ورشة اعداد و ترتيب الليالي الرومانسية لثلاث فراشات فقط أسبوعيا

راح أدخل في الموضوع على طول و بدون مقدمات
اليوم قعدت افكر وش نسوي فكرة جديدة في قسم الحياة الزوجية عشان كل البنات يستفيدون
و يكون المنتدى بإذن الله مصدر فائدة و سبب من مسببات السعادة الزوجية
بإذنه تعالى
و جت في بالي فكرة هالموضوع
كل أسبوع راح يكون فيه ثلاث عضوات أو فراشات
طبعاً كل وحده ترشح نفسها (يعني الأمر اختياري)
و تكون عندها مناسبة أو حابة تكسر الروتين بأنها تسوي ليلة حلوة لها هي و زوجها...
تحط بس اسمها في هالملف و أنا بإذن الله راح اساعدها أنا و إذا في بنات حابين يتطوعون في المساعدة معي:

• راح نعطيها أفكار لتزيين غرفة النوم و السرير


• راح نوفر لها بطاقات الدعوة لهذه الليلة سواء بطاقات ورقية أو عن طريق المسجات mms أو sms


• راح نوفر لها عروض عن ذكرى الزواج أو الاعتذار او مجرد التعبير عن المحبة و المودة


• أتمنى من الأخوات التاجرات المساهمة في توفير الألعاب الزوجية و الكاسات المضيئة و الإضاءات و اللانجريات المثيرة و غيرها للعضوات المتقدمات

و ذلك بالمشاركة و المساهمة في هذا الموضوع..

• توفير كل ما تتمنينه من الأفكار و الحركات ما استطعنا..

كل اللي عليك عزيزتي الفراشة أنك تتدللين و حنا ما علينا إلا نوفر لك اللي نقدر عليه بإذن الله
وياليت كل وحدة نجهز لها ليلتها الحلوة تصور لنا بعض من انجازاتها
عشان نحس فعلاً بأننا انجازنا ولو شيء بسيط بهذا الموضوع
الذي أتمنى أن تستفيد منه الكثيرات بإذن الله تعالى
يللا كل وحدة تبي تجهز لليلة رومانسية تحجز و تسجل اسمها من اليوم
الاعدادات بإذن الله راح نبداها من السبت الجاي
(((الأسبوع هذا راح نخليه لتقدم المتطوعات للمشاركة في هذه الورشة
و الإعدادات لليالي الرومانسية)))
و أنا مابي منكم غير دعوة لي في ظهر الغيب...