هل هو بخيل وهل اتطلق متملكه

1. خطيبي طيب جدا و حنون


2. ويحترمني.. ويحبني ...


3. لدرجة حتى يقول ان فلوس شهر العسل متسلفها ..


4. بس بيسوي عشاء بسيط و يعزم اهلي واقاربه هو ...

السلام عليكم ...
بدخل بالموضوع بدون مقدمات و الكتاب من عنوانه ..
متملكه من كم شهر ... وزواجي قريب ,,,

خطيبي طيب جدا و حنون

ويحترمني.. ويحبني ...

بس لاحظت انه يكثر الكلام في الفلوس ... حتى انه يحي عن اصدقائه اذا واحد صلح سيارته ... يقول كان المفروض يصلحها بميتين ريال وانا دليته على واحد صلحها له بخمسين ... ومره يقول كان علي قسايم في المرور وكانت مية ريال بس ... وتلركتها ما دفعت وتضاعفت صارت حدود الف ريال ...
ومرة شاف في يدي خاتم ذهب قال لي بكم شاريته قلت ب700 ريال قال اوف ؟؟ قلت هذا ذهب ... قال غريب لونه فضي..؟؟ قلت ذهب ابيض ما عرفته ؟؟؟ قال لا والله ما كنت اعرف ان في ذهب ابيض ... بينت له اني تضايقت و استغربت اسلوبه قال وربي ماكنت ادري احسبه اكسسوار ب700 فاستغربت ... وهو حلو مره و على يدك احلى ومن هالكلام ..

لدرجة حتى يقول ان فلوس شهر العسل متسلفها ..

والشقه اللي استأجرها مره صغيره .. غرفة نوم وصالة ومطبخ ومجلس ومقلط وحمامين ... واثثها و صور لي الاثاث انا طلبته عشان اشوفها وكان مره مو حلو حتى غرفة النوم مو حلوه اظن من شكله ان الصناعه وطنيه ....واثاث المطبخ يقول بيجيبه من شقته اللي عند اهله لانه ماثثها من زمان بس يقول انها جديده ,,
انقهرت مره ... اذا كذا من اولها ...
فاشلون تاليها ..\\\
غير كذا رفض يعمل فرح كبير يقول ما عندي القدرة ... وما فيني عالسلفيات و هو يقول انه مقترض من البنك و كمان قرض تكميلي ...

بس بيسوي عشاء بسيط و يعزم اهلي واقاربه هو ...

وش رايكم .... مع اني من النوع اللي ما احب السوق مره ... ما احب اتسوق الا في المناسبات و اكره نزلة السوق ..بس اشتري اللي يكفيني لفترة طويله ...انا كذا طبعي من عرفت نفسي ... وقنوعه مرره .. ولا انا من النوع اللي اطمح للشي الغالي و طيبه مره واعرف اني باطيعه في كل شي بس خايفه مع الناس واهل الزوج والعزايم يتغير تفكيري و قناعاتي ... الناس دايم يقولون كل شي الا البخل ما يقدر احد يستحمله ؟؟
بس زي ماقلت لكم انا ارضى بالقليل بس حقي طبعا ما اتنازل عنه ... و انا ان شاء الله باتوظف عندي امكانية للوظيفه ...
تكفون كل اللي يقرون الموضوع يعطوني وجهات نظرهم ...
انتظركم ,,, ودعواتكم لي بالتوفيق ...