الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
أطيااااف
20-10-2022 - 08:40 pm
السلام عليكم ورحمة الله وبركاته
انا يابنات صار لي تقريبا سنة متزوجة وحامل ولله الحمد في الاشهر الاخيرة وجالسة ألحين اجهز حق البيبي ,, زوجي حاط سواق لكن مو لي لا هو جايبه من قبل زواجنا عشان اخته ,, اخته متزوجة وعندها اولاد صغار لكن عقليتها مو مرة وبعد زوجها مايودي ولا يجيب ولا شي وزوجها عنده بنت من حرمه قبلها لكن مطلقها والبنت عايشه مع اخت زوجي وهي في الكلية وحبوبة كثير معاها .. المهم اخت زوجي كانت معتمدة بكل شي على زوجي بعد الله سبحانه وتعالي هذا قبل زواجنا اما بعد الزواج فصار هو يحاول يقلل من اتكاليتهم عليه .. المهم انو اليوم الصبح اتصلت على السواق عشان بروح السوق لان زوجي بالدوام وقال لي السواق انه مع اخت زوجي لكن بيبلغها ويجي يوديني المجمع ويرجع لها ياخذها وفعلا جا ووداني وراح لها ورجعها البيت وطلعت انا ورحت لمحل ثاني الا هي تتصل ع السواق تقوله روح جيب بنت زوجي من الكلية قال مااقدر لان مدام في المجمع ألحين قالت له طيب ليه ماترد هي علي عشان انا جالسه اتصل عليها قال هي خلت جوالها في البيت ( وهذا فعلا اللي صاير لأن أنا كنت مخليه جوالي في البيت ) المهم نزلني وكان خلاص بيقرب يأذن الظهر دخلت واخذت الاغراض وطلعت بعد الاذان الا السواق يقولي ألحين بابا اتصل علي ( يقصد زوجي ) ويقول ألحين بيأذن وتطلع مدام من المحل اذا هي طلعت وانت وديتها للبيت رح لأختي عشان تشوف وش تبغى منك .. أنا انقهرت يابنات وعصبت جدا خير ان شاء الله موجايز انا بعد ابي اغراض ولسى ماانتهيت ,, المهم رجعت لبيتي واشوف الجوال الاقي بس اتصالات من اخت زوجي زوجي مالقيته متصل علي .. بس من جد جلست اغلي ومعصبة وهو اصلا اليوم عنده عمل الى المغرب وبعده عندهم عشا رسمي فارسلت له وقلت بروح اجلس عند اهلي اليوم كله وبنام عندهم ,, وانا ناويه اجلس عند اهلي كم يوم ابيه يحس انه غلط علي ,, هل معي حق والالا ؟؟؟ تكفون ابي رايكم ,,, واذا معي حق كيف اخليه يحس اني مو راضيه عن تصرفه ؟؟؟؟ التعليقات (9)
قال اذا خلصت ودها للبيت ماقال ارميها في الشارع وش المشكله ؟؟؟؟
وبعدين حلو من اخت زوجك حرصها على البنت يعني ماتبيها تنزرع في الجامعه وش المشكله .؟؟
وانتي روحي السوق اي وقت من العصر الى مايسكرون لو حبيتي
احس الواحد يزعل من شغلات مالها داعي فعلا
اختي انتبهي لزوجك بدل ماتفكرين تسوينها زعل حتى لو تبينه ينتبه هو عارف نفسه انه ماسوى غلط
اعذريني لصراحتي ..
وبعدين حلو من اخت زوجك حرصها على البنت يعني ماتبيها تنزرع في الجامعه وش المشكله .؟؟
وانتي روحي السوق اي وقت من العصر الى مايسكرون لو حبيتي
احس الواحد يزعل من شغلات مالها داعي فعلا
اختي انتبهي لزوجك بدل ماتفكرين تسوينها زعل حتى لو تبينه ينتبه هو عارف نفسه انه ماسوى غلط
اعذريني لصراحتي ..
جزاكم الله خير
لكن يابنات اللي يقهر ان زوج اخته كان موجود في البيت وهو عارف انه موجود
لكن يابنات اللي يقهر ان زوج اخته كان موجود في البيت وهو عارف انه موجود
والله امسك جوال الهندي واقفله وابن امه احد يلاقيني لحدت مااخلص شغلي
انا صح
الله يعينك ياقلبي
انا صح
الله يعينك ياقلبي
شوفي زي ماقلتي هذولا عقليات ولا تحطي عقلك بعقلهم وتخربي بيتك عشان شي تافه
معليه على الرد بس والله ابي مصلحتك
معليه على الرد بس والله ابي مصلحتك
يا قلبي لا تكبرين السالفة والله انا اشوفها ما تستاهل
ونصيحة لا تطلعين من بيتك على شي تافه
مشوارك كان للسوق وتقدرين تكملينه اي وقت
بس البنت ملطوعة في الكلية في عز الشمس
والله زوجك ما سوا شي غلط
وترا كثر الزعل والعتب يطفش زوجك منك
ونصيحة لا تطلعين من بيتك على شي تافه
مشوارك كان للسوق وتقدرين تكملينه اي وقت
بس البنت ملطوعة في الكلية في عز الشمس
والله زوجك ما سوا شي غلط
وترا كثر الزعل والعتب يطفش زوجك منك
حبيبتي من فرج على مسلم كربة من كرب الدنيا فرج الله علية كربة من كرب الاخرة
وبعدين زوجك يمون عليك عشان كذا قال للسايق وديها وهات البنت وين المشكلة لو انتي غريبة ماقال كذا راح اهو بنفسة راح يجيب بنت اختة
احتسبي الاجر وفوتيها ان شاء الله ان السالفة ماتستاهل تكبريها ياعسولة
تقبلي مروري واسفه على الاطاله
وبعدين زوجك يمون عليك عشان كذا قال للسايق وديها وهات البنت وين المشكلة لو انتي غريبة ماقال كذا راح اهو بنفسة راح يجيب بنت اختة
احتسبي الاجر وفوتيها ان شاء الله ان السالفة ماتستاهل تكبريها ياعسولة
تقبلي مروري واسفه على الاطاله
يؤ مره ما احس انه فيه مشكله وزوج اخته انتي قايله انه مايودي ولايجيب ؟؟؟
اقري المصايب اللي بالمنتدى عشان تعرفين انه هذا من قلب ولا شي؟؟
انتبهي لزوجك وبيتك الله يصلحك ويسعدك يارب
اقري المصايب اللي بالمنتدى عشان تعرفين انه هذا من قلب ولا شي؟؟
انتبهي لزوجك وبيتك الله يصلحك ويسعدك يارب
يااخواتي
البنت ماهي بنت اخته لا بنت زوج اخته ,, وابو البنت كان موجود في البيت
البنت ماهي بنت اخته لا بنت زوج اخته ,, وابو البنت كان موجود في البيت
عندما ينجرح كبرياء الرجل قصه لاتفوتكم→
واخت زوجك مسكينه عشان عقلها وعشان زوجها
احتسبي الاجر بسكوتك