وزني 61 وهدفي اكون 57 مين تكون معايه نتحدى بعض

نبض روحي

29-10-2022 - 12:51 am

يابنات انا كان وزني 65 والحين ليه تقريبا اقل من شهر مشاء الله صرت 61
وابا اكون 57 يعني ابي انزل تقريبا 5 كيلو
لانه طولي 157 وابا اكون وزني مثالي
الي تبون تدخلون معايه تحدي ننزل ال 5كيلو اتفضلو شاركوني التحدي في الموضوع وياريت كل يوم تدخلون وتقولون كم مشيتوا وايش اكلتو ؟؟
الريجيم حقي الي نحفت عليه 4 كيلو في اقل من شهر هو
كالاتي
انا اشرب عصير اناناس معلب بدون سكر اذا حسيت بالجوع واحيانا احط معه نص الغطاء حق خل التفاح لانه قالو ينحف
واحيانا عصير برتقال بدون سكر وقت الجوع
واحيانا اشرب عصير كوكتيل بدون موز لانه الموز بيسمن
واكل زبادي رشاقه بدون دسم مع خياره وليمون واحيانا احط معه شويه خل التفاح لانه قالو الزبادي بدون دسم يحرق الدهون الي في الجسم
واكل بيض عيون او مقلي او مسلوق بمسحه خفيفه زبده في الصاج مع توست او واحد عيش صامولي
واحيانا اكل كورن فليكس بحليب المراعي وسكر عادي
ونادرا شوربة اندومي بالدجاج بدون مااحط كيس الزيت الصغير حقها
واحيانا اكل انا ناس طبيعي وكيوي لانه قالو يحرق الدهون في الجسم
واشرب شاي عادي بسكر عادي لانه مااحب سكر الريجيم واحيانا شاي بالحليب
وامشي يوم ويوم لا
لاني احيانا اكون خارج البيت
واذا مشيت ماامشي اقل من ساعه لازم ساعه عالاقل او ساعه وربع واذا عطشت اشرب مويه بارد عادي لانه قالو كذا في برنامج الرابح الاكبر
وبعد المشي اسوي رياضة الكرشه المعروفه
وبس
هيا نبا حماس
كل وحده تدخل تقول ايش تسوي ونتحدى بعض وكل يوم جمعه نقول كم الوزن صار ؟
وكل وحده تدخل تقول كم وزنها وكم تبا تصير ؟؟
يابنات ابغى شريط الوزن كيف تحطونه ؟؟

التعليقات (9)

نبض روحي

29-10-2022 - 03:51 am

ايش هذا وين الحماس ؟؟؟

سمر الحلوه

29-10-2022 - 04:52 am

أنا بكون أول وحده بترد عليك
انا وزني 61 وهدفي 58
وشعاري بدون سكر بدون زيت بس تقليل الاكل والتمارين عندي الاوربت ريك واحيانا امشي في السبوع 3 او 4 مرات
واتمنى نشجع بعض ويصير حماس وافقد 4 كيلو في نهاية الشهر
لكن اذا يومين وبتوقفي قولي لي عشان لا اتحمس وبعدين اخبص

ميس.

29-10-2022 - 05:53 am

اما وزني 62.9 وابي اوصل 58او 57
يالله معاكم
اليوم
فطرت جبنه قريش وقطعتين شابورة نخاله وكوب شاهي بسكر الرجيم
مشيت 22دقيقه على السير

غزال ما ينصاد

29-10-2022 - 06:54 am

انا وزني 53 و هدفياوصل47افكر اعمل الريجيم الليلي وانا معكم في التحدي

نبض روحي

29-10-2022 - 07:55 am

سمر الحلوه
لالالالا مستحيل اوقف
انا متحمسه اكثر منك كمان
تحدي والله وانا قدها وقدود ان شاء الله
يلا نبتدي التحدي انطلاق
انا اكلت اليوم سندويش بيض مسلوق بس وعصير اناناس

نبض روحي

29-10-2022 - 08:56 am

اب اب

~ســــكـــــون~

29-10-2022 - 09:57 am

خلاص أوكي يا نبض روحي
انا بشارك معك إن شاء الله بحماس لأنه وزني زاد هذه الأيام مدري ليه..
ووزني الحالي 67 وأبغى أوصل لهدفي الأول 60 وبعدين إن شاء الله أخطط لهدفي الثاني بس خليني حاليا أنزل 7 كيلو يكون تمام ..
ومشكورة ياقلبي على التشجيع لاني محتاجه أحد يشجعني من زمان ,,
وإن شاء الله نوصل للمطلوب

نبض روحي

29-10-2022 - 10:58 am

اب اب

نبض روحي

29-10-2022 - 11:59 am

~سكون~
تمام وانا قبلت التحدي بكل قوه
وياريت كل جمعه نقول كم الوزن نقص اولا ؟؟

نظامين الأول ينزل 9 كيلو في اسبوع والثاني 6 كيلو←
سؤال عاجل وهام الرجو الرد بسرعه→