلوو
قلت له اذا مو موعدها وحبيتها كلمني عشان تتناسها لين يجي وقتها وتاخذها
طبعا اعترف لي اوقات انه صار ياخذها ومش موعدهاا
هنااظطريت (احلفه بالقران الكريم) انه يصبر ويتحمل عشان نوصل لنتيجه))
وبدأت معركته الجسدية ووالنفسية وانا معركتي النفسيه معه
كل ربع ساعه اكلمه ..ارسل له مسجات ...حلوه ونغنه وصرت اعوضهاا عن كلام السم خ وارسل له كلام رومنسي وحلاوات ههه
ومضينا على كذا لشهرين كامليين ...
بعدها اتنقلت للشهر الثاني وماكنت افعله معه مستمر حتى هذه المرحله,,,من تشجيع وحلفان وهذرره خ
بس الشهرين الثانيين =المرحلة الثانيه صار بدل النص باكيت (ربع الباكيت)
وبدأت ماساته الحقيقه..
وشدت الصداع حتى اني خفت وقلت لايكون ااثر عالرجال ؟؟؟!! بس قلت ماراح يكون تأثير الصدااع والالام كثر سوء من الدخان نفسه ..فاكملت المشوارر
وصلنا حينها المرحلة الثالثه وطلب مني اني ماقللهم لانه يحس انه ماتعود بالرغم من مرور 4 شهور على الجدول ..قالي خليها نفس العدد اعرف نفسي ماقدر اقل منهم بجد بجد
وقام يتوسل لي؟؟
قلت له اوكى بس مش شهرين زيادة شهر واحد بس
ووافق
وبعد هالشهر انتقلت للمرحلة الثالثه وحسيته صار احسسن اشوياات وتقبل جسمه اقووى واكبر
المرحلة الثالثه 4 حبات باليوم
الرابعه 3 حبات باليوم
بذذكر موقف بالمرحلة هذه صادف شهر رمضان الكريم
وهذا ساعد كثير عليه في التقليل منه وبالخصوص اني صرت (اقرفه حتى من شكلها)؟؟!!
وكيف الصائم يخرب علاقته بربه وصومه ويشرب هالسم ومدري ايش = ام الحكمه خ
المرحلة الخامسة حبتين باليوم معلومه اخر مرحلتين كانت شهر واحد فقط

المرحلة السادسه والاخيرة حبة وحده باليوم وايام ماصار ياخذها

طبعا طول فتره المراحل =كان يتبرع بالدم =اوبالاحرى يطلع دمه من جسمه لانه ماياخذون للتبرع دم مدخن وبالخصوص المدمن
اي كان يطلع دمه ليه ؟؟كل 4 شهور واذا حصل وقت اقل مايتبرع ؟؟!!كنت اذكره روح تبرع روح طلع دمك؟؟كان يطلع دم منه بكمية مناسبة عشان يتخلص من (مادة النيكوتين) ويساعد هالشي على قدرة الشخص اكثر للتخلص من التدخين اذا طلع دمه =راح يتجدد له دم جديد يكون اقل بكثير سمومه بالتالي اسرع للشفاء =سبحان الله
طبعا هالنقطه ساعدتنا كثيرر في الاقلاع عنه
وللمعلومه المدمن يبقى يطلع لمدة لاتقل عن 5 سنوات حتى يتخلص تماما من المادة السامه في جسمه
وهاهو الى الان متى ماسنحت الفرصه تبرع بالدم
لكن كثرت الشهور كثيرا تكاد تكون مرة او مرتين بالسنه فقط..؟؟=اقصد تبرع الدم
نرجع للشهر الاخير ..حبة وحده وهذا من اصعب الشهور
ليه ؟؟لان متى واين هذا اليوم الذي ترفع راية الانتصار وتقرر فيها انك اقلعت فعلا ولاشربتها=حبة التدخين
بصراحه تبون متى؟؟خ
طبعا تزوجنا وشهر العسسل ههه قلت له اذا لي خاطر عندك لاتشرب خلاص
طبعا كنت من قبل شهر اقوله خلاص اليوم ..وهو يأجل يقول اخر رشفه؟؟..ّّّ
وكان ايام ماياخذ بس كان يرجع لها ..
في ذاك اليوم رجعت للحلف وقلت له خلاص اتركها من اليوم وبس خلصنا
وسويت حفله وحركاات بالشقه =تعرفون عرسان جدد وماعندهم شياطين =اقصد عيال حلوين
الله يهديهم بسس
قررنا في ذلك اليوم معاا انها اخر حبة ..وصعد=طبعا ماكان يشربها جنبي نهائيا وليومك ولله الحمد ماشفت شكله كيف يشربها)) وسبح واغتسل وصلينا جميع شكرا لله تعالى
وسويت له احلى حفله واحتفلنا مع بعض...وطلعنا صدقه ...
وحسيت بهذا اليوم انه اكبر (انجاز في حياتي قدمته لانسان في هذا الوجود....قبل ان يكون هذا الشخص هو زوجي العزيز)......
وارتحنا من شي اسمه (السم البطئ) التدخين)..,,,
و