هل الحب بين الزوجين مهم بنسبة كبيرة

اختي موضوعج حلو وايد
انا عن نفسي متزوجه عن حب واحس حياتي والحمد لله حلووه وايد ولها طعم وذكريات جميله وسؤالج اختي اذا غاب عني ابصراحه احس بضيق بصدري ولازم اكلمه لان عمله يتطلب السفر كثير وهو بعد يشتاق لي وعلى طول يتصل فيني ومشاعري اذا اقترب مني ابصراحه شعور ماينوصف لاني احسه يتقرب مني بروحه قبل جسده ويموت فيني الحمد لله هذي نعمة
صحيح ان احيانا تصير مشاكل وزعل بس ماتتعدى اكثر من يوم والسبب سياستي معاه قولو ماشاء الله
بس بعد اختي متزوجه شخص ماتعرفه بس الحمد لله متفاهمين البنت هي بأسلوبها وتصرفاتها واحترامها له وهذا اهم شي تقدر تكسب الرجال
واتمنى اني ماطولت عليكم

والله فرحت لان فيه رد على الموضوع ...
والله يديم المحبه ان شاءالله ويزييدها وماشاءالله

جدا مهم لان الحياة الزوجيه مليانه مطبات ومشاكل ومواقف يتعرض لها الطرفين وضغوطات ماليه ونفسيه وتقلبات غير مجئ الاولاد والتغيير اللي يسببوه في الحياه من مسؤليه بس طبعا هم زينه الحياة واذا ما في شي قوي من الاساس تاكدي ان الزواج راح ينهار بسرعه والانهيار مو بس بالطلاق فيه الطلاق العاطفي اللي اعظم واشد على النفسيه وانا ما اقصد الحب المبني على علاقات قبل الزواج كثير يتوفقون بالزواج من اشخاص ما يعرفونهم ويتكون بينهم مو بس حب الا عشق بمعنى الكلمه000

صح كلامج اختي .. الزواج عن حب نسمع ونشوف انه زواج فاشل بنسبة كبيرة .. طبعا مو كل التجارب فاشله بس هذا الاغلب ..
والحب اللي بعد الزواج هو الحب الافضل
اتمنى المزيد من المشاركات الحلوة
لاخلا ولاعدم

انا مقدر اعيش من غير حب ..والحمدلله انا وزوجي نحب بعض موت وهالشي يساعدنا على تخطي المشاكل والمطبات الحياتيه...بس عمر زعلناا مازاد عن يوم واحد..الحمدلله...مع العلم حبنا جا بعد الزواج لأن اهلي ماعندهم شوفه او مكالمات قبل ليلة الدخله..وفي رأيي الحب بعد الزواج هو الاقوى
لكن...
فيه ناس كثير عايشين مع بعض من غير حب ومرتاحين..اهم شي انهم مرتاحين ماديا...<<انامقدر اتكيف مع وضع هيك

يارب الله يديم هالمحبه عليكم

انا لست متزوجه ولكن اعجبني موضوعك ورأيت زوجات بعد ماتزوجو لايوجد بينهم حب ..... فكانت حياتهم صعبة يزعلون بسرعه ومن اتفه الاسباب لانهم لايوجد بينهم حب ولا تفاهم.....
فنحن بما اننا سعوديات لايوجد لدينا حب قبل الزواج وفي الحقيقه انا لا اؤمن بالحب قبل الزواج .... فالحب الحقيقي ياتي بعد الزواج والمعاشرة فسبحان الله يؤلف بين قلوبهم.......
فالحب مهم جدا بالزواج .... فالزوجه اذا احبت زوجها وهو احبها سوف يفهمان بعضهما ويقدران بعضهما ويكون للزواج معنا فهي سوف تعذرة اذا قصر انه مشغول بعمله مثلا...... وتفهمه وتحاول التقرب منه واحتواءه فالحب كالبلسم للحياة ........
وارجو اني اكون عبرة ووصلت الفكرة بشكل الصحيح ... لاني غير متزوجه فلم اجرب هذا.. ولكن ادعو الله لي ولكم الازواج المحبين لكم وانتن محبات لهن ...................... وشكرا

مشكورات حبايبي على ابداء الرأي والتفاعل
وفعلا كل اللي قلتوه .. بدون الحب تكثر المشاكل والخلافات وقد تطول
والله يرزقج اختي بالزوج الصالح ويسخر كل زوج لزوجته والعكس
بانتظار باقي الفراشات

اختى الحب حب لا يغيره قبل او بعد