هل انخطبتي واتزوجتي واحد ثاني هل زوجك خطب قبلك أو يحب قبلك ادخلوا للأهمية

1. >>>> بتقلبها هواش خ


2. هذا مختصر اللي اتذكره من كلامهم


3. =================

ياهلا ومرحبا
شكراً لدخولك موضوعي
===================
بسم الله الذي لا يضر مع اسمه شيء في الأرض ولا في السماء وهو السميع العليم
===================
أنا قرأت موضوع وحده من الاخوات بس ما ادري وين راح الموضوع اللي تقول زوجها يدلع خطيبته الاولى قدامها
والصراحة انا عشت نفس موقفها .. واكثر ..
بس الحمدلله كل شي مشى على هواي ومثل ما اريد
المهم والمغزى من الموضوع ابغا اقول لكل وحده كان زوجها خاطب قبلها وحده أو كان مملك أو متزوج ... لاتحزني إن الله معنا
النوع الأول من الرجال المتزوج .. كان يحب وحده وما خطبها ولا شي .. هذي حبيبتي مجرد ماضي وانتهى
النوع الثاني .. كان خاطب وحده وما تزوجها وتزوجك انتي .. هذا سهل جداً ينساها .. لاتهتمي
النوع الثالث .. كان مملك .. هذي نفس حالتي .. يمكن كان صعب شوي ينساها .. لأنه اجباري طلقها .. لكن لو كانت اسباب مشاكل ثانية برضو لاتهتمي
النوع الرابع .. كان متزوج .. وطلق .. هذا له حالتين .. إما مجبور .. فهذا ممكن يرجع طليقته في أي وقت .. الحالة الثانية .. من قناعة طلقها .. فلا تهتمي مستحيل حتى يفكر فيها .. يمكن بتحسي شوي انه يقارن .. بس خلي لك شخصيتك المستقلة وماعليك منه
==============
النوع الثالث هو محور حديثي .. لأني عشت الموقف وعانيت لين ما صار زوجي خاتم باصبعي
انا بعرف الحين ان خطيبة زوجي السابقة تقرا موضوعي .. وهي عارفة نفسها شوفوها قاعده تقرا
شوفي ياقلبي .. أول شي مبروك زواجك ومبروك حملك والله يتمم لك حملك ويقومك بالسلامة ويرزقك 4 توأم وتنشغلي فيهم طول حياتك
وبعدين احمدي ربك ان الله فكك من هذا الشخص اللي تزوجته والله لاشكل ولا دين .. حتى الاخلاق دايماً مقفلة هههاي
ولاعاد تفكرين فيه ..لو كان يحبك ماكان طلقك...كان دافع وضحى بكل شي عشانك .. ياقلبي عليك والله تحزنين .. وكمان باقي محتفظه بالصور والفيديو ..؟؟ ليه على بالك بيرجع لك يوم من الأيام .. هذا حلم .. مجرد حلم ياماما .. بعدين وش ذنب زوجك المسكين اللي مو داري وش الهرجة
انا ذاك اليوم سألت شغالة اهلك عن شكلك ابغاها توصفها مو عشان شي ببالك.. لا ياقلبي .. بس عشان لقيت في جواله صورة بنت .. وطلعتي مو انتي .. ياعيني عليك .. كان مملك عليك ويكلم وحده ثانية ..وثالثة ورابعه .. وانتي على بالك انك الوحيده بقلبه

