هل زوجك يحب اطفاله حب موعادي بجنون

مافي اراء لو دردشة

شوفي ياروحي مو صحيح بعض الرجال مايبين وبعدين مافيه رجال مايحب عياله ...وبعضهم يكره مرته وصابر معاها عشان عياله مو صحيح لاتلعب فيك الافكار وتبين الصراحه فيه اطفال ياخذن قلب ابوهم بسواليفهم

انا سمعت بعض الناس تقول حب الاولاد من حب امهم بس مادري صحيح ولالاء
انا زوجي يحب اولاده وبنتي الصغيره متعلق فيها ومتعلقه فيه

انا اطفالي حلوين وجذابين وما فيهم شي المشكلة في زوجي شعوره مخفي

*؛
.. مادري عن المقوله بس ماتوقع صح !!!!!!..
.. كثير صابرين على حريمهم عشان عيالهم ..
.. فا مو شرط حب الأطفال ناتج من حب أو كره المرآه .. أحس ماله علاقه ..
*؛
.. للأسف ماجربت حامل بأول مولود .. والله يستر من مشاعره تجاه النونو ..
*؛

لا مااتوقع انه مايحبك لان كلن حبه لحال وممكن الرجال مايحب يلعب او يجلس معهم عشان شقين او هو يكون تعبان او مشغول او ماينسجم مع الاصغار يعني اسباب كثيره ...
انا يجلس معهم دقايق بعدين خلاص عند الخدامه عشان صغار وصياح ولجه وهو يحب هدوء
لا يوسوسبك ابليس واتعودي منه
لكي ودي

شوفي ياقلبي لا ياخذك الشك
مافي اب على وجه الأرض مايحب عيالة
وعلى حسب شخصيات بعض الرجال
يمكن زوجك من النوع اللي مايحب يفصح عن مشاعره
لا بأسلوب حركي او لفضي
لكن من جواته يعشقهم عشق جنوني
ويمكن اللي يمنعه خجله او انو يحس ان هيبته ضاعت
ويمكن ياقلبي ماضيه مع ابوه كان كذا
يعني كان يعامله بقسوه وكان يحرمه من مشاعر الأبوه
مثل ماهو الحين يحرم عياله
لا تزعلي منه
يمكن ماضيه الزم عليه يكون بهذي الصورة المنسوخه من والده
وانتي المفروض تصارحية
في هذا الموضوع
قولي ولله عيالك ملاحظين انك جامد معاهم لاتاخذ ولا تعطي
انت اب وانت اسند بعد الله لهم حسسهم بوجودك وعطفك
يعني زي كذا ليني قلبه لهم
والله يخلي لك عيالك ويخلي لك بعلك
وتعوذي من الشيطان

انا عندي ولد واحد
ونفس الشي مااحس ابوه يحبه ابد ولا يهتم فيه
حتى كثير اوقات يكلمني لما يطلع للشغل او انا اكون عد اهلي
ويسولف معي ومايكلف نفسه يسال عنه
وفي البيت نادرا انه يشيله ويلعبه
بس متاكده انه يحبني