وابي من حركاات الدلع الي البنات يعرفونها بالتلفون والتغلي ساعدوني

لاتحاتين لازم بالبداية جيه يكون
وهو بيعذرج لانه توكم في الملكه واول يوم صعب انج تاخذين وتعطين وياه
صدقيني مع الايام بتتعودين ومن نفسه بيطلع الكلام
لاتحااتين تراه عادي

عادي والله هاذي الحاله
وعاد تدرين أن هم يحبون اللي تستحي في البدايه
لكن مو مره وتطول معاك هالحاله
مثلا سولفي عن دراستك عن أهلك وطلعاتكم أو مواقف تضحك من إخوانك وتعليقاتهم عليك أيام الخطبه
أسأليه عن شغله وأهله وعن شخصيته
واكلام الحلو خليه بعد ما تتجرأين عليه يكون أحسن
وأكيد بالعيد الجاي جيبيله هديه
والله يسعدك ويوفقك

ياحبيلك الله يوفقك ياقلبي
الايام الولى لاتسوين حركات دلع لانها بتصير صعبة
بس اذا سولف عليك انه بطل "وطبعا كل الرجال يحبون يصيرون ابطال"
اظهري اعجابك واذا قال شي مضحك او نكتة """"حتى لو هي سخيفة""""
اضحكي بس بنعومة
واختمها بشهقة خفيفة دلوعة

انا استوي معاي نفس الشي وانا بزياده حتى رقمه ماخذيته ويلست بعيد عنه
ويوم اتصل قلت له انا تعبانه وابا ارقد بس بعدين اتعودت عليه
وبعد الزواج انا اللي دايما اتكلم واثرثر وهو ساكت
يعني حبيبتي لاتستعيلين على رزقج بعد شهر انت بتتكلمين وهو بيسكت

وأنا أقول نفس كلام الاخوات حبيبتي هذا شىء عادي كلنا مرينا فية والله يوفقج

حبيبتي لا تشيلين هم ولا شيء شكلة أولا لما حسيتي إنه ما صدق إن أمك تجي وإنه مل منك !! لالالا
شكل زوجك مستحي مستحي مستحي أنتي لو فكرتي في الموضوع وحطيتي نفسك في أي موقف محرج مع أي احد بتجلسين تقولين في نفسك ياربي متى خلا ص أطلع مو لإنك ماأنتي مرتاحة او مليتي إلا من ألإحراج إلي انتي كنتي فية وبعدين مادام بان عليه الإحراج معناته الحين هو يفكر في نفسه ومقهور من الإرتباك و والإحراج ويبغى يثبتلك المرة الجاية إنة الأمر عادي يعني جهزي نفسك لقنبلة بتنفجر ههه لا تتجهزين ولا شيء أحيانا القنابل تطلع مغشوشة يعني مايزبط التخطيط ويفوز الإرتباك اما على حركات التغلي فانا ماطبقتها نهائيا كان كل الي عندي يعرفة يعني لومادقيت علية يعرف إنه موحكاية تغلي لا.. تعبانة او فيني شيءمانعني ماأدق عليه وهو كمان كان معي كذا وزوج أختي كان لما تتأخر مسكينة وما قصدها غصبا عنها يزعل منها ليش تتغلى وهو مشتاق يعني بالعربي بعض الشباب يتضايقون من سالفة التغلي وبعضهم تمشي معهم والله ييسرلك وطمنيني إذاجاك المرة الجاية هاه لا أوصيك وعلى فكرة تري كنت زيك ماتكلمت جلست فترة وبعدين تكلمت والمكامة من اول مكالمة كأني اعرفة من زمان ولما يجي يتسكر فمي ههه
معليش طولتها لكن برضة لا أوصيك هاه؟؟؟؟

الله يوفقج يالغلا
وبعدين انتي ليش خاايفه ومتوتره هذاا شي طبيعي جدا
انا مريت بهالتجربه يوم ثاني مره يلست مع خطيبي
اول ما دخلت كنت مستحيه وايد
وهو يتكلم وانا ساكته
بس شوي تكلمت
وهو عاادي قدر موقفي لان هذاا يحصل ف البداايه
بس مع الاياام بتتعودين عليه
وذيج السااعه ادلعي واتغلي عليه
بس نصيحه لاتكونين خجوله وايد بعد شهر او شهر ونص من الملجه
حاولي انج تتكلمين ويااه وتناقشينه
بي كول
واتمنالج حياة سعيده ان شااء الله والله يرزقج بالذرية الصالحه

هادا شي طبيعي في البداية ولكن عشان تصير ايام خطبتكم احلى ايام لازم تتركي الخجل شوي وبيصير يحبك ويفكر فيك
على فكرة ايام الخطبة اكتر ايام بيكون الحب فيها مولع وكذلك الاشتياق عشان هيك لا تضيعي هالايام الحلوة
شوي شوي خدي عليه واتقربي منه عشان تفهميه ويفهمك
اقنعي نفسك انو حلالك يعني جهزي الكلام والمواضيع اللي راح تحكيلوا اياها قبل مايجي واحكي لنفسك انك مابتعملي شي غلط ولا حرام
الرجل يمكن يزهق او يقلل زياراته في حال طولت كتير في خجلك الغير مطلوب
حابة احكيلك الفرق بين الخجل والحياء الذي هو شعبة من الايمان
الحياء هو تجنب عمل ماحرمه الله من باب الخجل
الخجل هو تجنب فعل اشياء اباحها الله وسببه هو التربية
وانت اللي تعمليه هو خجل وليس حياء

وانا مع كلام الاخوات في البدايه لازم زي كذا اذكر زوجي كان يقولي ليتك جريئه لما اشوفك مثل جرائتكي في التلفون حبيبتي عادي تجيكي جراء شوي لما تكلمون بعض في التلفون وعادي بعدين تتعودين عليه