>>>> بتقلبها هواش خ

خليه يعشقك .. مثل ما يعشقني زوجي الحين (( قولي ماشاء الله )) راح اعلمك كيف لا تخافي ..
ومهما تحاولي انتي واختك .. تسوي مشاكل .. لا تفرحي ماراح يطلقني زوجي ابداً ابداً .. قبل شوي قبل ما يروح الدوام .. قعد يبوس ارجولي يقول فديت روحك ياعمري انتي جعل الزكمه فيني ولافيك .. لاتسوي عشا انا بجيب ..
ولو اطلب النجوم .. جابها لي .. وكل شي اتمناه جابه لي .. وكل شي نفسي فيه يجيبه حتى لو في اخر الدنيا .. امس باع جواله البلاك بيري .. عشان يجيب لي اي فون لأن قلت نفسي فيه .. ومره بس مرينا مرور من محل كنبات وقلت اله حلو قماش هذا الكنب روعه بس كذا قلت .. وتفاجأت .. بعد ما رجعت من السفر .. إلا كنباتي منجده نفس القماش اللي كان نفسي فيه ..
حطيت مرة موضوعي اشتكي من زوجي مو رومانسي في منتدى مختلط رجال ونساء .. قلت بس بشوف كيف الردود .. ردوا الرجال اكثر شي .. كلهم يقولون .. بالعكس من كلامك زوجك يحبك ويموت فيك بعد ..
احنا الرجال مانعرف نقول كلام رومانسي ولاحركات زيكم يالحريم .. احنا لا حبينا وحده وفرنا لها كل اللي تبغاه .. ونحاول ماينقصها شي لا لبس ولا اكل ولا اثاث ولا اي شي من حياتها .. المهم نعبر عن حبنا بالفعل مش بالقول

هذا مختصر اللي اتذكره من كلامهم

=================

والله يابنات مو عارفة كيف اقولكم .. انا وزوجي ما نحب نبين قدام الناس قد ايش احنا نحب بعض .. والله لو يصير لواحد فينا شي ينجن الثاني .. صار زوجي يقول والله ما ادري كيف اعيش بدونك .. انتي حياتي وهواي اللي اتنفسه
بتقولون كيف سويتي ؟
ماسويت شي .. تعاملت مع زوجي بطبيعتي .. ودعيت رب العالمين في أوقات الاجابة ان يألف مابين القلوب ويحببني له ويحببه لي (( في البداية ماكنت احبه مدري ليش ))
واكثرت من الاستغفار بكل وقت .. حتى وانا قاعده احمل اي ملف على النت وبياخذ دقايق .. اقعد استغفر
والصلاة ما قد اهملتها الحمد لله من صغري ..
وقعدت احاول معاه انه يصلي في المسجد ... وتغير شوي حتى اهله يقولوا ماشاء الله اخونا صار يصلي مو زي أول كان يحط المخدة على اذنه إذا سمع الأذان .. !!
الدعاء يابنات ثم الدعاء ..
أما امه شي ثاني .. مدلعته دلع غبي .. وانا ما عندي ذاك الدلع لدرجة اني اجيب الفطور على السرير !! ليه خير ان شاء الله معوق لا سمح الله
وهي السبب اللي خلته ما يهتم بالصلاة تقول احزن عليه اذا كان نايم .. انا ماعندي إلا
في بداية الزواج كان له علاقات بالجوال .. بس خلاص عوضته عن كل بنات الحرام .. ماعاد ينقصه شي <<<< اخاف اقول كذا وبكرا الاقي بنات بجواله خ
والشي الثاني كلكم عارفينه تهتمين بشكلك ولبسك وريحتك ومكياجك ونظافة البيت واهم شي (((( طبخك )))) لاتطبخي نفس طبخاات امه .. نوعي وشكلي وكل يوم شي جديد.. لامانع من الاكلات الشعبية .. بس خليها في الشهر مرة ..
وأمه ... اكسبي امه مهما كانت ××××× ... تعالوا شوفوا وش سوت فيني .. ومع كذا تحبني وتقول لو يفكر ولدي في وحده غيرك صفعته على وجهه http://alfrasha.maktoob.com/alfrasha12/thread1524334/
واخواته اكسبيهم حتى لو صارت مشكلة يوقفوا في صفك ويدافعوا عنك
وخلي شخصيتك قوية الرجال يحبوا هذا النوع .. مايحبون الوحده كل شي طيب طيب حتى لو على حساب راحتها لا..
وخلي كلمتك هي اللي تمشي بس بذوق ودلع .. في الامور العادية .. قصدي مثلا الرحلات والسفر وحاجات بسيطه تتوقعي فيها يقول لا
والله فيه تفاصيل كثيره في مواقف كثيره تتطلب من الوحده الذكاء والحنكة والدهاء +++++++ ومكر النساء
بس هذا اللي اقدر اقوله الحين ... تعبانه والله مزكمه ...
اسأل الله العظيم لكل زوجين الحب والسعادة الدائمة
مع السلامة