عندي وصفتين اببدى فيها قبل لااصلع شرايكم فيها

خـواطـر

21-10-2022 - 10:13 pm

السلام عليكم ورحمة الله وبركاته
ان شاءالله الجميع بأفضل حال
بنات انا لي فتره قصدي سنين وناسيه شي اسمه شعر
اخذت فتره اهتم فيه بس ماطولت
ولا شفت ذيك النتيجه يمكن عشان ماطولت شعري بصراحه رايح فيها
خفيف وضعيف وتالف ناشف ومقصوف عمره
قلت يابنت اش تستنين القرعه
عاد فريت وفريت اليوم بالمنتدى الين ماقلت بس خلاص يكفي
من القهههر نفسي اغمض وافتح واشوف لي شعر آآآآآآه بس
المهم شفتلكم بعض الوصفات اللي دخلت مزاجي
\\الاولى عباره عن\\
حنا وتعجنينها بباربيكان
وحده كويتيه تحلف ان شعورهم كثيفه من الطريقه ذي
عاد انا اعجبتني لانها سهله وانتوا شرايكم احد جربها او سمع فيها
والثانيه\\
زيت انوب
وحده ماجربته بس تحلف انها شافته على بنت جارتها هنديه
تقول والله في اسبوع طلع شعرها وتغير
انا اليوم اشتريته زيت انوب علبه صغيره ب15 من العطار
والله يعين اببدى اليوم وانا عارفه ان الشعر اقل شي 3شهور حتى تشوفين النتيجه
يبغاله استمرار وطولة بال
ياله ابغى اشوف ردودكم وارآئكم

التعليقات (9)

خـواطـر

22-10-2022 - 01:19 am

الحين 6 مدري 7 ولا وحده ردت !!!!! انا غلطانه اللي اكتب موضوع
احسب العالم بتسمعلي

طبشوره صفراء

22-10-2022 - 02:20 am

ولا يهمك حبيبتي بس صراحه اول مره اسمع بطريقه الحنا مع بباربيكان
اما انوب انا استخدمته وماناسبني
بس يمكن يناسبك

متميزه من يومي

22-10-2022 - 03:21 am

ولا وحده من الطريقتين جابت معي نتيجه جربتهم كل وحده اكثر من 3 شهور
فيه طريقه حلوه زيوت وماسك
الزيوت زيت نارجيل مع ملعقتين محلب وتسخننينه علي النار بس لين يسخن وتحطينه بعلبه مره ممتاز قد مااقول
وبعد علبه زيت نارجيل مع 10 فصوص ثوم مقطعين ناعم وتنقعينهم خمسه ايام بمكان مظلم ولاتفتحين عليهم (يمكن ينحاشون من زود حرصي خ)
وثالث شي ماسك قبل الغسل بساعتين ملعقه عسل وملعقتين الي نص علبه زبادي وصفار بيضه والله اتعب اقول يهبط الشعر
كييف تستخدمينهم
يوم ايه يوم لا
يعني اليوم استخدمتى زيت النارجيل بالحلب بكره ارتاحي بعد بكره زيت النارجيل بالثوم وارتاحي يوم
ممكن بنص الاسبوع تستخدمين ماسك الزبادي والبيض والعسل
وبس ياقلبي مابي احلفلك مره يجنن
وبعد اخذي لك جيك زمزم وغسلي شعرك فيه ان شالله يخف اللي بشعرك لان ابن ادم عرضه للعين والحسد علي اتفه الامور بحفظ الله اتمنا تجربين وتقولين لي

خـواطـر

22-10-2022 - 04:22 am

FRASHAH_DLO3H
هلابك حبيبتي الله يجبر بخاطرك
والله حتى وحده قريبتي نصحتني بزيت النارجيل والمحلب
الظاهر اببدى فيها ان شاءالله
بس ودي بعد اجرب حنا مع اعشاب بنهاية كل اسبوع
الله يجزاك الف خير واي نتايج سريعه ببلغك ان شاءالله

خـواطـر

22-10-2022 - 05:24 am

استغفر الله العظيم

!! حكاية عطر !!

22-10-2022 - 06:25 am

الله يوفقك ..

JOo JOo

22-10-2022 - 07:26 am

لا بصراحه الحنا شغلتو شغله ماحبو وزيت انوب ماعمري سمعت احد مدحو
انا ناويه بأذن الله زيت نارجين مع خروع مع حلبه وحبه سودا ومحلب وان شالله تفيد
لاني فعلا من قدام احس شوي واصلع الله يستر

أخاف أحبك

22-10-2022 - 08:27 am

ما جربتها من قبل الله يوفقك ان شاء الله

خـواطـر

22-10-2022 - 09:28 am

JOo JOo
والله حتى انا مااحب الحنا بس شسوي اللي يبي الزين يتحمل
ومره في الاسبوع عادي مو كثير
وبالنسبه للزيت ليه ماتحطي معاه ثوم ماشاءالله كثير جاب نتيجه معاهم
انا اببدى فيه ان شاءالله والمحلب كمان مهم
واختك بعد مابقى شي على القرعه
الله يعين بس

هذا الشامبو ولا بلاش←
ابي كوفيره تجي البيت تصبغ باللياج بالرياض→