ودي افرح برمضان هذة السنة عند اهلي

صباح الخير يافراشات
ابغى مشورتكم ياحلوات
انا موظفة وجاية عند اهلي اجازة مالي الا اسبوع مع الاسبوع الجاي يعني اسبوعين زوجي ف مدينة اخرى ترجيته اجلس رمضان عند اهلي والحيت قال خليني افكر بعد يومين كلمني قال تجهزي انا جاي اخذك
وبيني وبينكم مو عشان شي عشان بس اسوي الفطور فطور رمضان الله يبلغنا رمضان, انا والله ابغى اجر افطار صائم , ولمين؟ لاهله
زوجي من النوع اللي مايحب الاكل الا اللي يسد جوعةبس لازم كل يوم سفرة ملكية شي وشويات وكمان عمرة ف حياته مااخذ الحق لي, اهله كل شي ف حياته ماشاء الله امه عندها شغالة مع ثلاثة من اخوانه وولد خالته ساكن معانا,ولازم العائلة الملكية مجتمعة
والله من 11 سنة عمرة مافطر معي ع سفرة وحدة دائما لوحدي بغض النظر عن 5 سنوات او6 كنت بعيدة عنه بحكم وظيفتي والا السنة الماضية واللي قبلها اني لوحدي افطر وهو مجتمع مع اهله على اساس يحبهم موت وهذا الشي يعني اذا جلس معي باكون فرقت بين العائلة.
طبعا هو ماقال لي بيرجعني عشان الكلام هذا , يقول مشتاق حيل لي والاولاد طبعا ذكي ماجاب سيرة هذا الشي عشان ماازعل والا عارفة بس اوصل عندة خدامة.
طبعا مشاكل كثير بيني وبينه سببها انه يسمع لاهله وزملاه . بس والله مايجبرني اصبر عليه الا ابنائي وانا الان ف حيرة اش اسوي , ماابغاه يفهم اني فهمته يعني ارجع لاهله وخدمتهم , يعني ماابغى العيب مني , ولو اني عصبية ومتهورة , واهلي مساكين مايعرفوا لهذه الحركات وانا والله ماني مكلفة , وازديكم من الشعر بيت دوام زوجي ثلاث ايام استلام ف العمل يعني مايفطر معي والله يجلس يتصل سوي الفطور وافطري مع اهلي والا هم ينزلوا يفطروا عندي , وام زوجي عمرها ماكلفت نفسها تفطر معي ولا يوم دائما جالسة مع اولادها . وماشاء الله ماهي عاجزة يعني نشيطة خاصة بعد ما صارت ارملة , اولادها معيشينها ملكة ( الله يرزقني بر ابنائي ويسخرهم لي )
شوروا علي الله يرضى عليكم اش اسوي ؟
مليت مشاكل وحاسة اني دائما مهزومة امام هؤلاء البشر, وبعد مايعترفون ولا حتى شكر الا على مضض من ام زوجي ,
الله يصبرني ويجبرني ويارب اجلس عند اهلي وارتاح هذة السنة , يارب امين
ادعوا لي
وشوروا علي 0