وش رايك باللي صار مع زوجي بالسوق خ لايفوتكم

مساء / صباح الخيرات لأحلى فراشات
أخباركم ان شاء لله الكل بخير وخيرات
الموهم مالكم بالطويله وكثرة الحتسي جبت لكم موقف صار معي انا وزوجي من يومين بالسوق صح الموقف يغث بس عادي خليته فرفوشي شويات <<مرات تفصل
ياطويلاات العمر يوم الاربعاء وانا أجي واتلزق بقووزي<<زوجي خخ واقول له زوجي الحبيب اريد الذهاب الى السوق وقال لي حسنا يازوجتي العزيزه << قلت لكم مرات تفصل مشووها
وانا انطلق واجهز بنيتي واتجهز وانطلااق الى السوق وصلنا للسوق والحمد لله قال زوجي والله شكله زحمه مابي انزل قلت ماعليك مو متاخره انا انزل شوياات ونطلع
الموهم سمع كلامي وقال بلعب البنوته بالملاهي وانتي تسوقي وخلصي قلت اوكيشن بس طبعا اولا وقبل كل شي بآكل مييته جوع وحنا نروح للمطاعم ويجلس زوجي وبنتي بطاوله وانا اروح اطلب لي والمطاعم زحمه حريم طلبت ورجعت لزووجي الا اشووفه وجهه تقل مصفوقن بشي خ وانا اجلس وماقلت شي قال لي فلانه قلت هااه قال ذكريني لارجعت البيت اقول لك شي قلت افاا عليك الحين قول قال لا ماله داعي الحين عاد اختكم بالله تقل عرفت السالفه وعرفت ان الموضوع فيه شي خايف من ردة فعل قلت له قول بس وعليك الامان نياها ها ها <<شريره
ويوم عطيته الامان وهو على طول ينفلت ماصدق قال يوم رحتي جو بنتين ودخلو عندي بالطاوله وقامت وحده تطالعني وتضحك لي قالت ممكن نجلس معك !!
يقول وانا اتنح واقعد ارتجف ههه
وربي يوم قال لي كذا لاتسالوني ليه وربي مت ضحك ودموعي نزلت من الكركره عليه قلت وبعدين وش صار قال بس قعدو يضحكون مع بعض وراحو
وقانم يحلف قولي لي مرره ثانيه انزل والله ماعاد انزل ههه
وربي بنات اني انا من النوع العصبي حبتين وتنرفزني هالحركات بس سبحان الله قعدت اضحك كانه قايل لي نوكته
عاد نوصل لخلاصة الموضوع <<<قولي قسم بدري
وش رايكم بحركة البنات اللي سووها أنا عني صدق خلااص ماعاد فيه حريم يستحن وصلت لهدرجه ماقول الا على الدنيا السلام وانتم ارائكم