هل تخبرين زوجك عن انزعاجك من اي فرد من أهله

انا مثلك تمام بس انا اكلمه علشان ارتاح واكلم الي مضايقني علشان اتفاهم معة اذاماتفاهمت معه وماتقبل طربقتها عليه وزوجي يون عارف بالخبر لأنى مستحيل اسوي حاجه من ورا ظهره

اول بداية زواجنا كنت اكتم و ما اقوله علشان كنت اخاف انه يزعل بس بعدين مليت مرات ارد ومرات اخبره علشان يتفاهم وياهم

والله ان احنا طيبين واجد واهل الرجال يحسون ان احنا دايمن من حبهم وخاصه اذا فيه حموات متزوجو تشتغل الحره لكن الحرمه العاقله اذا شافت من هم غلط لازم تتحمل علا شان زوجها حبيب قلبها وانا دايم اقوله واطلع اللي في قلبي له حذاري بعض الازواج اذاقالت له مرته اهلك غلطو علي يروح على طول ويقول لهم ويزعل من هم وبعدين يزيد الكره حق الحرمه وتكثر المشاكل وانا بصراحه اعاني من اهل زوجي واجدولكن علمني حبيبي دايم اخذهم على قد عقلهم وبعدين اذا غلطو علي اعرف انهم محترين مني واجدههه واستانس علشان اعرف اللي داخلهم وشكرا ملاك111 الجبيل

أنا الحمدلله أهل زوجي طيبين ولا لهم شغل بأحد خالص
بس بعض المرات يكون في شوية مشاكل صغيرة لا أخذها على محمل الجد...تجنبا للمشاكل
وعلشان ما أحط زوجي بين نارين و أعمل الحبة قبة
و دايما أمي توصيني أن ما أغث خالتي أم زوجي و أغلط عليها و أحترمها و أعطيها هدايا من وقت لآخر
مثل الأواني المنزلية والأقمشة....علشان ربي يرضى عني ويعاملوني حريم عيالي بالمستقبل بالمثل ...إن شاء الله
فحاولي حبيبتي لما تصير مشكلة... لا تهتمين....وكل شئ بالمناقشة....وإياكي و الصراخ والصوت العالي أمام زوجك لما تشكين له من أهله
بس حاولي أن محد يتجرأ ويهينج يعني أخذي حقج بإيدج
يارب أكون قد ساعدتج
وشكرا
أختج مرحوبة من الكويت

مرحبا
انا اهلي زوجي يرفعون ضغطي مرات بس اتحمل ما اقول مالي خلق مشاكل بس اذا كان ودي اقول ومنقهر من خوتاه اعلمه بشكل غير مباشر بعد السالفه بكم يوم يعني لكن امه مستحيل اجيب لها طاري لأن يا حلوين بيستانس دايم امدح امه وكذا بيقول اكيد الغلط من خواتي مو من زوجتي لاني اذا ابعلم بمشاكل فهم عن خواته وامه بالعكس دايم امدحه
وبس ومنكم نستفيد

مستحيل أقوله شي
إلا في حاله واحده:::::
إذا زاد الشي عن حده وخفت تكون مشكله كبيره وحسيت إنه لابد يتدخل علشان ما تكبر زياده
ولا يمكن أسب أحد من أهله وهم أحسن الناس لما أتكلم عنهم

أنا بعد الحمد الله فبداية العرس كنت أحب أخوه الصغير ويجلس في بيتي عشان كان مستانس علينا وع البيت الجديد ...
بعدين مسخت السالفة يعني عادي يقعد فبيتي من الصبح إلين الساعة 12 أو 1 بالليل ....
عاد كل شي له حد كلمت زوجي وخبرته أني ما أقدر أخذ راحتي بالبيت ...
ولا باللبس ...
ولا بزوجي ...
ولا بالتلفزيون وكله ع سبيس تون
وبالعكس تفهم زوجي كثير وفهم أخوه الصغير زين ..
وقمت أقفل الباب شو أسوي ما شي غير هالطريقة عشان ما يتعود...
البيوت أسرار..
ولا شو رايكم...

انا ماقدر اسكت عن اشياء لازم اقوله
وبعض الاشياء اسكت عنها اوقولها لامي شاسوي ولا بموت من القهر
مع انهم طيبين بس بعد تطلع المشاكل بسبب طريقة تربيتهم لبنتي وتعاملهم بدون قصد تستوي المشاكل

والله آنا دائماً أخبره بكل شيء وحتى اذا احد من أهله ضايقني لكني اكلمه بحنيه وزوجي تفهم جداً ولكن فكرته دائماً أنتو خوات وتتفاهمون مع بعض وهو فعلاً أنا ما أشيل في خاطري وكلها خمس دقائق وما في شيء وزوجي يعرف هذا الشيء...