هذا الشامبو ولا بلاش

هدووء الفراشات

16-08-2022 - 04:40 am

بسم الله الرحمن الرحيم
بنات ياهذا الشامبو للشعر يابلاش لا ينشف الشعر ولا يجعده بالعكس يعطي الشعر رطوبه كأنك مسويه لشعرك حمام زيت ولا يلبد الشعر اذا غسلتي شعرك منه
بجد انصحكم تجربونه مره خطير خاصة للشعر المجعد
المهم خلونا ندخل في صلب الطريقه
المقادير جدا سهله
6 علب موية ورد يفضل ماء ورد السرتي اللي علبته خضراء
2 صابون غار يفضل اللي حجمها وسط عشان ماتنشف وتحتاجين علبه سابعه من موية الورد
المهم نبشر الصابونتين في باديه وبعدين نحط عليها اربع قوارير موية ورد ونخليها تنقع لمدة يوم كامل
واليوم الثاني ناخذ الصابون المنقوع في موية الورد ونحطها في الخلاط الكهربائي ونزود عليها العلبتين الباقيه ونخلطها الين تنحلط مع بعض بعدين حطيها في علبه وغسلي شعرك فيها
.. ..
..
بس الخطير في الموضوع اني مره من المراير قلت خليني اغسل وجهي فيه طبعا بعد ماكنت مطبعه كيلو مكياج على وجهي ومافي حالي امسحه حبه حبه فقلت خلينا نجرب هالصابون اخذت شوي منه وحطيته على وجهي
وطبعا المسكره حقتي تطلع روحي قبل لا تطلع غسلت وجهي بهذا الصابون الا والمسكره بح راحت فرحت اشرقت بعيني الدنيا و ازهرت الورد
وصار وجهي يلق من النظافه وعشت في سعاده وهناء
وخلاص خلصت الحكايه
جربو وادعولي مايكلف كثير
والله انه احسن من الوف الماركات اللي ندفع فيها هذاك المبلغ على علب صغيره تخلص من ثالث استعمال ....
منقول للفائده

التعليقات (6)